Juan 16:17 - Inkeanon

¹⁷ Nagpaeangutan-an dayon ro ibang mga sumueunod ni Jesus, “Ano baea ro anang buot hambaeon sa anang ginhambae ngara nga sa indi magbuhay hay indi eon naton imaw hikita, pero indi man kapilahan hay hikita man naton imaw it uman? Ag ano ro anang buot hambaeon sa ‘dahil magabalik ako sa akong Ama’?

Juan 16:17 Iomraidhean Croise

Marcos 9:10

Ginhipsan gid nanda sa iba ro andang hakita hasta nga nabanhaw imaw, pero tag owa pa ron natabo hay nagpinalitik man sanda it ueo, ag gin-inistoryahan nandang tatlo kon ano ro buot hambaeon ni Jesus it pagkabanhaw.

Marcos 9:32

Owa kaeubot ro mga sumueunod sa mga ginhambae ngato ni Jesus pero natahap man sanda nga magpangutana kana.

Lucas 18:34

Pero owa gid sanda kaeubot ku ay Jesus nga mga ginhambae ay ginlipod kanda ro kahueugan kato.

Lucas 9:45

Pero owa sanda kaeubot ku ginhambae ngato ni Jesus tungod ginlipod rato kanda agod indi nanda maeubtan. Natahap man sanda magpangutana kon ano ro kahueugan kato.

Juan 12:16

Tag nagakaeanabo ra hay owa pa haeubti ku mga sumueunod ni Jesus nga katumanan gali rato ku ginsueat it sangka propeta. Pero pagkabanhaw nana, ag ginpadunggan eon imaw sa eangit hay hadumduman nanda rondatong natabo, ag naeubtan nanda nga imaw gali ro ginapatungdan ku ginsueat ngato.

Juan 14:22

Tapos hay nagpangutana si Judas (bukon ra it tag si Judas Iscariote), “Ginuo, ano ro natabo nga kamon eang nimo ipahayag kon sin-o ka gid? Dapat 't-a kunta hay sa tanan nga mga tawo!”

Juan 14:5

Ginsabat imaw ni Tomas, “Ginuo, owa ngani kami kasayod kon siin ka gaadto. Hay paalin namon masayran ro daean paadto idto?”

Juan 16:1

Nagpadayon si Jesus it paghambae, “Ginasugid ko eagi kinyo rayang mga paghingabot kinyo sa ulihi, agod kon matabo eon don hay indi kamo magtalikod sa inyong pagtuo kakon.

Juan 16:16

Naghambae pa gid si Jesus, “Sa indi magbuhay hay indi eon ninyo ako makita, pero indi man kapilahan hay makita ninyo ako it uman.”

Juan 16:18

Ano baea ro kahueugan it ginahambae nana ngara nga sa indi magbuhay ay? Indi't-a naton maeubtan ro anang ginahinambae.”

Juan 16:19

Sayod si Jesus nga gusto nanda nga magpangutana kana, ngani naghambae imaw, “Nagapaeangutan-an kamo sa akong ginhambae nga sa indi magbuhay hay indi ninyo ako hikita pero indi man kapilahan hay hikita ninyo ako it uman.

Juan 16:5

Makaron pa eang ay gabalik eon ako sa nagpadaea iya kakon. Pero owa gid-a it bisan sambilog kinyo nga nagapangutana kon siin ron.