Juan 15:13 - Inkeanon

¹³ Owa eon it paghigugma nga makatupong pa sa paghigugma it sangka tawo nga haom magsakripisyo ku anang kabuhi para sa anang mga amigo.

Juan 15:13 Iomraidhean Croise

Lucas 12:4

Hambae ni Jesus, “Akon nga mga amigo, ginahambae ko kinyo nga ayaw kamo it kahadlok sa mga makapatay sa inyo eang nga eawas pero pagkatapos hay owa eon it mahimo pa kinyo.

Juan 10:11

Naghambae pa gid si Jesus, “Ako ro mayad nga manogbantay nga nagadipara gid ku akong mga karnero. Ro mayad nga manogbantay hay haom magsakripisyo ku anang kabuhi para sa anang mga karnero.

Juan 10:15

Ro among pagkililaea hay pareho ku pagkililaea namon ku akong Ama. Ag haom man ako nga magsakripisyo ku akong kabuhi para sa akong mga karnero.

Juan 17:19

Ag akon nga ginahaead ro akong kaugalingon nga mamatay para kanda agod mangin matuod sanda nga mga balaan nga katawhan nimo.”

Mga TagaEfeso 5:2

Dapat nga higugmaon gid ninyo permi ro inyong isigkatawo pareho ku paghigugma ni Kristo katon. Ana pa ngani nga ginhaead ro anang kabuhi por dahil katon, bilang mahumot nga sakripisyo nga nakapalipay sa Dyos.

1 Juan 3:16

Naintindihan naton kon ano ro kahueugan it gugma tungod hakita naton nga ginhaead ni Kristo ro anang kabuhi por dahil katon. Ngani dapat man naton nga ihaead ro atong kabuhi sa pagserbi sa atong mga igmanghod sa pagtuo, bisan ikamatay pa naton.