Juan 16:15 - Inkeanon

¹⁵ Gintugyan kakon it Ama ro tanan nga gusto nanang ipasayod sa mga tawo, ag itugyan ko man ron sa Espirito Santo. Mawron nga ginhambae ko kinyo nga isugid nana ro akong gustong ipasayod pa gid kinyo.”

Juan 16:15 Iomraidhean Croise

Mateo 11:27

Pagkatapos ni Jesus it pangamuyo hay naghambae pa gid imaw, “Ro tanan-tanan hay gintugyan kakon ku akon nga Ama. Owa it nakakilaea gid sa Unga mageuwas sa Ama. Owa man it nakakilaea it mayad sa akong Ama kundi ako eang nga anang Unga ag ro bisan sin-o nga gusto nakon nga pakilaeahan kana kon mauno gid imaw.”

Mateo 28:18

Nagpaeapit si Jesus kanda ag naghambae, “Gintao kakon ro otoridad nga maghari sa tanan sa eangit ag sa kalibutan.

Lucas 10:22

Pagkatapos ni Jesus it pangamuyo hay naghambae pa gid imaw, “Ro tanan-tanan hay gintugyan kakon ku akon nga Ama. Owa it nakakilaea it mayad kakon mageuwas sa akong Ama. Owa man it nakakilaea it mayad sa akong Ama kundi ako eang nga anang Unga ag ro bisan sin-o nga gusto nakon nga pakilaeahan kana kon mauno gid imaw.”

Juan 13:3

Sayod ni Jesus nga gintugyan eon ku anang Ama sa anang alima ro tanan nga gahom, ag sayod man nana nga idto imaw maghalin sa Dyos, ag sa Dyos man imaw magabalik.

Juan 14:21

Ro nagatanom ku akong mga sugo sa anang paino-ino, ag nagatuman karon hay ruyon ro nagahigugma kakon. Ag ro nagahigugma kakon hay higugmaon ku akon nga Ama. Higugmaon ko man imaw ag akon nga ipahayag kana kon sin-o gid ako.”

Juan 17:10

Tanan ro akong mga katawhan hay imo man, ag ro imong mga katawhan hay akon man, ag ginadayaw eon ako dahil kanda.

Juan 17:2

Ginapangayo ko ron ay gintaw-an mo eon ako it otoridad sa tanan nga mga tawo nga magtao it kabuhi nga owa it katapusan sa tanan kanda nga imong gintugyan kakon.

Juan 3:35

Ginahigugma gid it Dyos Ama ro ana nga Unga mawron nga kana kara gintugyan ro tanan-tanan.

Mga TagaColosas 1:19

dahil gusto gid it Dyos Ama nga ro tanan-tanan gid ku ana nga pagkaDyos hay una man kay Kristo.

Mga TagaColosas 2:3

Si Kristo eang ro makatao katon it kaaeam nga maeubtan ro mensahi halin sa Dyos nga pareho it maeahaeon nga manggad.

Mga TagaColosas 2:9

Ayaw kamo magpadaea-daea dahil una gid kay Kristo ro tanan-tanan gid nga pagkaDyos it Dyos.