Juan 16:16 - Inkeanon

¹⁶ Naghambae pa gid si Jesus, “Sa indi magbuhay hay indi eon ninyo ako makita, pero indi man kapilahan hay makita ninyo ako it uman.”

Juan 16:16 Iomraidhean Croise

Marcos 16:19

Pagkahambae kara ni Jesus sa anang mga sumueunod hay ginpakayab imaw sa eangit, ag nagpungko dayon imaw sa pinakadungganon nga pwesto sa tuo it Dyos.

Juan 12:35

Nagsabat si Jesus, “Mangin kaibahan pa ninyo ro Iwag it madaling oras. Ngani samtang iya pa ra kinyo hay magkabuhi kamo suno sa paggiya it kahayag nga anang ginatao agod indi madueman it husto ro inyong paino-ino. Ro nagatikang sa kadueom hay owa kasayod kon siin imaw paadto.

Juan 13:3

Sayod ni Jesus nga gintugyan eon ku anang Ama sa anang alima ro tanan nga gahom, ag sayod man nana nga idto imaw maghalin sa Dyos, ag sa Dyos man imaw magabalik.

Juan 13:33

Mga palangga nakon nga mga unga, indi eon magbuhay ro akon nga pag-iba kinyo, ag kon owa eon ako riya hay usuyon ninyo ako. Pero ihambae ko man kinyo makaron ro akon kato nga ginhambae sa mga manogdumaea it mga Judio nga indi kamo makaadto sa akong ginaadtunan.

Juan 16:10

Pamatud-an man nana nga matarong 't-a ako sa mata it Dyos ag ro pamatuod kara hay magabalik ako sa akong Ama, ag indi eon ninyo ako hikita.

Juan 16:22

Makaruyon man kamo. Nagakasubo kamo makaron, pero mapakita pa ako kinyo it uman ag magakalipay gid ro inyong buot, ag owa it makabuoe karon kinyo bisan ano ro magkaeanabo.

Juan 16:28

Idto ako naghalin sa Dyos Ama ag nag-adto ako iya sa kalibutan, pero makaron hay mahalin eon ako sa kalibutan ay mabalik eon ako kana.”

Juan 16:5

Makaron pa eang ay gabalik eon ako sa nagpadaea iya kakon. Pero owa gid-a it bisan sambilog kinyo nga nagapangutana kon siin ron.

Juan 17:13

“Madali lang ako magbalik inha kimo, ngani ginahambae ko kimo ro mga butang ngara sa atubang ku akong mga sumueunod bago ko aywan ro kalibutan, agod mangin tueos man ro andang kalipay pareho sa akong kalipay.

Juan 17:5

Ama, kon magbalik eon ako inha kimo, ibalik kakon ro akong pagkadaeayawon nga akon eon eagi tag inha pa ako sa imong euyo, tag owa pa natuga ro kalibutan.”

Juan 7:33

Ngani naghambae si Jesus sa mga tawo, “Gaiba pa anay ako kinyo it madali eang nga oras, pagkatapos hay mabalik eon ako sa nagpadaea iya kakon.

Mga Binuhatan 1:3

Pagkapatay kana hay nabanhaw imaw ag nagpinakita imaw kanda sa sueod it 40 diyas ag sa sari-saring paagi hay ginpamatud-an nana nga buhi matuod imaw. Gintud-an man nana sanda parti sa paghari it Dyos sa anang mga sinakpan.

Mga Hebreo 12:2

Isentro gid naton permi ro atong panueok kay Jesus, ro pasimuno ag manogpaperpekto it pagtuo. Dahil ana permi nga ginapaabot ro kalipay nga mangin ana sa ulihi, mawron nga ginbatas nana ro pageansang kana sa krus ag ginbaliwala ro kahuy-anan karon. Ag makaron hay nagalingkod imaw sa pinakadungganon nga pwesto sa tuo ku trono it Dyos.