Juan 16:13 - Inkeanon

¹³ Pero kon mag-abot eon ro Espirito Santo nga manogpahayag it kamatuuran halin sa Dyos hay ipaeubot nana kinyo ro tanan nga kamatuuran ngaron. Ro anang isugid kinyo hay bukon it ana-ana eang, kundi kon ano ro anang habatian halin sa Dyos. Isugid man nana kinyo kon ano ro matabo sa ulihi.

Juan 16:13 Iomraidhean Croise

Juan 12:49

Ro akon nga ginahambae hay bukon it akon-akon eang, kundi kon ano ro ginapahambae kakon ku akong Ama nga nagpadaea kakon iya.

Juan 14:17

Imaw hay ro Espirito Santo nga manogpahayag it kamatuuran halin sa Dyos. Ro mga owa nagatuo kakon hay indi makabaton ku Espirito Santo ay owa ma't-a nanda imaw hakita ag hakilaea. Pero kamo't-a hay nakakilaea kana ay gin-inibhan eon nana kamo ag sa indi magbuhay hay magapabilin imaw sa inyong tagipusuon.

Juan 14:26

Pero kon owa eon ako, padaehan kamo ku akong Ama it Manogbulig, ag ruyon hay ro Espirito Santo ag imaw ro magabueos kakon. Imaw ro magaturo kinyo it tanan nga butang ag magapadumdum ku tanan nga ginhambae ko kinyo.

Juan 14:6

Nagsabat si Jesus, “Ako mismo ro daean paadto sa Dyos Ama. Ako man ro gapahayag kon ano ro matuod parti sa Dyos ag ako ro gatao it kabuhi nga owa it katapusan. Owa it makapaeapit sa akon nga Ama kon indi mag-agi kakon.

Juan 15:26

“Pag-abot ku Manogbulig nga akon nga ipadaea iya kinyo halin sa akon nga Ama, pamatud-an 't-a nana ro mensahi parti kakon. Imaw hay ro Espirito Santo nga manogpahayag it kamatuuran halin sa Dyos.

Juan 16:12

“Abo pa kunta ro akong igasugid kinyo, ugaling hay bukon pa kamo it haom magbaton karon.

Juan 3:32

Ro anang hakita ag habatian idto sa eangit hay imaw ro anang ginasugid, pero sangkiri ea't-a ro nagapati kana.

Juan 8:38

Ginahambae ko kon ano ro akon nga hakita tag idto ako sa akon nga Ama, ag kamo ma't-a, ro inyong ginatuman hay kon ano ro inyong habatian sa inyong ama.”

Mga Binuhatan 11:28

Sambilog kanda hay si Agabus. Paagi sa paggiya it Espirito Santo hay naghambae imaw nga may grabi nga tiggueutom nga maabot sa tanan nga nasyon nga sakop it Roma. (Natabo matuod rato ku tyempo nga si Claudius ro Emperador it Roma.)

Mga Binuhatan 20:23

Ro akon eang nga hasayran hay sa kada banwa nga among maagyan paadto idto hay ginasiguro kakon it Espirito Santo nga prisuhan ag paghingabot ro nagahueat kakon sa Jerusalem.

Mga Binuhatan 27:24

Naghambae ro anghel kakon, ‘Ayaw mahadlok, Pablo. Kinahangean nga mag-atubang ka gid sa Emperador. Ag ginpamatian it Dyos ro imong pangamuyo, ngani owa it mamatay bisan sambilog sa imong mga kaibahan sa barko ngara.’

2 Tesalonica 2:12

Ag sa ulihi, sintinsyahan nga pinahan ro tanan nga imbis magpati sa matuod nga mensahi hay mas nalipay pa nga mag-obra it saea.

2 Tesalonica 2:3

Bisan magkainalin hay ayaw gid kamo magpadaea-daea bisan kanyo dahil bago magbalik ro Ginuo hay abo anay nga mga tawo ro magatalikod sa andang pagtuo sa Dyos, ag matunga ro Hari it Pagbaliwala sa *Kasuguan it Dyos, imaw nga owa it ibang paeangpan kundi impyerno.

Mga Hebreo 1:1

Kato anay, kon may gusto ro Dyos nga ipasayod sa atong mga kalolo-lolohan hay ginapaabot nana rato kanda paagi sa mga propeta. Abo nga beses nga gin-obra na ron ag ro kada propeta hay naghambae ku mensahi it Dyos nga gusto nanang ipaabot sa ruyong tyempo.

1 Juan 2:20

Pero kamo hay bukon it pareho kanda. Kasayod kamo tanan ku kamatuuran parti kay Kristo ay gintao nana kinyo ro anang Espirito Santo.

1 Juan 2:27

Pero kamo hay gintaw-an eon ni Jesus it Espirito Santo, ag imaw hay nagakabuhi kaibahan ninyo. Ro Espirito Santo ro nagaturo kinyo ku tanan nga kinahangean ninyo nga masayran, ngani owa eon it kinahangean nga may iba pa nga magturo kinyo it dugang nga mga pagturo nga eain sa anang ginaturo. Matuod gid ro tanan nanang ginaturo, ag suno sa anang ginaturo ngaron, padayuna ninyo ro inyong maeueot nga kaangtanan kay Kristo.

1 Juan 4:6

Kita ma't-a hay mga katawhan it Dyos, ag owa sanda naila magpamati katon dahil bukon sanda it mga unga it Dyos. Ro mga maeapit sa Dyos hay naila magpamati katon. Ruyon ro basehan agod masayran naton kon ro ginaturo it sangka tawo hay halin matuod sa Espirito Santo, ukon halin kay Satanas, nga nagapataeang sa mga tawo.

1 Juan 5:6

Ro Unga ngara it Dyos hay si Jesu-Kristo, ro Maneueuwas nga ginpadaea iya it Dyos. Nag-adto imaw iya sa kalibutan, ginbawtismuhan sa tubi, ag nag-uea ku anang dugo tag gineansang imaw sa krus. Owa eang imaw ginbawtismuhi kundi nag-uea man imaw ku ana nga dugo. Ro Espirito Santo mismo ro nagapamatuod kara, ag ro Espirito hay nagasugid permi it matuod.

Pahayag 1:1

Ro nasueat sa kasueatan ngara hay ro mga butang nga ginpahayag ni Jesu-Kristo parti sa mga dapat magkaeanabo sa indi eon magbuhay. Ro Dyos ro nagpahayag kara kana agod isugid man nana sa tanan nga mga nagaserbi kana. Ngani ginpaadto ni Kristo ro anang anghel agod ipasayod ro mga butang ngara kakon nga si Juan nga isaea sa mga nagaserbi kana.

Pahayag 1:19

Ngani sueatan ro mga ipakita ko kimo, nga mga nagasimbolo ku mga nagakatabo makaron ag ku magakatabo pa sa paeaabuton.