Juan 15:21 - Inkeanon

²¹ Pero himuon nanda ro tanan ngaron nga mga paghingabot kinyo dahil nagatuo kamo kakon, ag tungod saea ro andang pagkakilaea sa Dyos nga nagpadaea iya kakon.

Juan 15:21 Iomraidhean Croise

Mateo 10:18

Ro iba kinyo hay pagaimbistigaron it mga gobernador ag hari tungod mga sumueunod nakon kamo, ag ruyon ro inyong kahigayunan nga ikawali kanda ag sa mga owa nagakilaea sa Dyos nga andang mga sinakpan ro Mayad nga Balita parti kakon.

Mateo 10:22

Kaugtan kamo it tanan nga mga tawo tungod sumueunod nakon kamo. Pero ro nagapadayon nga nagatuo kakon hasta sa kamatayon hay may kabuhi nga owa it katapusan sa eangit.

Mateo 10:39

Ro naila nga magsunod sa ana eang nga gusto sa anang kabuhi hay mamatay man lang gihapon ag pinahan sa impyerno. Pero ro bisan sin-o nga magsakripisyo ku anang gusto agod sundon ro akong pagbuot hay makabaton it kabuhi nga owa it katapusan.”

Mateo 24:9

“Sa ulihi, pagakaugtan kamo ku tanan nga mga tawo bangod mga sumueunod nakon kamo. Pagadakpon kamo ag itugyan sa mga magapasakit ag magapatay kinyo.

Mateo 5:11

Bulahan kamo kon ginatuya-tuya kamo ag ginahingabot ag ginapakaeain ku mga tawo bangod sa inyong pagsunod kakon.

Marcos 13:13

Pagakaugtan kamo it tanan nga mga tawo tungod mga sumueunod nakon kamo. Pero ro nagapadayon nga nagatuo kakon hasta sa kamatayon hay maeuwas.”

Lucas 21:12

Pero bago raya magkaeatabo hay pagadakpon kamo ag pagahingabuton. Daehon man kamo sa mga pinuno it mga sinagoga ag prisuhon. Ipaatubang man kamo sa mga hari ag sa mga gobernador dahil mga sumueunod nakon kamo.

Lucas 21:17

Pagakaugtan kamo it tanan nga mga tawo dahil mga sumueunod nakon kamo

Lucas 6:22

Bulahan kamo kon ginakaugtan kamo, indi pagkilan-on, ginatuya-tuya ag ginapakaeain ku mga tawo bangod kakon nga Unga it Tawo.

Juan 15:24

Ag kon owa ako nag-obra sa anda mismo nga atubang it mga makangawa-ngawa nga owa it bisan sin-o nga makahimo mageuwas kakon hay owa sanda it saeabton sa andang saea nga owa sanda nagtuo kakon. Pero makaron nga hakita eon nanda ro akong mga gin-obra hay ginakaugtan gihapon nanda kami ku akon nga Ama.

Juan 16:3

Obrahon ron nanda kinyo dahil saea ro andang pagkakilaea sa akong Ama, ag pati man kakon.

Juan 17:25

Matarong nga Ama, ro mga owa nagatuo kakon hay owa nakakilaea kimo, pero ako't-a hay nakakilaea gid kimo, ag sayod ro akong mga sumueunod ngara nga ginpadaea mo ako iya.

Juan 8:19

Ginpangutana dayon nanda si Jesus, “Hay siin ro imong ginahambae ngaron nga Ama?” Nagsabat si Jesus, “Owa kamo kakilaea it mayad kakon ag owa man kamo kakilaea it mayad sa akon nga Ama. Kon kilaea ninyo ako it mayad hay kilaea man ninyo it mayad ro akong Ama.”

Juan 8:54

Nagsabat si Jesus, “Kon dayawon ko ro akong kaugalingon, owa ron it pueos. Ro akon nga Ama nga ginahambae ninyo nga inyong Dyos hay imaw ro nagadayaw kakon.

Juan 8:55

Owa ninyo imaw makilaea pero kilaea ko't-a imaw. Kon maghambae ako nga owa ko imaw hakilaea hay pareho eon dayon ako kinyo nga purilon. Kilaea ko gid-a imaw ag ginatuman ko ro anang ginahambae.

Mga Binuhatan 17:23

Nakahambae ako kara dahil sa akong paglibot-libot hay akon nga ginatuetan-aw ro inyong mga ginasimba. May hakita ako nga altar nga ro nakasinsil hay ‘Para Sa Owa Makilaea nga Dyos’. Ngani ro akon nga ihambae kinyo makaron hay parti sa inyong ginasimba ngara nga owa ninyo makilaea.

Mga Binuhatan 26:9

“Ako ngani kato hay nag-isip nga dapat ko obrahon ro tanan nakong masarangan agod kuntrahon ro mga nagatuo kay Jesus nga tagaNazaret.

Mga Binuhatan 3:17

“Mga igmanghod, kasayod ako nga kamo ag ro inyong mga manogdumaea hay nag-obra it makarato kay Jesus dahil owa kamo kakilaea kon sin-o gid imaw.

Mga Binuhatan 4:17

Pero agod indi eon mageapnaag pa gid ro andang ginaturo parti kay Jesus, paandaman naton sanda nga indi eon gid maghambae o magturo parti kay Jesus ngato bisan kanyo.”

Mga Binuhatan 5:41

Naghalin ro mga apostoles sa *Sanedrin nga nagakalipay ay ginbilang sanda it Dyos nga takos nga mahuy-an por dahil sa andang pagtuo kay Jesus.

Mga Binuhatan 9:14

Ag hara, iya ngani imaw sa Damascus makaron ag may otoridad imaw nga halin sa mga pinuno it mga saserdote nga dakpon ro tanan nga nagasimba kimo.”

Mga Binuhatan 9:16

Ag ipahayag ko man kana kon man-o it abo nga mga kasakit ro anang dapat maagyan dahil sa anang pagwali parti kakon.”

Mga TagaRoma 1:28

Para kanda hay owa it pueos nga kilaeahon ro Dyos. Ngani ginpabay-an eon sanda it Dyos nga obrahon kon ano ro una sa andang paino-ino nga indi eon makatimbang kon ano ro mayad o maeain. Mawron nga ro andang ginaobra hay ro indi dapat obrahon.

1 Corinto 15:34

Bugtaw eon abi kamo! Tadlunga eon ro inyong tiko ngaron nga paino-ino. Magkabuhi kamo it matarong ag punduha eon ninyo ro pagpakasaea ay ro iba inha kinyo hay owa pa't-a kakilaea sa Dyos. Ginahambae ko ra agod mahuya kamo.

1 Corinto 2:8

Owa it bisan sambilog sa mga manogdumaea iya sa kalibutan nga nakaeubot ku rayang plano it Dyos ay kon haeubtan ra nanda hay owa eon kunta nanda pagpaeansangan si Kristo nga daeayawon ag dungganon nga Ginuo.

2 Tesalonica 1:8

Kon magpakita eon ro atong Ginuo nga si Jesus hay may galibot kana nga nagadaba-daba nga kaeayo. Ana nga pinahan ro mga indi magkilaea sa Dyos, ag indi magpati sa Mayad nga Balita parti kana.

1 Juan 3:1

Grabi gid-a it bahoe ro paghigugma it Dyos nga Ama katon! Dahil sa kabahoe ku anang paghigugma ngaron hay ginbilang nana kita nga anang mga unga, ag matuod gid ma't-a nga mga unga kita it Dyos. Pero ro mga tawo riya sa kalibutan hay owa gakilaea katon bilang mga unga it Dyos, tungod owa man nanda ginakilan-a ro Dyos.

3 Juan 1:7

Dapat gid man sanda nga buligan sa andang pagpanaw agod magwali parti kay Jesus nga dungganon nga Maneueuwas, ay owa sanda nagapangayo it bulig halin sa mga owa nagatuo sa Dyos.

Pahayag 2:3

Sayod man ako nga nangin mainantuson kamo ay bisan nagakalisod kamo dahil nagatuo kamo kakon hay owa gihapon kamo magtalikod kakon.