Juan 15:20 - Inkeanon

²⁰ Dumduma ninyo ro akong ginhambae kato kinyo nga ro ulipon hay bukon it eabaw pa sa anang amo. Ngani kon ginhingabot nanda ako, hingabuton man nanda kamo. Pero kon tumanon nanda ro akong ginaturo hay tumanon man nanda ro inyong ginaturo.

Juan 15:20 Iomraidhean Croise

Mateo 10:24

“Owa it estudyante nga eabaw pa sa anang maestro. Ag owa man it sueuguon nga eabaw pa sa anang amo.

Marcos 10:39

“Huo ron, matakuran 't-a namon ron,” sabat nanda. Naghambae dayon si Jesus, “Matuod nga magaantos ag magaagi gid ma't-a kamo it grabi nga kasakit parehas nakon.

Lucas 2:34

Ginbendisyunan dayon sanda ni Simeon. Ag ginhambaean pa nana si Maria nga nanay ku eapsag, “Pamatii it mayad ro akong ihambae ngara. Suno sa ginplano it Dyos kato pa, ro unga ngara hay mangin dahilan it kasamaran ag kaeuwasan it abo nga mga inapo ni Israel. Mangin tanda imaw nga magaturo it daean paadto sa Dyos pero abo ro indi kana magpati.

Lucas 6:40

Owa it estudyante nga eabaw pa sa anang maestro. Pero kon nakaeubot ag nag-antigo gid ro estudyante ku anang gintun-an hay mangin pareho eon dayon imaw sa anang maestro.

Juan 10:31

Pagkabati nanda kara, ro mga Judio hay nagpueueot eon man it bato, ag anda kunta nga eapugon si Jesus hasta mamatay.

Juan 11:57

Ro mga pinuno it mga saserdote ag ro mga Pariseo hay nagsugo sa mga tawo nga sugiran sanda kon may makasayod kon siin si Jesus, agod anda imaw nga ikapadakop.

Juan 13:16

Matuod gid rang ginahambae kinyo nga ro ulipon hay bukon it eabaw pa sa anang amo ag ro ginpadaea nga tawo hay bukon it eabaw pa sa nagpadaea kana.

Juan 5:16

Dahil makaraya ro mga ginhinimo ni Jesus sa mga Adlaw it Inogpahuway, mawron nga halin kato, ginhiningabot imaw ku mga manogdumaea.

Juan 7:32

Habatian ku mga Pariseo ro ginahambae ngara ku mga tawo parti kay Jesus, ngani sanda ag ro mga pinuno it mga saserdote hay nagsugo it mga gwardya it Templo agod dakpon si Jesus.

Juan 8:51

Matuod gid rang ginahambae kinyo nga ro nagapati ag nagatuman sa akong ginahambae hay indi mamatay bisan hasta hin-uno.”

Juan 8:52

Naghambae sanda, “Sigurado eon gid kami nga ginsudlan ka it demonyo ay si Abraham ag ro mga propeta hay nagkaeamatay eon kato pa. Ham-an it gahambae ka nga ro nagapati ag nagatuman sa imong ginahambae hay indi makaagi it kamatayon bisan hasta hin-uno?

Juan 8:59

Ngani nagpueot sanda it bato ag anda kunta imaw nga eapugon hasta mamatay, ugaling hay naduea't-a imaw sa andang panueok ag gumuwa dayon imaw sa Templo.

Mga Binuhatan 14:22

Sa mga lugar ngato hay anda nga ginpabaskog ro buot ku mga sumueunod ag gineaygayan nga magpadayon sa andang pagtuo bisan ano ro matabo. Hambae nanda, “Dapat nga magaagi kita it abo nga kalisod bago kita makaabot sa eangit bilang mga sinakpan it Dyos.”

1 Corinto 4:12

Nagapatueo kami it hueas agod may makaon. Ro mga nagapakaeain kamon hay ginapangamuyuan namon nga pakamaayuhon sanda it Dyos. Ginatiis namon ro mga paghingabot kamon.

2 Corinto 4:9

Ginahingabot kami it mga tawo pero owa man kami ginapabay-i it Dyos. Kon amat hay haeos patyon eon kami pero buhi pa gihapon.

1 Tesalonica 2:15

Mga Judio man ro nagpinamatay ku mga propeta kato anay ag imaw man kay Ginuong Jesus. Mga Judio man ro naghingabot it grabi kamon ag nagaobra sanda permi it makapaakig sa Dyos ag kuntra nanda ro tanan nga mga tawo.

2 Timoteo 3:12

Minatuod gid-a nga pagahingabuton man ro tanan nga may maeueot nga kaangtanan kay Kristo Jesus nga gustong magkabuhi nga matinumanon sa Dyos.