Juan 15:4 - Inkeanon

⁴ Padayon sa inyong maeueot nga kaangtanan kakon ag makaruyon man ro akong kaangtanan kinyo. Ro sanga hay indi makapamunga nga imaw eang kundi dapat hay padayon imaw nga nakaangot sa puno. Makaruyon man kamo. Indi kamo makapamunga kon indi kamo magpadayon sa inyong maeueot nga kaangtanan kakon.

Juan 15:4 Iomraidhean Croise

Mateo 12:33

Naghambae pa gid dayon si Jesus, “Kon sa inyong tan-aw hay sadyaan ro bunga, hambaea't-a ninyo nga sadyaan ro kahoy. Kon sa inyo ma't-a nga tan-aw hay bukon it sadyaan ro bunga, hambaea't-a ninyo nga bukon it sadyaan ro kahoy. Makilaea gid ro kahoy sa ana nga bunga.

Lucas 8:15

Pero ro natabo ma't-a sa binhi nga tumugpa sa manami nga eugta hay kahalimbawa ku mga nagpamati sa mensahi it Dyos ag ginhuptan rato sa andang tagipusuon it hantop ag owa it pagpakuno-kuno. Padayon nanda nga ginatuman ro mensahi ngato bisan ano ro andang haagyan ag makita gid ro mayad nga bunga kato sa andang kabuhi.”

Juan 14:20

Kon mag-abot eon ro adlaw ngaron hay hisayran ninyo nga ako ag ro akong Ama hay may maeueot gid nga kaangtanan nga matsa sambilog eang kami, ag ako ag kamo man hay may maeueot gid nga kaangtanan.

Juan 17:23

Maeueot gid ro akong kaangtanan kanda ag makaruyon man ro imong kaangtanan kakon, ngani kabay pa nga mangin malig-on ro andang paghiliugyon nga matsa sambilog eang sanda. Ag kon hikita ron it mga tawo iya sa kalibutan hay masayran nanda nga ginpadaea mo ako iya, ag ginahigugma mo ro mga tawo ngara pareho ku imong paghigugma kakon.

Juan 6:56

Ngani ro magakaon ku akon nga eawas ag magainom ku akon nga dugo hay magapadayon sa anang maeueot nga kaangtanan kakon ag makaruyon man ro akong kaangtanan kana.

Juan 8:31

Tapos hay naghambae si Jesus sa mga Judio ngato nga nagtuo kana, “Kon magpadayon kamo sa pagsunod sa akong ginaturo hay matuod gid nga mga sumueunod ko kamo.

Mga Binuhatan 11:23

Pag-abot idto ni Barnabas hay nalipay gid-a imaw ay hakita nana nga ginpakamaayo gid sanda it Dyos. Ana dayon nga ginpabaskog ro andang buot nga magpadayon sa andang pagtuo sa Ginuo it hantop sa andang tagipusuon.

Mga Binuhatan 14:22

Sa mga lugar ngato hay anda nga ginpabaskog ro buot ku mga sumueunod ag gineaygayan nga magpadayon sa andang pagtuo bisan ano ro matabo. Hambae nanda, “Dapat nga magaagi kita it abo nga kalisod bago kita makaabot sa eangit bilang mga sinakpan it Dyos.”

2 Corinto 13:5

Ro inyo't-a mismong kaugalingon ro dapat ninyong usisaon agod mapamatud-an kon nagapangabuhi kamo suno sa matuod nga pagtuo. Sayod ma't-a baea kamo nga una kinyo si Jesu-Kristo no? Euwas eang kon bukon it matuod ro inyong pagtuo.

Mga TagaGalacia 2:20

Ginabilang ko nga gineansang ag namatay man ako sa krus kaibahan ni Kristo. Bukon eon it ro akong gusto sa akon nga kabuhi ro akon nga sundon kundi ro ay Kristo nga gusto, tungod iya imaw nagakabuhi kakon. Ag ro akon nga adlaw-adlaw nga pagkabuhi hay bunga it akong pagtuo sa Unga it Dyos. Imaw ro naghigugma kakon ag naghaead ku anang kabuhi para kakon.

Mga TagaEfeso 3:17

agod padayon nga magaistar si Kristo sa inyong tagipusuon tungod sa inyong pagtuo. Ag ginapangamuyo ko man nga ro inyong paghigugma hay mangin kapareho it lig-on it kahoy nga nakapanggamot it husto, ag pareho man sa baeay nga malig-on ro pundasyon.

Mga TagaFilipos 1:11

Ag sa adlaw ngaron hay makita nga ro bunga ku inyong pagtuo kay Jesu-Kristo hay kabuhi nga matarong gid, ag pagapadunggan ro Dyos ag pagakilan-on ro anang pagkadaeayawon.

Mga TagaColosas 1:23

Matabo eang ra kon magpadayon kamo sa inyo nga malig-on ag indi mahuyang nga pagtuo, ag indi gid magduda nga mabaton ninyo ro mga mayad nga butang nga ginpromisa sa Mayad nga Balita nga inyong habatian. Ro Mayad nga Balita ngara hay ginasugid sa bilog nga kalibutan, ag ako nga si Pablo hay ginpili it Dyos nga magsugid karon.

Mga TagaColosas 1:27

Ro gusto it Dyos nga ipahisayod katon hay kamo nga mga bukon it Judio hay hatapoe man sa anang makangawa-ngawa ag kanamion nga plano. Ag ro anang plano ngaron hay nga si Kristo hay una man sa inyong tagipusuon, ngani sigurado kamo nga makapaeangit.

Mga TagaColosas 2:6

Bangod inyo eon nga ginbaton si Kristo Jesus nga inyong Ginuo, dapat magkabuhi kamo kon mauno magkabuhi ro mga may maeueot nga kaangtanan kana.

1 Tesalonica 3:5

Mawron ngani nga ginpaadto ko inha si Timoteo, ay indi ako himayang ag gusto kong masayran kon nagapadayon kamo sa inyong pagtuo. Basi sinakon kon hatentar eon kamo ku Panueay nga magtalikod sa inyong ginatuuhan, ag mangin owa it pueos ro among kabudlay sa pagtinuro kinyo.

Mga Hebreo 10:39

Pero bukon kita it mga tawo nga nagatalikod sa Dyos ag ro dangatan hay pina sa impyerno hasta sa owa it katapusan kundi kita't-a hay mga tawo nga malig-on ro pagtuo ag maeuwas.

1 Juan 2:6

Ro bisan sin-o nga nagahambae nga imaw hay nagapadayon sa anang maeueot nga kaangtanan sa Dyos hay dapat nga magpangabuhi it matarong, pareho kay Jesu-Kristo.

2 Juan 1:9

Ro tanan nga owa nagapadayon sa pagsunod sa ginaturo ni Kristo, kundi nagaturo it sobra pa karon hay owa it maeueot nga kaangtanan sa Dyos. Pero ro nagapadayon sa pagsunod sa ginaturo ni Kristo hay may maeueot nga kaangtanan sa Dyos nga Ama, ag sa ana nga Unga.