Juan 16:11 - Inkeanon

¹¹ Ag hanungod sa paghukom it Dyos, pamatud-an nana nga hukman gid it Dyos ro andang saea. Ro pamatuod kara hay ginhukman eon it Dyos si Satanas nga nagadumaea sa tanan nga mga owa gatuo kakon.

Juan 16:11 Iomraidhean Croise

Mateo 12:18

“Hara ro akon nga ginpili nga magserbi kakon. Imaw ro akong palangga ag nalipay gid ako it duro kana. Pagamhan ko imaw permi sa akong Espirito ag ipahisayod nana sa tanan nga rasa it tawo kon paalin sanda mangin matarong sa panueok it Dyos.

Mateo 12:36

Ginahambae ko eagi kinyo nga ro kada isaea hay manabat sa kada owa it sayod nana nga ginhambae pag-abot ku adlaw it paghukom.

Lucas 10:18

Nagsabat si Jesus, “Hakita ko ngani si Satanas nga matsa kilat it dasig nga nahueog halin sa eangit.

Juan 12:31

Makaron eon ro oras nga sintinsyahan ro tanan nga nagakuntra kakon. Makaron man ro oras nga perdihon eon ro manogdumaea ku tanan nga nagakuntra sa Dyos.

Juan 14:30

Indi eon ako makaistorya pa kinyo it maeawig tungod si Satanas nga manogdumaea it mga owa nagatuo sa Dyos hay gaabot eon. Owa ako it nahimo nga saea nga magamit nana agod magamhan ako.

Juan 16:12

“Abo pa kunta ro akong igasugid kinyo, ugaling hay bukon pa kamo it haom magbaton karon.

Mga Binuhatan 10:42

Ag ginsugo nana kami nga magwali ku Mayad nga Balita sa mga tawo, ag magpamatuod nga imaw ro ginbutang it Dyos nga maghukom sa mga buhi ag sa mga patay sa ulihi.

Mga Binuhatan 24:25

Pero tag nagahambae eon si Pablo parti sa pagpangabuhi it matarong, pagpugong sa kaugalingon ag sa paeaabuton nga paghukom it Dyos sa saea it tawo hay hinadlukan si Felix. Hambae nana kay Pablo, “Sige, tama eon anay ron. Ipatawag ta ugaling it uman kon may oras eon ako.”

Mga Binuhatan 26:18

Paadtunon ko ikaw kanda agod mabuksan ro andang mata sa kamatuuran parti kakon, ag agod magtalikod sanda sa kadueom it saea ag magsaylo sa kahayag it Dyos. Ag agod man magtalikod sanda sa pagsakop ni Satanas ag magpasakop eon sanda sa Dyos. Kon himuon nanda ro mga ruyon ngaron hay patawaron sanda sa andang mga saea, ag matapoe dayon sanda sa mga katawhan it Dyos nga anang ginpaeain dahil sa andang pagtuo kakon.’

Mga TagaRoma 16:20

Ro Dyos nga nagatao it paghidait katon, sa indi magbuhay hay ana nga ipaperdi gid kinyo si Satanas. Kabay pa nga masamitan pa gid ninyo ro sobrang kabuot ku atong Ginuo nga si Jesus.

Mga TagaRoma 2:16

Raya ngara tanan hay pagakonsiderahon kon mag-abot eon ro adlaw nga hukman it Dyos paagi kay Kristo Jesus ro tanan nga gin-isip ag ginhimo it mga tawo nga owa masayri it iba. Suno ra sa Mayad nga Balita nga akong ginawali.

1 Corinto 4:5

Ngani ayaw 't-a kamo magpanghusgar bisan kanyo ay ro Ginuo't-a ro gahusgar sa tawo kon magbalik eon imaw. Dikato nana ibuyagyag ro mga bagay nga bukon pa it hayag makaron ag ipasayod nana ro mga tinago nga mga motibo ku kada isaea. Ag dikato man dayawon it Dyos ro kada isaea suno sa andang binuhatan.

2 Corinto 4:4

Ro andang paino-ino hay ginapadueom ni Satanas nga nagapadiyos-diyos sa rayang tyempo. Mawron nga indi sanda mahayagan it Mayad nga Balita nga nagasugid ku pagkadaeayawon ni Kristo nga imaw ro nagapakita kon mauno gid ro Dyos.

Mga TagaEfeso 2:2

Makaruyon anay kamo kato, ay nagasunod pa kamo sa maeain nga batasan ku mga tawo iya sa kalibutan. Ro inyong pagsunod ngaron hay pagsunod man sa pinuno it tanan nga maeain nga espirito nga nagagahom sa kahanginan, ag imaw man ro espirito nga nagatueod sa mga owa nagatuman sa Dyos nga magkasaea.

Mga TagaColosas 2:15

Tag namatay si Kristo sa krus hay ginperdi it Dyos ro mga espirito nga may gahom ag may otoridad, ag ana sanda nga ginparehas sa mga bihag sa gira nga ginpaparada agod makita it tanan ro andang makahueuya nga pagkaperdi.

Mga Hebreo 2:14

Tungod ro mga ginatawag nga mga unga it Dyos dikara hay mga tawo nga may eawas nga nagakamatay, ngani nagpakatawo man si Jesus agod may ana man nga eawas nga anang ikasakripisyo. Ana ron nga ginhimo agod paagi sa anang kamatayon hay maperdi nana si Satanas, nga imaw ro dahilan nga nagakamatay ro tawo.

Mga Hebreo 6:2

ro mga ritwal sa pagpalibanaw, ro pagtungtung it alima sa tawo kon gapangamuyo para kanda, ro pagkabanhaw it mga patay, ag ro owa't katapusan nga pina it Dyos sa mga owa nagtuo kana.

Mga Hebreo 9:27

Suno sa plano it Dyos kitang mga tawo hay kaisaea eang mamatay ag pagahukman man it kaisaea eang.

2 Pedro 3:7

Ag paagi man sa gahom it anang hambae, ro kalibutan ag kaeangitan nga makita naton makaron hay anang ginapreserbar hasta mag-abot ro adlaw nga anang gintaeana nga ana ra nga sunugon. Matabo ron sa adlaw nga sintinsyahan nana nga pinahan sa impyerno hasta sa owa it katapusan ro tanan nga owa it kahadlok kana.

1 Juan 3:8

Pero ro nagapadayon sa pagpakasaea hay unga ni Satanas, dahil ro pagpakasaea hay hilimuon eo't-a ni Satanas halin pa't-a kato. Mawron nga nag-adto riya sa kalibutan ro Unga it Dyos agod samaron ro mga ginahimo ni Satanas.

Pahayag 1:7

Magbantay kamo ay magabalik si Jesus nga nagasakay sa daeaura. Hikita imaw it tanan nga mga tawo bisan pa ku ratong mga nagpaeansang kana sa krus. Ro tanan nga rasa it tawo iya sa kalibutan hay magatangis dahil kana. Matabo gid-a ra. Amen.