Bukon abi it bago mabaton ku Maneueuwas nga ginpromisa it Dyos ro anang indi matupungan nga kadungganan hay dapat anay nana nga maagyan ratong anang mga gin-antos?”
Ako ro pwertahan. Kon kakon mag-agi ro mga tawo, sanda hay maeuwas. Mangin pareho sanda it mga karnero nga makaguwa-sueod, ag makakita sanda it maeapad nga pahangeaban.
Ro gustong magserbi kakon hay dapat nga magsunod kakon bisan magkainalin, ag sa ulihi hay magaiba imaw kakon sa akong aeadtunan. Ro tanan nga nagaserbi kakon hay pagapadunggan ku akong Ama.”
Sayod ni Jesus nga gintugyan eon ku anang Ama sa anang alima ro tanan nga gahom, ag sayod man nana nga idto imaw maghalin sa Dyos, ag sa Dyos man imaw magabalik.
Sa eangit nga ginaistaran ku akon nga Ama hay kaabo nga maistaran, ag mauna ako idto agod pahauman ko kamo it lugar. Kon bukon it matuod nga kaabo nga maistaran idto hay hambaeon ko baea kamo nga pahauman ko kamo it lugar idto?
“Ginhambae ko eon kinyo nga mapanaw ako pero mabalik man ako kinyo. Kon ginahigugma gid ninyo ako hay malipay kunta kamo ay gabalik ako sa akong Ama tungod eabaw pa imaw kakon.
Ro nagatuo sa Unga hay may kabuhi nga owa it katapusan. Pero ro indi magtuo kana hay indi gid makasamit ku ruyon nga kabuhi, kundi makasamit ku pina it Dyos hasta sa owa it katapusan.
Raya ro pagbuot ku akon nga Ama, nga ro tanan nga nagakilaea ag nagatuo kakon nga anang Unga hay may kabuhi nga owa it katapusan. Ag banhawon ko sanda sa katapusan nga adlaw.”
