Juan 16:19 - Inkeanon

¹⁹ Sayod si Jesus nga gusto nanda nga magpangutana kana, ngani naghambae imaw, “Nagapaeangutan-an kamo sa akong ginhambae nga sa indi magbuhay hay indi ninyo ako hikita pero indi man kapilahan hay hikita ninyo ako it uman.

Juan 16:19 Iomraidhean Croise

Mateo 6:8

Ayaw ninyo sanda pagtueara ay hasayran eon it inyong Ama ro inyong kinahangean bago pa kamo magpangayo kana.

Mateo 9:4

Pero sayod ni Jesus ro andang ginapaino-ino, ngani naghambae imaw kanda, “Ham-an it nagapaino-ino kamo it maeain?

Marcos 9:32

Owa kaeubot ro mga sumueunod sa mga ginhambae ngato ni Jesus pero natahap man sanda nga magpangutana kana.

Juan 13:33

Mga palangga nakon nga mga unga, indi eon magbuhay ro akon nga pag-iba kinyo, ag kon owa eon ako riya hay usuyon ninyo ako. Pero ihambae ko man kinyo makaron ro akon kato nga ginhambae sa mga manogdumaea it mga Judio nga indi kamo makaadto sa akong ginaadtunan.

Juan 14:19

Sa indi magbuhay hay indi eon ako hikita ku mga tawo iya sa kalibutan nga owa nagatuo kakon pero makita ninyo ako. Ag bangod mabanhaw ako, kamo hay taw-an it minatuod nga kabuhi.

Juan 16:16

Naghambae pa gid si Jesus, “Sa indi magbuhay hay indi eon ninyo ako makita, pero indi man kapilahan hay makita ninyo ako it uman.”

Juan 16:18

Ano baea ro kahueugan it ginahambae nana ngara nga sa indi magbuhay ay? Indi't-a naton maeubtan ro anang ginahinambae.”

Juan 16:23

Sa ulihi hay bukon eon it ako ro inyong ginapangayuan. Matuod gid rang ginahambae kinyo nga bisan ano ro inyong pangayuon sa akong Ama sa akong ngaean hay itao ron nana kinyo.

Juan 16:26

Kon mag-abot eon ro oras ngaron, makapangayo kamo kana sa akong ngaean. Owa ako gahambae nga kakon pa't-a kamo mag-agi sa inyong ginapangayo kana,

Juan 16:30

Sayod eon kami nga nakasayod ka ku tanan. Bisan ro mga pangutana nga una pa sa paino-ino it mga tawo hay sayod eon nimo, ngani owa eon it kinahangean nga ipangutana pa ron kimo. Mawron nga nagapati kami nga halin ka matuod sa Dyos.”

Juan 21:17

Pinangutana ni Jesus it ikatatlong beses si Pedro, “Simon, unga ni Juan, ginahigugma mo baea ako?” Pagkabati kara ni Pedro hay nagsakit ro anang buot ay tatlong beses eon nga ginpangutana imaw ni Jesus kon ginahigugma nana ra. Tapos, nagsabat si Pedro, “Ginuo, sayod mo ro tanan ag ikaw mismo ro nakasayod nga ginahigugma ko ikaw.” “Kon mawron, tatapa gid ro akong mga katawhan nga matsa panong it karnero,” hambae ni Jesus.

Juan 6:61

Bisan owa it nagsugid kay Jesus hay sayod gihapon nana nga nagakilinumod sanda parti kara, ngani ginhambae nana sanda, “Hay matalikod eon baea kamo sa inyong pagtuo kakon dahil sa akon ngarang ginhambae?

Juan 7:33

Ngani naghambae si Jesus sa mga tawo, “Gaiba pa anay ako kinyo it madali eang nga oras, pagkatapos hay mabalik eon ako sa nagpadaea iya kakon.

Mga Hebreo 4:13

Owa gid it gintuga nga matago sa Dyos. Makita nana ro tanan ag hayag ra sa ana nga panueok. Ag kana man kita magapanabat sa atong mga binuhatan.

Pahayag 2:23

Patyon ko gid ro mga nagasunod kana nga ginabilang nga anang mga unga. Dahil karon hay makasayod ro tanan nga mga grupo it tumueuo nga ako ro makatungkad ku paino-ino ag handom it tawo. Ag baeusan ko ro kada isaea kinyo suno sa inyong binuhatan.