Juan 15:25 - Inkeanon

²⁵ Pero natabo ra agod matuman ro ginsueat sa Sagrado nga Kasueatan nga anda perming ginabasehan nga, ‘Ginkaugtan nanda ako bisan owa man it dahilan.’

Juan 15:25 Iomraidhean Croise

Mateo 10:8

Pamayara ninyo ro mga nagamasakit ag banhawon ro mga patay. Pamayara ninyo ro mga aruon ag subuea ro mga demonyo sa eawas it mga tawo. Owa ninyo pagbayri ro gahom ag otoridad nga ginatao ko kinyo, ngani ayaw man kamo magbaton it bayad sa inyong mga ginabuligan.

Lucas 24:44

Naghambae pa gid si Jesus, “Ginhambae ko eon kato kinyo, tag nagailiba pa kita, nga ro tanan nga ginsueat ni Moises ag ku mga propeta ag sa Libro it mga Salmo parti kakon hay dapat nga matuman.”

Juan 10:34

Nagsabat si Jesus, “Bukon abi it nasueat sa Sagrado nga Kasueatan nga inyo perming ginabasehan nga ‘Ginhambae ko nga mga dyos kamo’?

Juan 13:18

“Pero bukon it kamo tanan ro akong ginahambaean kara. Kilaea ko ro pagkatawo ku akong mga ginpili ag ro sambilog kinyo hay indi pagpakamaayuhon. Pero ginpili ko gihapon imaw agod matuman ro ginhambae sa Sagrado nga Kasueatan nga: ‘Ro nagasaeo sa akon nga pagkaon hay nagtraidor kakon.’

Juan 19:36

Rato ro natabo kay Jesus agod matuman ro nasueat sa Sagrado nga Kasueatan nga “Owa it bisan sambilog sa anang tue-an nga mabali.”

Mga TagaRoma 3:19

Sayod kita nga kon ano ro ginahambae sa Kasuguan it Dyos hay para gid anay sa tanan nga hauna nga gintaw-an kato, ag ruyon ro mga Judio. Ngani ro mga Judio man hay makasasaea pareho ku mga bukon it Judio. Ngani owa gid it bisan sin-o nga makabalibad nga owa sanda it saea ag ro bilog nga kalibutan hay dapat eang hukman it Dyos.

Mga TagaRoma 3:24

Pero dahil sa sobrang kabuot it Dyos hay ginbilang nana kita nga matarong sa anang panueok. Owa ron nana pagpabayri katon dahil sa ginhimo ni Kristo Jesus agod tubson kita sa pina it atong mga saea.

2 Corinto 11:7

Tag inha ako nagaturo it Mayad nga Balita nga halin sa Dyos hay owa ako nagpabayad kinyo. Ginpakanaba ko ro akong kaugalingon sa pag-obra it trabaho nga witi-witi. Pero gin-obra ko ron agod mapabaloran kamo dahil nangin mga katawhan kamo it Dyos. Hay nagkasaea baea ako karon?

Mga TagaGalacia 2:21

Ngani owa ko ginabaliwalaa ro sobrang kabuot it Dyos, tungod kon mangin matarong man lang gali ro sangka tawo sa panueok it Dyos paagi sa pagtuman sa Kasuguan hay owa eon it pueos ro kamatayon ni Kristo.

2 Tesalonica 3:8

Owa kami nagsalig kinyo ku among mga kinahangeanon, kundi nagbaka-baka kami sa pagtrabaho sa adlaw ag gabii agod indi kami magpakalisod kinyo.

Pahayag 21:6

Naghambae pa gid imaw, “Natabo eon tanan ro gusto ko nga matabo. Ako ro Alpha ag ro Omega, ro nag-umpisa ag ro magatapos ku tanan nga mga butang. Ro ginauhaw hay paimnon ko it libre nga tubi nga nagahalin sa tuburan nga nagatao it kabuhi nga owa it katapusan.

Pahayag 22:17

Hambae ku Espirito it Dyos ag ku nobya ku Tiyo it Karnero “Maliya.” Ag ro tanan nga kabati kara hay mahambae man it, “Maliya.” Ro bisan sin-o nga ginauhaw hay puyding magpaeapit. Ag ro naila mag-inom ku tubi nga nagatao it kabuhi hay puydi kainom it libre.