Juan 14:26 - Inkeanon

²⁶ Pero kon owa eon ako, padaehan kamo ku akong Ama it Manogbulig, ag ruyon hay ro Espirito Santo ag imaw ro magabueos kakon. Imaw ro magaturo kinyo it tanan nga butang ag magapadumdum ku tanan nga ginhambae ko kinyo.

Juan 14:26 Iomraidhean Croise

Mateo 1:18

Makaraya ro nagkaeatabo bago natawo ro Maneueuwas nga si Jesus. Si Maria nga anang ina hay kaeasaeon eon kato kay Jose. Pero bago sanda kaslon hay hapan-uhan nanda nga naganabdos eo't-a si Maria paagi sa gahom it Espirito Santo.

Mateo 1:20

Ruyon ro anang ginapaino-ino pagtueog nana. Ginpadamgo dayon imaw it Dyos ag sa anang damgo hay may sangka anghel it Ginuong Dyos nga nagpakita kana. Hambae ku anghel, “Jose, isaea sa mga inapo ni Haring David, padayuna ro pagpakasae kay Maria ay ro anang pagnabdos ngaron hay paagi't-a sa gahom it Espirito Santo.

Mateo 28:19

Ngani, panaw kamo ag tur-an ro tanan nga rasa it tawo kon paalin sanda magsunod kakon bilang akong mga sumueunod. Bawtismuhi sanda sa ngaean it Ama, Unga ag Espirito Santo.

Mateo 3:11

Ginabawtismuhan ko kamo it tubi agod ipakita nga naghinuesoe ag nagtalikod eon kamo sa inyong mga saea. Pero may maabot masunod kakon nga mas eabaw pa kakon, ag bisan gauba eon lang ku anang sandalyas hay bukon ako it takos. Pagabawtismuhan nana kamo it Espirito Santo ag kaeayo.

Marcos 12:36

Si David mismo nga ginagamhan ku Espirito Santo ro nagsueat, ‘Ro Ginuong Dyos hay naghambae sa akon nga Ginuo: Pungko iya sa akon nga tuo ag maghari ka kaibahan nakon hasta nga hiobra ko nga tueungtungan ku imong siki ro imong mga kaaway.’

Marcos 13:11

Kon dakpon kamo ag imbistigaron, ayaw kamo it palitik kon ano ro inyong ihambae dahil ro Espirito Santo ro magatao kinyo it inyong ihambae sa oras ngaron. Ruyon ro inyong ihambae.

Lucas 1:15

tungod mangin dungganon imaw sa mata it Ginuong Dyos. Indi gid imaw dapat mag-inom it bino ag bisan ano nga makahieilong nga ilimnon. Pagagamhan eagi imaw it Espirito Santo bisan sa tiyan pa eang imaw ku ana nga ina.

Lucas 1:35

Nagsabat ro anghel, “Ro Espirito Santo hay magakunsad kimo ag pagalikupan ka ku gahom it Dyos nga Eabing Mataas ngani ro imong mangin unga hay balaan ag pagakilaeahon nga Unga it Dyos.

Lucas 1:41

Pagkabati ni Elisabet ku pagpangamusta ni Maria hay nagsinta sa kalipay ro eapsag sa ana nga tiyan ag gin-gamhan si Elisabet it Espirito Santo,

Lucas 1:67

Ro tatay ni Juan nga si Zacarias hay gin-gamhan it Espirito Santo ag naghambae imaw it mensahi halin sa Dyos:

Lucas 11:13

Kon kamo nga mga maeain hay nagatao ngani it manami sa inyong mga unga, mas kapin pa gid ro Ama sa eangit. Itao nana ro Espirito Santo sa nagapangayo kana.”

Lucas 2:25

May isaeang ka tagaJerusalem nga si Simeon ro ngaean. Matarong ra imaw nga tawo ag matinumanon sa Dyos. Nagahawat-hawat gid ra ginhawa nga euwason it Dyos ro anang mga kadugo nga mga inapo ni Israel ag ginagamhan ra imaw permi it Espirito Santo.

Lucas 24:49

Ag ako mismo ro magapaadto kinyo ku Espirito Santo nga ginpromisa ku akon nga Ama. Pero hueat anay kamo iya sa syudad hasta nga gamhan kamo it Espirito Santo halin sa eangit.”

Lucas 3:22

ag nagpanaog ro Espirito Santo nga kaitsura it salampati ag naghapon kana. May naghambae dayon halin sa eangit, “Ikaw ro akong palangga nga unga. Nalipay gid ako it duro kimo.”

Juan 12:16

Tag nagakaeanabo ra hay owa pa haeubti ku mga sumueunod ni Jesus nga katumanan gali rato ku ginsueat it sangka propeta. Pero pagkabanhaw nana, ag ginpadunggan eon imaw sa eangit hay hadumduman nanda rondatong natabo, ag naeubtan nanda nga imaw gali ro ginapatungdan ku ginsueat ngato.

Juan 14:16

Ag pangabayon ko ro akong Ama nga padaehan kamo it magabueos kakon nga Manogbulig agod ibhan nana kamo hasta sa owa it katapusan, ag obrahon ron it akong Ama.

Juan 14:25

“Ginasugid ko ro mga butang ngara kinyo samtang iya pa ako kaibahan ninyo.

Juan 15:26

“Pag-abot ku Manogbulig nga akon nga ipadaea iya kinyo halin sa akon nga Ama, pamatud-an 't-a nana ro mensahi parti kakon. Imaw hay ro Espirito Santo nga manogpahayag it kamatuuran halin sa Dyos.

Juan 16:7

Pero matuod ro akong hambae ngara nga para gid sa inyong kamaeayran ro akong pagpanaw, ay kon indi ako magpanaw hay indi man riya makaadto kinyo ro Manogbulig. Pero kon makapanaw eon ako, ipadaea ko imaw iya kinyo.

Juan 2:22

Imaw ron nga pagkabanhaw nana hay hadumduman ku anang mga sumueunod ro ana ngatong ginhambae. Nagpati man sanda sa ginsueat sa Sagrado nga Kasueatan parti sa anang pagkabanhaw, ag sa ay Jesus man mismo nga ginhambae.

Juan 20:22

Tapos hay ginhuypan nana sanda ag ginhambae, “Hara, batuna ninyo ro Espirito Santo.

Juan 6:45

Nasueat sa kasueatan it mga propeta kato anay nga, ‘Ro tanan nga tawo hay tud-an it Dyos.’ Ngani ro tanan nga nagpamati sa akon nga Ama ag nakaeubot sa anang ginhambae hay nagatuo kakon.

Juan 7:39

Raya nga ginhambae ni Jesus hay napatungod sa Espirito Santo nga madali lang mabaton ku mga nagtuo kana. Owa pa nanda mabaton ro Espirito tungod owa pa si Jesus hapadunggi.

Mga Binuhatan 1:4

Isaeang adlaw, tag kaibahan nanda si Jesus, ginbilinan nana sanda, “Ayaw kamo it halin sa Jerusalem. Hueata anay ninyo ro ginpromisa kinyo it akon nga Ama nga akon man anay kato nga ginhambae kinyo.

Mga Binuhatan 1:8

Pero ro inyo't-a nga dapat masayran hay makabaton kamo it gahom kon magkunsad eon kinyo ro Espirito Santo. Ag paagi sa anang gahom hay magapamatuod kamo parti kakon iya sa Jerusalem, sa tanan nga lugar iya sa probinsya it Judea, sa Samaria ag pati sa pinakamaeayo nga mga lugar sa kalibutan.”

Mga Binuhatan 11:16

Ag hadumduman ko dayon ro ginhambae it Ginuo, ‘Nagbawtismo si Juan it tubi pero kamo't-a hay ro Espirito Santo't-a ro ibawtismo kinyo.’

Mga Binuhatan 13:2

Tag nagapuasa sanda ag nagasimba sa Ginuo, naghambae kanda ro Espirito Santo, “Paeainan ninyo para kakon si Barnabas ag si Saulo ay may oeobrahon ako nga ginabutangan kanda.”

Mga Binuhatan 13:4

Pagkahalin nanday Barnabas ag Saulo hay gin-giyahan sanda ku Espirito Santo nga mag-adto sa Seleucia ag halin idto hay nagsakay sanda sa barko paadto sa isla it Cyprus.

Mga Binuhatan 15:28

Sa paggiya ku Espirito Santo hay nagkaeasugot kami nga owa it kinahangean nga papas-anon kamo ku bilog nga Kasuguan namon nga mga Judio. Ro inyo eang nga dapat tumanon hay raya:

Mga Binuhatan 15:8

Ag abo kanda ro nagtuo. Sayod it Dyos nga matuod ro andang pagtuo dahil nakasayod imaw ku paino-ino it tawo, ngani gintapoe nana sanda sa anang mga katawhan. Ana nga ginpakita ro anang pagbaton kanda paagi sa pagtao kanda ku Espirito Santo, pareho man katon.

Mga Binuhatan 16:6

Nagplano sanday Pablo nga magturo ku mensahi it Dyos sa mga kabanwahan sa probinsya it Asya pero ginpasayod kanda it Espirito Santo nga indi anay sanda mag-adto idto ku ratong tyempo. Ngani nag-agi lang sanda sa daean nga maeapit sa dueunan it mga probinsya it Frigia ag Galacia.

Mga Binuhatan 2:33

Ginpapungko imaw sa pinakadungganon nga pwesto sa tuo it Dyos Ama, ag gintaw-an dayon imaw ku Dyos it otoridad nga itao nga owa it hawid-hawid ro Espirito Santo sa anang mga sumueunod suno sa anang ginpromisa kanda. Ro inyong hakita ag habatian makaron hay katumanan gid karon.

Mga Binuhatan 2:4

Napuno dayon sanda tanan it Espirito Santo ag paagi sa anang gahom hay naghambae dayon sanda it ibang mga linggwahe nga owa nanda pagtun-i.

Mga Binuhatan 20:28

Ngani haeungi gid ro inyong kaugalingon pati ro tanan nga mga tumueuo nga inyong ginadumaeahan nga matsa panong it mga karnero nga gintugyan kinyo it Espirito Santo. Bantayi sanda it mayad ay ana sanda it Dyos, ay gintubos nana sanda paagi sa dugo mismo ku ana nga Unga.

Mga Binuhatan 20:35

Ginpakita nakon kinyo sa akon ngatong gin-obra nga dapat kita nga magpangabudlay agod mabuligan naton ro mga maeuya. Dumduma ninyo ro hambae ni Ginuong Jesus, ‘Mas malipayon ro gatao kaysa sa gabaton.’ ”

Mga Binuhatan 28:25

Owa sanda magkaeasugot ag nag-amat sanda it paeanaw pagkahambae ni Pablo ku anang katapusan nga pamisaea kanda. Hambae nana, “Tama gid-a ro Espirito Santo sa anang ginhambae kato sa inyong mga kalolo-lolohan paagi kay propeta Isaias.

Mga Binuhatan 5:3

Pero ginhambae imaw ni Pedro, “Ananias, ham-an it ginsugtan mo si Satanas nga gamhan ro imong paino-ino nga nagpinuril ka't-ing ku kabakeanan ku imong eugta, ay ginbuhinan mo ra bago mo gindaea iya? Pero ro matuod 't-a hay sa Espirito Santo ka't-ing nagpinuril!

Mga Binuhatan 7:51

Naghambae pa gid si Esteban, “Mga matig-a gid-a kamo it ueo! Mga maeain it kabubut-on pareho ku mga owa nagakilaea sa Dyos! Nagapabungoe-bungoe kamo sa mensahi it Dyos, ag permi ninyong ginakuntra ro Espirito Santo. Pareho gid kamo sa atong mga kalolo-lolohan kato!

Mga Binuhatan 7:55

Pero si Esteban nga ginagamhan ku Espirito Santo hay nagtangda sa eangit ag hakita nana ro makangawa-ngawa nga kasilaw it Dyos ag si Jesus nga nagatindog sa tuo it Dyos.

Mga TagaRoma 14:17

Para katon nga ginaharian it Dyos, bukon eo't-a it importanti ro pagsunod sa mga sugo parti sa pagkaon ag pag-inom kundi ro kabuhi nga matarong, ro paghidait sa kada isaea ag ro kalipay nga halin sa Espirito Santo.

Mga TagaRoma 15:13

Kabay pa nga ro Dyos nga nagatao kinyo it kasiguruhan ku mayad nga kahimtangan ngara hay magatao man kinyo it tueos nga kalipay ag matawhay nga paino-ino tungod sa inyong pagtuo kana, agod ro inyong kasiguruhan ngaron hay maglig-on pa gid paagi sa gahom it Espirito Santo.

Mga TagaRoma 15:16

Imaw ro nagpili kakon agod makaserbi ako kay Kristo Jesus sa akong pagwali ku Mayad nga Balita sa mga bukon it Judio. Ginahimo ko ra agod magatuo sanda kay Jesus ag pagkatapos, pareho it *saserdote hay ihaead ko sanda sa Dyos, ag batunon nana sanda dahil ginlimpyuhan eon sanda sa andang mga saea ag ginhimo nga balaan it Espirito Santo.

Mga TagaRoma 5:5

Indi kita mahuy-an sa atong ginapaabot ngaron ay itao gid ron it Dyos katon tungod sayod kita nga ginahigugma gid nana kita it duro. Sayod kita karon paagi sa Espirito Santo nga gintao katon it Dyos.

1 Corinto 12:3

Ngani ginapasayod ko gid kinyo nga kon may tawo nga nagapaabot it mensahi nga halin kuno sa Espirito Santo, ag kon maghambae imaw nga “Sumpaon ka, Jesus” hay bukon gid it ro Espirito Santo ro nagagahom kana. Ag owa man it makahambae nga “ro Ginuo't-a si Jesus,” kon owa imaw ginagamhi ku Espirito Santo.

1 Corinto 6:19

Owa baea kamo kasayod nga ro inyong eawas hay templo nga ginaistaran it Espirito Santo nga gintao kinyo it Dyos? Bukon it inyo ro inyong eawas ngaron kundi ana't-a ron it Dyos

2 Corinto 6:6

Nagapangabuhi kami it malimpyo, kaeubot kami it mayad sa anang mensahi, mapinasensyahon kami ag mabuot sa among isigkatawo, ginabuligan kami it Espirito Santo sa among pagserbi sa Dyos, ag ginapalangga namon it sinsiro ro among isigkatawo.

Mga TagaEfeso 1:13

Kamo man hay nangin mga katawhan ni Kristo pagkabati ninyo ag pagpati ku matuod nga mensahi nga imaw ro Mayad nga Balita kon paalin kamo maeuwas sa pina it saea. Ngani kat nagtuo kamo kay Kristo, ana nga gintao kinyo ro Espirito Santo nga anang ginpromisa, bilang tanda nga ana eon kamo it Dyos.

Mga TagaEfeso 1:17

sa Dyos ku atong Ginuong Jesu-Kristo, ro daeayawon nga Ama, nga taw-an nana kamo it kaaeam nga halin sa Espirito Santo nga magapasayod kinyo ku kamatuuran parti sa Dyos agod makilaea ninyo imaw it mayad.

Mga TagaEfeso 4:30

Isaea pa gali, indi kamo maghimo it mga bagay nga makapasubo sa Espirito Santo it Dyos, tungod ro anang pag-istar kinyo hay tanda nga mga katawhan kamo it Dyos, ag tubson nana kamo sa pina it inyong saea kon mag-abot eon ro adlaw it paghukom.

1 Tesalonica 4:8

Ngani ro bisan sin-o nga indi magbaton sa ginaturo ngara parti sa pagpakabalaan hay bukon it pagturo it tawo eang ro anang owa ginabatuna, kundi ro Dyos mismo nga nagatao kinyo ku anang Espirito nga imaw ro balaan gid.

2 Timoteo 1:14

Paagi sa bulig it Espirito Santo nga nagaistar iya katon, haeungi gid nga indi maeaktan it saea ro mahaega nga doktrina nga gintugyan kimo.

Tito 3:5

hay gineuwas nana kita. Gineuwas nana kita dahil sa anang kaeuoy katon, bukon it dahil may mga matarong kita nga buhat. Gineuwas kita it Dyos paagi sa anang paghugas katon sa atong kasae-anan tag natawo kita it uman, ag gintaw-an it bag-o nga kabuhi paagi sa Espirito Santo

Mga Hebreo 10:15

Ro Espirito Santo hay nagapamatuod kamon parti kara sa anang ginpasueat kato nga,

Mga Hebreo 2:4

Ag ro Dyos mismo hay nagpamatuod man nga matuod ro mensahi parti sa kaeuwasan ngara paagi sa mga makangawa-ngawa ag milagroso nga pamatuod nga anang ginpahimo kanda ag paagi man sa sari-saring abilidad nga gintao it Espirito Santo suno sa kabubut-on it Dyos.

Mga Hebreo 3:7

Ngani dapat nga dumdumon naton ro ginpasueat it Espirito Santo sa Sagradong Kasueatan nga, “Sa makaron nga tyempo, kada may ginahambae kinyo ro Dyos hay pamati kamo.

Mga Hebreo 9:8

Paagi sa anda ngaron nga ginahimo, ginaturo katon ku Espirito Santo nga ro daean kon siin makasueod ro tawo sa presensya it Dyos hay owa pa ginbuksi myentras ginasunod pa ro mga bilin parti sa daywang ka kwarto sa torda ngato.

1 Pedro 1:12

Ginpahayag dayon kanda it Dyos nga ro andang ginahambae hay bukon it para sa andang kamaeayran sa ratong tyempo kundi para't-a sa inyong kamaeayran sa makarong tyempo. Ro ginasugid kinyo makaron ku mga manogturo it Mayad nga Balita sa bulig kanda it Espirito Santo nga ginpaadto it Dyos halin sa eangit hay katumanan ku mga ginhambae ngato ku mga propeta. Bisan ngani ro mga anghel hay naila man nga maeubtan gid it mayad ro mga bagay ngaron.

2 Pedro 1:21

Owa abi it ginhambae nga mensahi ro mga propeta nga halin eang sa andang gusto ag paino-ino kundi ro Espirito Santo ro naggiya kanda sa paghambae nanda it mensahi nga halin sa Dyos.

1 Juan 2:20

Pero kamo hay bukon it pareho kanda. Kasayod kamo tanan ku kamatuuran parti kay Kristo ay gintao nana kinyo ro anang Espirito Santo.

1 Juan 2:27

Pero kamo hay gintaw-an eon ni Jesus it Espirito Santo, ag imaw hay nagakabuhi kaibahan ninyo. Ro Espirito Santo ro nagaturo kinyo ku tanan nga kinahangean ninyo nga masayran, ngani owa eon it kinahangean nga may iba pa nga magturo kinyo it dugang nga mga pagturo nga eain sa anang ginaturo. Matuod gid ro tanan nanang ginaturo, ag suno sa anang ginaturo ngaron, padayuna ninyo ro inyong maeueot nga kaangtanan kay Kristo.

1 Juan 5:7

Ngani, may tatlo nga nagapamatuod parti kay Jesus,

Judas 1:20

Pero kamo't-a, mga hinigugma, samtang nagapaabot kamo ku kabuhi nga owa it katapusan nga atong mabaton tungod sa kaeuoy ni Ginuong Jesu-Kristo, magkabuhi kamo permi kon mauno dapat magkabuhi ro mga ginahigugma it Dyos. Mahimo ninyo ra paagi sa inyong pagpalig-on ku inyong pagtuo sa sagrado nga mensahi it Dyos nga ginpahayag kakon, ag paagi sa pagpangamuyo sa paggiya ku Espirito Santo.

Pahayag 2:11

“ ‘Gintaw-an kamo it dueunggan ngani pamatii ninyo it mayad ro ginahambae it Espirito it Dyos sa mga grupo it mga tumueuo. Ro nagapadayon nga madinaeag-on sa andang pagsunod kakon hay indi makaagi it pangaywa nga kamatayon.’ ”