Juan 14:6 - Inkeanon

⁶ Nagsabat si Jesus, “Ako mismo ro daean paadto sa Dyos Ama. Ako man ro gapahayag kon ano ro matuod parti sa Dyos ag ako ro gatao it kabuhi nga owa it katapusan. Owa it makapaeapit sa akon nga Ama kon indi mag-agi kakon.

Juan 14:6 Iomraidhean Croise

Mateo 11:27

Pagkatapos ni Jesus it pangamuyo hay naghambae pa gid imaw, “Ro tanan-tanan hay gintugyan kakon ku akon nga Ama. Owa it nakakilaea gid sa Unga mageuwas sa Ama. Owa man it nakakilaea it mayad sa akong Ama kundi ako eang nga anang Unga ag ro bisan sin-o nga gusto nakon nga pakilaeahan kana kon mauno gid imaw.”

Juan 1:14

Ro Mensahi hay nagpakatawo ag nag-istar imaw iya sa kalibutan kaibahan namon. Hakita gid namon ro anang eangitnon nga pagkadaeayawon, nga tanda nga imaw ro Owa't Kapareho nga ginpadaea iya it Dyos Ama. Sobra gid ro anang kabuot ag matuod tanan ro anang ginasugid.

Juan 1:17

Gintao it Dyos ro *Kasuguan paagi kay Moises pero paagi't-a kay Jesu-Kristo ginpakita it Dyos ro anang sobrang kabuot, ag ginpahayag ro kamatuuran parti sa kaeuwasan it tawo.

Juan 1:4

Una kana ro minatuod nga kabuhi nga pareho it iwag nga nagahayag sa paino-ino it mga tawo.

Juan 10:28

Ginataw-an ko sanda it kabuhi nga owa it katapusan. Indi gid sanda pagpinahan sa impyerno bisan hin-uno ag owa gid it makaagaw kanda sa akon nga alima.

Juan 10:7

Ngani nag-istorya it uman kanda si Jesus. Sinana, “Matuod gid rang ginahambae kinyo nga ako ro pwertahan nga dapat agyan it mga karnero.

Juan 10:9

Ako ro pwertahan. Kon kakon mag-agi ro mga tawo, sanda hay maeuwas. Mangin pareho sanda it mga karnero nga makaguwa-sueod, ag makakita sanda it maeapad nga pahangeaban.

Juan 14:19

Sa indi magbuhay hay indi eon ako hikita ku mga tawo iya sa kalibutan nga owa nagatuo kakon pero makita ninyo ako. Ag bangod mabanhaw ako, kamo hay taw-an it minatuod nga kabuhi.

Juan 15:1

Bago sanda nagpanaw, nagturo anay si Jesus paagi sa rayang halimbawa. Hambae nana, “Ako ro minatuod nga puno it ubas ag ro akon nga Ama ro manogdipara.

Juan 18:37

Naghambae si Pilato, “Hay kon mawron, hari ka't-imo gali ron?” Nagsabat si Jesus, “Tama't-a ro imo nga ginhambae ngaron nga hari ako. Pero ro akong tuyo sa pag-adto ag pagpakatawo iya sa kalibutan hay agod magpamatuod parti sa kamatuuran nga halin sa Dyos. Ro tanan nga nagapahaega ag nagakabuhi suno sa kamatuuran hay nagapamati sa akong ginahambae.”

Juan 5:21

Gabanhaw ro Dyos Ama it mga patay ag gatao it kabuhi sa mga tawo ag makaruyon man ro ginaobra nakon nga anang Unga. Ako man ro gatao it kabuhi sa gusto nakon nga taw-an.

Juan 6:33

Ag ro minatuod nga pagkaon ngara nga ginatao it Dyos hay ro naghalin sa eangit ag nagatao it matuod nga kabuhi sa mga tawo iya sa kalibutan.”

Juan 6:51

Ako nga naghalin sa eangit rondayang pagkaon nga nagatao it minatuod nga kabuhi. Ag ro magakaon ku pagkaon ngara hay magakabuhi hasta sa owa it katapusan. Ag ro pagkaon ngani ngara nga itao nakon sa mga tawo sa kalibutan agod magakabuhi sanda hay ro akon nga eawas.”

Juan 6:57

Ginpadaea ako iya ku akong Ama nga ginahalinan it kabuhi, ag kon mauno nagakabuhi ako dahil kana, makaruyon man ro nagakaon kakon hay magakabuhi man dahil kakon.

Juan 6:68

Nagsabat si Simon Pedro, “Ginuo, kanyo pa abi kami maadto? Ikaw eang ro nagaturo it mensahi nga nagatao it kabuhi nga owa it katapusan.

Juan 8:32

Masayran gid dayon ninyo ro kamatuuran halin sa Dyos parti kakon, ag ruyon ro magahilway kinyo.”

Juan 8:51

Matuod gid rang ginahambae kinyo nga ro nagapati ag nagatuman sa akong ginahambae hay indi mamatay bisan hasta hin-uno.”

Mga Binuhatan 3:15

Ro inyo't-a nga ginpapatay hay ro ginahalinan it kabuhi pero ginbanhaw imaw it Dyos, ag saksi kami karon.

Mga Binuhatan 4:12

Owa eon kita it iba pang maagyan agod maeuwas kundi si Jesus eang, ay imaw eang sa bilog nga kalibutan ro gintao it Dyos nga dapat naton nga tuuhan agod maeuwas.”

Mga Binuhatan 9:2

ag nagpangayo it mga sueat para sa mga manogdumaea it mga *sinagoga idto sa syudad it Damascus. Ro sueat ngato hay gatao kana it otoridad nga magpangdakop it mga sumueunod ku daean it kaeuwasan nga ginturo ni Jesus, eaki man o bayi. Ag puydi nana nga gapuson ag daehon pabalik sa Jerusalem ro anang madakpan.

Mga TagaRoma 15:16

Imaw ro nagpili kakon agod makaserbi ako kay Kristo Jesus sa akong pagwali ku Mayad nga Balita sa mga bukon it Judio. Ginahimo ko ra agod magatuo sanda kay Jesus ag pagkatapos, pareho it *saserdote hay ihaead ko sanda sa Dyos, ag batunon nana sanda dahil ginlimpyuhan eon sanda sa andang mga saea ag ginhimo nga balaan it Espirito Santo.

Mga TagaRoma 5:2

Dahil man sa atong pagtuo sa anang ginhimo hay gintapoe eon kita sa mga ginabilang nga matarong dahil sa sobrang kabuot it Dyos ag sigurado gid ro atong kahimtangan ngaron. Ag nagakalipay kita dahil ginapaabot gid naton ro kanami-nami nga kahimtangan nga itao katon it Dyos sa ulihi.

Mga TagaRoma 5:21

Kato, ro saea hay matsa hari nga dapat gid nga tumanon ag kamatayon karon ro anang daea. Pero makaron ro sobrang kabuot it Dyos eo't-a ro nagapangibabaw. Natabo ron paagi sa anang pagbilang nga matarong sa mga tawo dahil sa ginhimo ni Jesu-Kristo nga atong Ginuo. Ag ro bunga karon hay may andang kabuhi nga owa't katapusan.

1 Corinto 15:45

Nagakasinanto ra sa nasueat sa Sagrado nga Kasueatan nga, “Ro eawas ku hauna nga tawo nga si Adan hay gintaw-an it kabuhi” pero may matawag man nga ro katapusan nga Adan ag imaw ron hay si Kristo. Ro anang eawas hay espirituhanon eon pagkabanhaw kana ag nagatao imaw it kabuhi nga owa it katapusan.

Mga TagaEfeso 2:18

Ngani paagi sa ginhimo ni Kristo hay paeareho eon kita nga mga Judio ag bukon it Judio nga ginabaton it Dyos nga atong Ama kon magpaeapit kita kana sa bulig it Espirito Santo nga iya katon tanan.

Mga TagaColosas 2:17

Ro mga kasuguan ku mga Judio parti sa rayang mga butang hay nagpakita eagi ku mga oeobrahon ku paeaabuton nga Maneueuwas. Makaron nga iya eon ro Maneueuwas nga si Kristo hay ana eon nga gintapos ro mga oeobrahon ngato.

Mga TagaColosas 2:9

Ayaw kamo magpadaea-daea dahil una gid kay Kristo ro tanan-tanan gid nga pagkaDyos it Dyos.

Mga TagaColosas 3:4

Kon si Kristo nga ginhalinan ku inyong bag-o nga kabuhi hay magabalik eon, ipakita eon dayon ro anang gahom ag pagkadaeayawon ag kamo man hay makita nga nagaambit ku anang gahom ag pagkadaeayawon ngaron.

Mga Hebreo 7:25

Ngani sarang nana nga euwason it tueos ag hasta sa owa it katapusan ro bisan sin-o nga magpaeapit sa Dyos paagi kana. Buhi imaw hasta sa owa it katapusan ag nagahinyo permi sa Dyos para kanda sa andang kinahangeanon.

Mga Hebreo 9:8

Paagi sa anda ngaron nga ginahimo, ginaturo katon ku Espirito Santo nga ro daean kon siin makasueod ro tawo sa presensya it Dyos hay owa pa ginbuksi myentras ginasunod pa ro mga bilin parti sa daywang ka kwarto sa torda ngato.

1 Pedro 1:21

Paagi sa anang ginhimo ngato hay nagatuo eon kamo sa Dyos nga nagbanhaw ag nagpadungog kana. Ngani sa Dyos gid ro inyong pagtuo ag sigurado kamo nga ana man kamo nga pagabanhawon ag pagapadunggan sa ulihi.

1 Pedro 2:4

Buhi gid si Kristo ag ginahalimbawa imaw sa sinilsil nga bato nga ginagamit sa pundasyon it bilding. Ginbilang imaw nga owa it pueos it mga tawo, pero imaw ro pinili it Dyos ag mahaega sa anang panueok. Ag samtang nagapaeapit kamo kay Kristo,

1 Pedro 3:18

Ro halimbawa karon hay si Kristo nga nag-antos bisan owa gid imaw nagkasaea. Matarong gid imaw pero namatay imaw para sa mga bukon it matarong, agod ipaeapit kamo nana sa Dyos. Kaisaea eang imaw namatay pero tama eon rato para mapatawad ro mga kasae-anan it tawo. Ginpatay ro anang kalibutanon nga eawas pero ginbanhaw imaw nga may eawas nga espirituhanon.

1 Juan 1:8

Kon maghambae kita nga owa kita it saea hay ginaluko eang naton ro atong kaugalingon, tungod owa gid nakatanom sa atong paino-ino ro kamatuuran nga ginpahayag it Dyos parti sa saea.

1 Juan 2:23

Tungod ro bisan sin-o nga owa nagabaton sa Unga it Dyos hay owa man it maeueot nga kaangtanan sa anang Ama, pero ro nagabaton sa Unga hay may maeueot man nga kaangtanan sa Dyos nga Ama.

1 Juan 5:20

Hasayran man naton nga nag-abot riya ro Unga it Dyos, ag ginbuligan kita mga makaeubot agod makilaea naton ro matuod nga Dyos. May aton nga maeueot nga kaangtanan sa matuod nga Dyos, tungod maeueot man kita sa anang Unga nga si Jesu-Kristo. Imaw ro matuod nga Dyos, ag imaw man ro nagatao it kabuhi nga owa it katapusan.

1 Juan 5:6

Ro Unga ngara it Dyos hay si Jesu-Kristo, ro Maneueuwas nga ginpadaea iya it Dyos. Nag-adto imaw iya sa kalibutan, ginbawtismuhan sa tubi, ag nag-uea ku anang dugo tag gineansang imaw sa krus. Owa eang imaw ginbawtismuhi kundi nag-uea man imaw ku ana nga dugo. Ro Espirito Santo mismo ro nagapamatuod kara, ag ro Espirito hay nagasugid permi it matuod.

2 Juan 1:9

Ro tanan nga owa nagapadayon sa pagsunod sa ginaturo ni Kristo, kundi nagaturo it sobra pa karon hay owa it maeueot nga kaangtanan sa Dyos. Pero ro nagapadayon sa pagsunod sa ginaturo ni Kristo hay may maeueot nga kaangtanan sa Dyos nga Ama, ag sa ana nga Unga.

Pahayag 19:11

Hakita ko dayon nga nagbukas ro eangit ag abaw, may puti't-a idto nga kabayo. Ro nagasakay dikato hay tag ginatawag nga Masaligan ag Bukon it Purilon. Matarong gid imaw kon maghusgar ag kon magpakig-away sa mga nagakuntra kana.

Pahayag 22:1

Ginpakita man dayon kakon it anghel ro suba nga ro anang tubi hay nagatao it kabuhi. Matin-aw gid ro tubi pareho it kristal ag nagahalin rato sa trono it Dyos ag ku Tiyo it Karnero,

Pahayag 22:17

Hambae ku Espirito it Dyos ag ku nobya ku Tiyo it Karnero “Maliya.” Ag ro tanan nga kabati kara hay mahambae man it, “Maliya.” Ro bisan sin-o nga ginauhaw hay puyding magpaeapit. Ag ro naila mag-inom ku tubi nga nagatao it kabuhi hay puydi kainom it libre.

Pahayag 3:14

“Raya ro imong isueat sa anghel it grupo it mga tumueuo idto sa Laodicea: ‘Raya ro mensahi nakon, ako nga ginatawag nga Amen, ro masaligan nga manogpamatuod nga bukon it purilon. Ako man ro ginpatuga it Dyos ku tanan.

Pahayag 3:7

“Raya ro imong isueat sa anghel it grupo it mga tumueuo idto sa Filadelfia: ‘Raya ro mensahi nakon, ako nga balaan ag matuod nga Maneueuwas. Ako ro nagabuyot ku yabi it ginharian it Dyos, nga kato anay hay ginsimbolo ku ginharian ni Haring David. Owa it makasara ku akong ginbuksan ag owa man it makabukas ku akong ginsadhan.