Juan 15:22 - Inkeanon

²² Kon owa ako nag-adto iya agod sugiran sanda parti kakon hay owa kunta sanda it saeabton sa andang saea nga owa sanda nagtuo kakon. Pero owa eon sanda makaron it bangdanan sa anda ngaron nga saea kakon.

Juan 15:22 Iomraidhean Croise

Lucas 12:46

Maabot 't-a rayon ro anang amo sa adlaw nga owa nana ginapaabuta ag sa oras nga owa man nana masayri. Grabi gid nga pina ro anang hisamitan sa anang amo ag itagbong dayon imaw kaibahan it ibang mga owa nagatuo sa Dyos sa lugar nga bagay gid kanda.

Juan 12:48

Pero may una nga magasintinsya sa mga nagabaliwala kakon ag owa nagabaton sa akong mga ginahambae. Ro magasintinsya kanda nga pinahan sa katapusan nga adlaw hay ro mensahi nga akon nga ginpanghambae nga owa nanda pagbatuna.

Juan 15:23

Ro naugot kakon hay naugot man sa Ama.

Juan 15:24

Ag kon owa ako nag-obra sa anda mismo nga atubang it mga makangawa-ngawa nga owa it bisan sin-o nga makahimo mageuwas kakon hay owa sanda it saeabton sa andang saea nga owa sanda nagtuo kakon. Pero makaron nga hakita eon nanda ro akong mga gin-obra hay ginakaugtan gihapon nanda kami ku akon nga Ama.

Juan 16:9

Ro akong buot hambaeon hay pamatud-an nana nga saea gid-a nga owa sanda nagatuo kakon.

Juan 19:11

Nagsabat si Jesus, “Owa ka it otoridad nga obrahon ro bisan ano kakon mageuwas eang sa gintugot kimo it Dyos. Ngani ro nagtugyan kakon sa imong mga alima hay mas grabi ro saea kaysa sa imo.”

Juan 9:41

Nagsabat si Jesus, “Kon gaako eang kunta kamo nga kueang ro inyong pagkaeubot karon hay mahimo pa nga patawaron ro inyong mga saea. Ugaling sininyo abi hay nakaeubot kamo it husto ag indi eon kamo magpaturo, ngani indi gid pagpatawaron ro inyong mga saea.”

Mga Binuhatan 17:30

Kato nga owa pa kasayod ro mga tawo parti sa Dyos hay owa nana pag-inatuha nga owa sanda kakilaea kana. Pero makaron hay ana nga ginasugo ro tanan nga mga tawo sa tanan nga lugar nga maghinuesoe ag magtalikod sa andang mga saea,

Mga TagaRoma 1:20

Bisan indi naton makita ro pagkadyos it Dyos ag ro anang gahom nga owa it katapusan, halin pa ku pagtuga it kalibutan hay hakita eon it tawo ro mga gintuga nana. Ngani paagi sa ana ngarong mga gintuga hay maeubtan nanda nga may makagagahom nga Dyos nga nagtuga karon. Mawron nga owa gid sanda it ikabangdanan nga owa sanda kasayod parti kana.

Mga TagaRoma 2:1

Basi mahambae kamo nga ro mga tawong makaruyon hay mga maeaot gid ag dapat pinahan ag kamo't-a hay matarong. Pero sa inyo ngarong pagkondenar kanda hay inyo man nga ginakondenar ro inyong kaugalingon ay paeareho man lang ro inyong mga buhat! Ngani bukon kamo it abswelto sa pina it Dyos!

Santiago 4:17

Ngani tumana ninyo ro akong ginahambae ngara ay kon nasayran it tawo kon ano ro mayad nga dapat obrahon pero owa ra nana ginaobraha hay nagakasaea imaw.

1 Pedro 2:16

Ipakita sa inyong pagpangabuhi nga mga hinilway eon kamo. Pero ayaw paggamita nga bangdanan ro inyong kahilwayan agod mag-obra it maeain, kundi magpangabuhi kamo bilang mga ulipon it Dyos.