Juan 14:3 - Inkeanon

³ Kon haom eon ro lugar para kinyo hay magabalik ako iya ag sueangon ko kamo ag daehon dayon sa akong ginhalinan agod mag-ililiba kita idto.

Juan 14:3 Iomraidhean Croise

Juan 12:26

Ro gustong magserbi kakon hay dapat nga magsunod kakon bisan magkainalin, ag sa ulihi hay magaiba imaw kakon sa akong aeadtunan. Ro tanan nga nagaserbi kakon hay pagapadunggan ku akong Ama.”

Juan 14:28

“Ginhambae ko eon kinyo nga mapanaw ako pero mabalik man ako kinyo. Kon ginahigugma gid ninyo ako hay malipay kunta kamo ay gabalik ako sa akong Ama tungod eabaw pa imaw kakon.

Juan 14:4

Sayod eon kamo ku daean sa akong ginaadtunan.”

Juan 17:24

“Ama, gusto ko nga ro imong mga gintugyan kakon hay makaiba kakon sa ulihi kon siin ako, agod makita nanda ro akong pagkadaeayawon nga gintao mo kakon, tungod ginhigugma mo eon ako bago pa gintuga ro kalibutan.

Mga Binuhatan 1:11

Hambae nanda, “Mga tagaGalilea, ham-an it nagatinangda pa't-a kamo dikaron? Si Jesus ngara nga ginbuoe kinyo ag nagkayab sa eangit hay mabalik man sa ulihi. Kon mauno ro inyong hakita nga anang paghalin hay makaruyon man ro anang pagbalik.”

Mga TagaRoma 8:17

Ag tungod mga unga kita it Dyos hay ana man kita nga mga manunubli ag kon ano ro panublion nga mabaton ni Kristo hay imaw man ro aton. Dahil nagaagi man kita it kasakit pareho man kato kay Kristo dahil sa atong pagtuo kana hay padunggan man kita kaibahan nana kon padunggan eon imaw.

Mga TagaFilipos 1:23

Nalisdan 't-ang magpili sa daywa ngaron. Gusto ko eon kunta magtaliwan agod makaibahan ko eon si Kristo, ay ruyon ro pinakamayad.

2 Tesalonica 1:12

Kon mahimo ron ninyo hay pagadayawon ro atong Ginuo nga si Jesus dahil kinyo ag kamo man hay dayawon dahil kana. Matabo ra tanan sa sobrang kabuot ku atong Dyos ag ni Ginuong Jesu-Kristo.

2 Timoteo 2:12

Kon tiison naton ro tanan nga kalisod nga atong maagyan dahil sa atong pagtuo kana, magahari man kita kaibahan nana sa ulihi. Pero kon ipanghiwaea naton nga sumueunod nana kita, sa ulihi hay ana nga pamatud-an nga bukon gid ma't-a kita it mga sumueunod nana.

Mga Hebreo 9:28

Imaw ron nga si Kristo hay kaisaea gid lang nagsakripisyo ku anang kaugalingon agod mabuoe ro kasae-anan it mga tawo. Ag kon magbalik eon imaw iya sa kalibutan hay bukon it agod isakripisyo it uman ro anang kaugalingon agod mabuoe ro aton nga mga saea, kundi agod kumpletuhon ro kaeuwasan ku mga nagapaabot gid kana.

Pahayag 3:21

“ ‘Ro nagapadayon nga madinaeag-on sa andang pagsunod kakon hay taw-an nakon it kinamatarong nga magpungko sa akong euyo, ag maghari kaibahan nakon. Pareho man sanda kakon nga nagmadinaeag-on, ag nagapungko eon ako iya sa euyo ku akon nga Ama ag nagahari kaibahan nana.