Juan 15:15 - Inkeanon

¹⁵ Owa ko eon kamo ginatawga nga mga ulipon kundi mga amigo. Ro ulipon abi hay owa't-a nakasayod kon ano ro ginaisip ku anang amo, pero kamo't-a hay akong ginpasayod ku tanan nga ginhambae kakon ku akong Ama.

Juan 15:15 Iomraidhean Croise

Mateo 13:11

Nagsabat si Jesus, “Dahil kamo ro gintaw-an it Dyos it pribilihiyo nga matud-an it diritso parti sa anang paghari sa anang mga sinakpan nga owa anay ginpasayod kato. Pero ro iba hay owa't-a ku pribilihiyo ngaron.

Lucas 10:23

Nagbalikid dayon imaw sa anang mga sumueunod ag naghambae it mahinay nga sanda eang ro makabati, “Bulahan kamo ay kita't-a ninyo makaron ro akong mga ginahimo.

Juan 12:26

Ro gustong magserbi kakon hay dapat nga magsunod kakon bisan magkainalin, ag sa ulihi hay magaiba imaw kakon sa akong aeadtunan. Ro tanan nga nagaserbi kakon hay pagapadunggan ku akong Ama.”

Juan 13:16

Matuod gid rang ginahambae kinyo nga ro ulipon hay bukon it eabaw pa sa anang amo ag ro ginpadaea nga tawo hay bukon it eabaw pa sa nagpadaea kana.

Juan 15:20

Dumduma ninyo ro akong ginhambae kato kinyo nga ro ulipon hay bukon it eabaw pa sa anang amo. Ngani kon ginhingabot nanda ako, hingabuton man nanda kamo. Pero kon tumanon nanda ro akong ginaturo hay tumanon man nanda ro inyong ginaturo.

Juan 16:12

“Abo pa kunta ro akong igasugid kinyo, ugaling hay bukon pa kamo it haom magbaton karon.

Juan 17:26

Ginpasayod ko kanda ro imong kinaiya ag plano, ag padayunon ko ron agod maghigugmaanan sanda pareho ku imong paghigugma kakon, ag agod padayon nga mageueot ro akong kaangtanan kanda.”

Juan 20:17

Pero naghambae si Jesus, “Ayaw anay it binuyot kakon ay owa pa ako kabalik sa akong Ama. Adtuni anay ro akong mga kaigmanghuran ag sugiran sanda nga sa indi magbuhay hay gabalik eon ako sa akong Ama ag Dyos, nga inyo man nga Ama ag Dyos.”

Juan 4:19

Naghambae dayon ro bayi, “Sir, propeta ka't-ing gali.

Juan 8:26

Abo gid ro akong ikahambae parti kinyo ag ikakondenar kinyo. Pero ro nagpadaea iya kakon hay bukon gid it purilon, ag ro akon eang nga ginahambae sa mga tawo iya sa kalibutan hay ro mga nabatian nakon kana.”

Mga Binuhatan 20:27

dahil owa't-a ako nahadlok magturo kinyo ku bilog nga plano it Dyos kon paalin maeuwas ro tawo.

Mga TagaRoma 7:15

Indi ko maeubtan ro akong kaugalingon ay kon ano ngani ro akong gustong obrahon hay ruyon 't-a ro owa nakon ginaobraha. Ag kon ano't-a ngani ro akong ginakaugtan obrahon hay imaw pa ro akong ginaobra.

1 Corinto 2:16

Pareho sa nasueat sa Sagrado nga Kasueatan nga, “May makatungkad gid baea sa paino-ino it Ginuong Dyos? May makaturo gid baea kana?” Pero kita't-a hay ginabag-o ku Espirito Santo ro atong paino-ino agod mangin pareho ra ku ay Kristo.

Mga TagaGalacia 4:6

Ngani tungod mga unga nana kita, ginpadaea it Dyos ro Espirito Santo nga ginpromisa ni Jesus iya sa aton nga tagipusuon. Paagi sa Espirito Santo hay makatawag eon kita sa Dyos it, “Palangga ko nga Ama.”

Mga TagaEfeso 1:9

Ro anang plano ngaron hay owa anay kato ginpahayag pero makaron hay nalipay imaw nga ipahayag ron katon. Kato pa eagi hay ginplano na eon nga tumanon ron paagi kay Kristo.

Mga TagaEfeso 3:5

Owa ron kato pagsugiran it Dyos sa mga tawo, pero makaron hay ginpasayod ron ku Espirito Santo sa mga balaan nga mga apostoles ag mga propeta.

Mga TagaColosas 1:26

nga owa anay nana ginpahayag kato tanan, pero makaron hay ana eon nga ginpahayag katon nga anang mga katawhan.

Filemon 1:16

Halin makaron hay bukon mo eang imaw it ulipon kundi mas mahaega eo't-a imaw kimo kaysa sa ulipon, ay igmanghod mo eon imaw sa pagtuo nga dapat mong palanggaon. Palangga ko gid ron imaw pero mas palanggaon mo kunta imaw, ay mag-amo kamo ag pareho nga nagatuo sa Ginuo.

Santiago 1:1

Raya nga sueat hay halin kakon nga si Santiago nga isaeang ka ulipon it Dyos ag ni Ginuong Jesu-Kristo. Nagasueat ako kinyo nga mga inapo ni *Israel nga nagatuo kay Jesu-Kristo ag nagaistar eon sa nagakaeain-eain nga lugar sa kalibutan. Kumusta lang kinyo tanan.

Santiago 2:23

Ag sa ginhimo ngato ni Abraham hay napamatud-an ro ginhambae it Sagrado nga Kasueatan nga, “Si Abraham hay nagtuo sa Dyos, ag tungod sa anang pagtuo, ginbilang imaw it Dyos nga matarong.” Ag gintawag pa imaw it Dyos nga anang amigo.

1 Pedro 1:11

Ginpahayag eagi kanda ku Espirito ni Kristo nga nagagiya kanda nga ro Maneueuwas nga paadtunon iya sa kalibutan hay magaagi it kasakit ag pagkatapos hay pagapadunggan. Anda nga gin-inistudyuhan ag gin-inusisa kon hin-uno ron matabo ag kon paalin.

2 Pedro 1:1

Raya nga sueat hay halin kakon nga si Simon Pedro, nga isaeang ka ulipon ni Jesu-Kristo ag isaea sa anang mga *apostoles. Nagasueat ako kinyo nga nagatuo man kay Jesu-Kristo nga atong Dyos ag Maneueuwas. Ag tungod nga matarong imaw ag owa it pinaeabi hay paeareho ro pagtuo nga gintao nana katon tanan.

Judas 1:1

Raya nga sueat hay halin kakon nga si Judas nga igmanghod ni Santiago ag ulipon ni Jesu-Kristo. Nagasueat ako kinyo nga mga tinawag it Dyos nga Ama nga mangin anang katawhan, kamo nga anang mga ginahigugma gid ag ginahaeungan ni Jesu-Kristo.

Pahayag 1:1

Ro nasueat sa kasueatan ngara hay ro mga butang nga ginpahayag ni Jesu-Kristo parti sa mga dapat magkaeanabo sa indi eon magbuhay. Ro Dyos ro nagpahayag kara kana agod isugid man nana sa tanan nga mga nagaserbi kana. Ngani ginpaadto ni Kristo ro anang anghel agod ipasayod ro mga butang ngara kakon nga si Juan nga isaea sa mga nagaserbi kana.