Juan 15:2 - Inkeanon

² Ana nga ginaputoe ro kada sanga nga owa gabunga. Pero ro mga sanga nga nagabunga hay ana nga ginapungoe agod magbunga pa gid it abo.

Juan 15:2 Iomraidhean Croise

Mateo 13:12

Ro nagapati ag nagapangusisa abi sa akong ginaturo hay dugangan pa gid it Dyos ro anang kaaeam agod mas makaeubot pa gid imaw. Pero ro owa nagapati ag owa nagapahaega sa akong ginaturo hay bue-on kana it Dyos bisan ro sangkiri nga anang haeubtan.

Mateo 13:33

Nagturo si Jesus paagi sa isaea pa gid nga ka paanggid nga istorya. Hambae nana, “Ro paghari it Dyos sa anang mga sinakpan hay pareho man sa matabo sa harina nga ginhaluan ku sangka bayi it sangkiriti nga pangpaalsa. Bisan sangkiriti eang rato hay nahapaalsa na kara ro bilog nga minasa.”

Mateo 15:13

Nagsabat si Jesus, “Ro mga Pariseo ngaron hay pareho ku mga tanom nga bukon it ro akon nga Ama sa eangit ro nagtanom, ngani ana ron sanda nga panggabuton sa ulihi.

Mateo 21:19

Nakakita imaw sa binit it daean it kahoy nga higera kon tawgon. Ana ra nga ginpaeapitan ag gintan-aw kon may bunga nga sarang makaon pero owa imaw it hakita kundi dahon. Ginhambae ra nana, “Umpisa makaron, indi ka eon magpamunga maskin hin-uno.” Ag naeaay eagi ro kahoy it higera.

Mateo 25:29

Ro nagagamit it mayad ku gintugyan kana it Dyos hay tugyanan pa gid it abo pero ro owa nagagamit it mayad ku gintugyan kana it Dyos hay bawian it Dyos ku bisan sangkiri nga una kana.

Mateo 3:10

Haom eon ro pina it Dyos kinyo pareho it wasay nga haom eon ipukan it kahoy. Ro kada kahoy nga owa nagabunga it manami hay pukanon ag igatong.

Mateo 3:12

Ana eon nga paeainon ro mga matarong nga tawo sa mga maeain pareho it mangunguma nga haom eon nga magpahangin ku anang tubas. Anang tipunon ro matimgas nga mga eamigas ag taguon sa anang bodega. Pero ro mga upa hay anang iitsa sa kaeayo nga owa nagakapaeong.”

Mateo 7:19

Ro tanan nga kahoy nga owa nagabunga it manami hay ginapukan ag ginagatong.

Marcos 4:20

Pero ro natabo ma't-a sa binhi nga tumugpa sa manami nga eugta hay kahalimbawa ku mga nagpamati sa mensahi it Dyos ag ginbaton nanda rato. Makita gid ro mayad nga bunga kato sa andang kabuhi. Kon sa tubas pa ron, ro iba kanda hay may tubas nga abo, ro iba hay kaabo-abo ag ro iba ma't-a hay kaabo-abo gid nga mayad.”

Lucas 8:13

Ro natabo ma't-a sa binhi nga tumugpa sa may dalipi hay kahalimbawa ku mga nagpamati sa mensahi it Dyos ag nagbaton nga may kalipay pagkabati kato nanda. Ugaling tungod owa nakagamot it mayad ro andang habatian hay owa man rato magbuhay sa andang paino-ino ngani pag-abot it kalisod hay nagtalikod dayon sanda sa anda ngatong ginbaton.

Juan 15:1

Bago sanda nagpanaw, nagturo anay si Jesus paagi sa rayang halimbawa. Hambae nana, “Ako ro minatuod nga puno it ubas ag ro akon nga Ama ro manogdipara.

Juan 15:16

Bukon it kamo ro nagpili kakon kundi ako't-a ro nagpili ag nagbutang kinyo sa oeobrahon it pagpanaw ag pagturo parti kakon, agod magtuo man ro ibang tawo kakon. Ro bunga ku inyong pagkabudlay ngaron hay magapadayon bisan hasta hin-uno. Ag dahil karon hay taw-an kamo ku Ama it bisan ano nga inyong pangayuon sa akon nga ngaean.

Juan 15:3

Kamo hay pareho it mga sanga nga ginpungoe ag malimpyo eon kamo, ay ginpatawad eon kamo dahil nagpati kamo sa mensahi nga akong ginhambae kinyo.

Juan 15:6

Ro owa nagapadayon sa anang maeueot nga kaangtanan kakon hay pareho it inutod nga mga sanga nga eangkay eon. Tipunon dayon sanda ag ginaitsa sa kaeayo agod masunog.

Juan 15:8

Gapakilaea nga mga matuod nakon kamo nga mga sumueunod kon nagabinunga kamo it abo, ag duyon ro makatao it dungog sa akon nga Ama.

Juan 17:12

Samtang kaibahan pa nanda ako hay ginabuligan ko sanda nga ro andang kinaiya hay mangin pareho ku imong kinaiya nga imong ginpapahayag kakon. Ginbantayan ko gid sanda it mayad ag owa gid kanda it naduea, mageuwas eang sa sambato nga nag-usoy ma't-a ku anang owa it katapusan nga pina sa impyerno. Pero dapat rato nga matabo agod ro ginsueat sa Sagrado nga Kasueatan hay matuman.

Mga TagaRoma 11:17

Ro mga Judio hay pareho it mga sanga ku kahoy nga olibo nga gintanom it Dyos. Pero ro ibang mga sanga hay ginpang-utod. Kamo nga mga tumueuo nga bukon it Judio hay pareho it mga sanga it olibo nga nagatubo sa taeon ag ginpang-angot eon kamo it Dyos sa olibo nga anang ginatatap. Ngani makaron hay hatapoe eon kamo kamon nga mga tumueuo nga Judio nga mga sanga mismo ag nagaambit man kamo ku sustansya nga halin sa gamot.

Mga TagaRoma 11:22

Makita naton dikara ro kabuot ag pagkastrikto it Dyos sa pagpina it saea. Strikto imaw sa mga Judio nga matsa hanandad ag hadusmo pero kinyo't-a hay mabuot imaw basta indi ninyo pagbaliwalaon ro anang kabuot ngaron ay kon baliwalaon ninyo ron hay kamo man hay anang utdon.

Mga TagaRoma 8:28

Ag nakasayod man kita nga ro tanan nga nagakaeatabo hay ginataeaeaod ag ginagamit it Dyos para sa kamaeayran ku mga nagahigugma kana, nga ana man nga gintawag nga mangin ana nga katawhan suno sa anang katuyuan.

1 Corinto 13:1

Bisan siguro taw-an ako it abilidad nga maghambae it sari-sari nga linggwahe it mga tawo ag ku mga anghel pero owa man lang ako it gugma sa akong isigkatawo hay owa man ron it pueos. Pareho eang ako it agong o pompyang nga basta eang ginapilinatik.

Tito 2:14

Ginhaead nana ro anang kaugalingon para katon agod nga hilwayon kita sa pina ku tanan naton nga pagbaliwala sa Kasuguan it Dyos, ag agod nga malimpyuhan kita sa atong kasae-anan, ag mangin ana eamang nga katawhan nga ganado permi mag-obra it mayad.

Mga Hebreo 12:15

Mag-andam kamo nga owa kinyo it magbalik sa dating ginatuuhan ag indi eon kasamit it sobrang kabuot it Dyos. Mag-andam man kamo nga owa inha kinyo it magpaeapta it saea nga turo nga makadaea sa dagaya kinyo sa pagpakasaea, dahil pareho ron it makahieilo nga tanom nga nagatapon sa ibang tanom sa palibot.

1 Juan 2:19

Ro mga nagakuntra ngaron kay Kristo hay mga kaibahan anay naton kato, ugaling hay nagbueag sanda katon. Pero ro andang pagbueag hay gapakilaea nga bukon gid sanda it matuod nga kaibahan naton nga mga tumueuo ni Kristo, ay kon matuod sanda nga tumueuo ni Kristo hay indi sanda magbueag katon.

Pahayag 3:19

Ro akong mga ginapalangga hay akon nga ginasaway ag ginadisiplina. Ngani maghinuesoe kamo ag talikdi eon ninyo ro inyong pagkamaeabaab, ag magmangin mainit eon kamo sa pagsunod kakon.