Juan 16:10 - Inkeanon

¹⁰ Pamatud-an man nana nga matarong 't-a ako sa mata it Dyos ag ro pamatuod kara hay magabalik ako sa akong Ama, ag indi eon ninyo ako hikita.

Juan 16:10 Iomraidhean Croise

Juan 16:28

Idto ako naghalin sa Dyos Ama ag nag-adto ako iya sa kalibutan, pero makaron hay mahalin eon ako sa kalibutan ay mabalik eon ako kana.”

Juan 16:5

Makaron pa eang ay gabalik eon ako sa nagpadaea iya kakon. Pero owa gid-a it bisan sambilog kinyo nga nagapangutana kon siin ron.

Juan 3:14

Ag ro matabo kakon hay pareho man sa natabo sa sawa nga saway nga ginpakabit ni Moises sa kahoy ag ginpatindog tag idto sanda sa *disyerto. Dahil dapat ako nga Unga it Tawo hay ieansang sa krus ag patindugon

Juan 5:32

Pero may una't-a nga nagapamatuod parti kakon. Ag sayod ako nga ro anang ginahambae parti kakon hay matuod.

Juan 7:33

Ngani naghambae si Jesus sa mga tawo, “Gaiba pa anay ako kinyo it madali eang nga oras, pagkatapos hay mabalik eon ako sa nagpadaea iya kakon.

Mga Binuhatan 17:31

tungod may gintaeana eon eagi imaw nga adlaw, nga anang hukman it matarong ro mga tawo sa bilog nga kalibutan. May ginbutang eon eagi imaw nga sangka tawo nga magaobra karon. Ginpamatud-an it Dyos sa tanan, nga rayang tawo gid ro anang ginbutang, paagi sa pagbanhaw kana.”

Mga Binuhatan 2:32

“Raya mismo nga si Jesus hay ginbanhaw it Dyos, ag mga saksi kita karon tanan.

Mga Binuhatan 3:14

Balaan gid imaw ag matarong pero owa ninyo imaw pagpabuhii kundi inyo nga ginpangabay si Pilato nga buhian tag manogpatay it tawo.

Mga Binuhatan 7:52

May una gid baea nga propeta nga owa paghingabuta ku atong mga kalolo-lolohan? Ginpatay man nanda ro mga mensahiro it Dyos nga nagbalita parti sa isaeang ka matarong nga ipadaea nana iya sa ulihi, ag kamo makaron ro nagtraidor ag nagpatay ku pinadaea ngato.

Mga TagaRoma 1:17

Dikaron sa Mayad nga Balita ginpahayag ro plano it Dyos kon paalin mangin matarong ro tawo sa anang panueok. Matabo eang ra paagi sa andang pagsalig ag pagtuo kana pareho sa nasueat sa Sagrado nga Kasueatan nga, “Ro tawo nga nangin matarong paagi sa anang pagtuo sa Dyos hay magakabuhi hasta sa owa't katapusan.”

1 Corinto 1:30

Pero kamo't-a hay mga katawhan nana nga may maeueot nga kaangtanan kay Kristo Jesus. Paagi kay Kristo Jesus hay nasayran naton nga imaw mismo ro matuod nga kaaeam halin sa Dyos. Ag paagi man kana hay nangin matarong kita sa panueok it Dyos, nangin ana kita nga mga balaan nga katawhan ag naeuwas eon kita sa pina ku atong mga saea.

2 Corinto 5:21

Bisan owa gid it saea si Kristo, ginbilang imaw it Dyos nga imaw 't-a ro nag-obra it atong mga saea. Ag ginpinahan imaw it kamatayon dahil karon agod bilangon kita it Dyos nga matarong sa anang panueok.

Mga TagaGalacia 5:5

Pero kita't-a nga nagatuo kay Kristo, paagi sa Espirito Santo nga iya sa atong tagipusuon hay sigurado gid nga bilangon kita nga matarong sa mata it Dyos, ag ginapaabot gid ron naton nga may kalipay.

1 Timoteo 3:16

Owa gid-a it makanigar nga grabi ro kahaega ku atong ginatuuhan parti kay Jesus nga ginpahayag eon it Dyos. Si Jesus hay nagpakatawo riya sa kalibutan, ginpamatud-an it Espirito kon sin-o gid imaw, nakita it mga anghel, ginwali sa bilog nga kalibutan, gintuuhan it mga tawo ag ginpakayab it Dyos sa eangit agod padunggan.

1 Pedro 3:18

Ro halimbawa karon hay si Kristo nga nag-antos bisan owa gid imaw nagkasaea. Matarong gid imaw pero namatay imaw para sa mga bukon it matarong, agod ipaeapit kamo nana sa Dyos. Kaisaea eang imaw namatay pero tama eon rato para mapatawad ro mga kasae-anan it tawo. Ginpatay ro anang kalibutanon nga eawas pero ginbanhaw imaw nga may eawas nga espirituhanon.