Juan 15:12 - Inkeanon

¹² “Raya ro akon nga sugo kinyo: Maghigugmaanan kamo pareho ku akong paghigugma kinyo.

Juan 15:12 Iomraidhean Croise

Juan 13:34

“Makaron hay may bag-o nga sugo nga akong ginabilin kinyo: maghigugmaanan kamo. Kon mauno ro akong paghigugma kinyo hay dapat makaruyon man ro inyong paghigugma sa kada isaea.

Juan 15:17

Ginahambae ko it uman ro akong sugo kinyo, maghigugmaanan kamo.”

Mga TagaRoma 12:10

Maghigugmaanan kamo bilang magmaeanghod sa pagtuo ag pahaegahi permi ro kada isaea kinyo nga may kalipay.

Mga TagaEfeso 5:2

Dapat nga higugmaon gid ninyo permi ro inyong isigkatawo pareho ku paghigugma ni Kristo katon. Ana pa ngani nga ginhaead ro anang kabuhi por dahil katon, bilang mahumot nga sakripisyo nga nakapalipay sa Dyos.

1 Tesalonica 3:12

Kabay pa nga pabahueon gid it Ginuo ro inyong paghigugma sa kada isaea, ag sa tanan nga mga tawo pareho ku among paghigugma kinyo.

1 Tesalonica 4:9

Pero pag-abot sa paghigugma sa inyong kaigmanghuran sa pagtuo hay owa eon it kinahangean nga sueatan ko pa kamo parti karon, ay ro Dyos mismo ro nagturo kinyo nga maghigugmaanan.

2 Tesalonica 1:3

Mga igmanghod, dapat gid-a nga magpasaeamat kami permi sa Dyos tungod kinyo. Ag tama ma't-a ron ay padayon nga nagalig-on pa gid ro inyong pagtuo kay Jesus, ag nagadinugang gihapon ro inyong paghigugma sa kada isaea.

1 Pedro 1:22

Paagi sa inyong pagtinuman sa kamatuuran hay inyong ginalimpyuhan ro inyong maeain nga batasan, ngani may sinsiro kamo nga paghigugma sa inyong kaigmanghuran sa pagtuo. Maghigugmaanan kamo it hantop sa tagipusuon

1 Pedro 3:8

Hara ro akong mga bilin para kinyo tanan. Magkaeasugot kamo ag mag-ueunungan. Higugmaa ro inyong kaigmanghuran sa pagtuo ag mangin maeueuy-on ag mapainubuson sa kada isaea.

1 Pedro 4:8

Eabaw sa tanan, maghigugmaanan kamo it hantop sa inyong tagipusuon. Kon ginahigugma abi ninyo ro inyong isigkatawo hay mapatawad gid ninyo imaw maskin man-o it abo ro anang saea kinyo.

1 Juan 3:23

Daya ro pinakapunto ku mga sugo it Dyos katon: dapat nga magtuo gid kita sa anang unga nga si Jesu-Kristo, ro dungganon nga Maneueuwas, ag dapat kita nga maghigugmaanan pareho ku sugo katon ni Jesu-Kristo.

1 Juan 4:21

Raya ro sugo nga gintao ni Kristo katon nga ro nagahigugma sa Dyos hay dapat nga maghigugma man sa anang igmanghod sa pagtuo.

2 Juan 1:5

Pero makaron, haeangdon nga bayi, ginapadumdum ko ikaw nga dapat nga maghigugmaanan kita. Bukon it bag-o nga sugo ro akon ngara nga ginasueat kimo, tungod hasayran eon naton ra umpisa pa ku pagtuo naton kay Jesus.