Biblia Todo Logo
Bìoball air-loidhne

- Sanasan -




Juan 14:23 - Inkeanon

23 Nagsabat si Jesus, “Umanon ko rang ginhambae. Kon ginahigugma ako it sangka tawo hay tumanon nana ro akong hambae. Higugmaon imaw ku akon nga Ama ag kami ku Ama hay magaadto kana ag magaistar sa anang tagipusuon.

Faic an caibideil Dèan lethbhreac




Juan 14:23
30 Iomraidhean Croise  

Ako ag ro Dyos Ama hay sambilog eang.”


Naghambae pa gid si Jesus, “Kon ginahigugma ninyo ako, pagatumanon gid ninyo ro akong mga sugo.


Imaw hay ro Espirito Santo nga manogpahayag it kamatuuran halin sa Dyos. Ro mga owa nagatuo kakon hay indi makabaton ku Espirito Santo ay owa ma't-a nanda imaw hakita ag hakilaea. Pero kamo't-a hay nakakilaea kana ay gin-inibhan eon nana kamo ag sa indi magbuhay hay magapabilin imaw sa inyong tagipusuon.


Ro nagatanom ku akong mga sugo sa anang paino-ino, ag nagatuman karon hay ruyon ro nagahigugma kakon. Ag ro nagahigugma kakon hay higugmaon ku akon nga Ama. Higugmaon ko man imaw ag akon nga ipahayag kana kon sin-o gid ako.”


Pero ro owa nagahigugma kakon hay owa gatuman sa akon nga hambae. Ro akong ginahambae kinyo hay bukon it akon-akon eang kundi tag ginapahambae kakon ku Ama nga nagpadaea kakon iya.


tungod ro Dyos Ama mismo hay nagahigugma kinyo. Ginahigugma nana kamo tungod ginahigugma ninyo ako, ag nagapati kamo nga naghalin gid ako kana.


Ngani ro magakaon ku akon nga eawas ag magainom ku akon nga dugo hay magapadayon sa anang maeueot nga kaangtanan kakon ag makaruyon man ro akong kaangtanan kana.


Matuod gid rang ginahambae kinyo nga ro nagapati ag nagatuman sa akong ginahambae hay indi mamatay bisan hasta hin-uno.”


Naghambae sanda, “Sigurado eon gid kami nga ginsudlan ka it demonyo ay si Abraham ag ro mga propeta hay nagkaeamatay eon kato pa. Ham-an it gahambae ka nga ro nagapati ag nagatuman sa imong ginahambae hay indi makaagi it kamatayon bisan hasta hin-uno?


Bagay baea nga ibutang ro mga ribulto it mga diyos-diyos sa templo nga ginasimbahan sa Dyos? Bukon 't-a ron. Kitang mga tumueuo hay pareho it templo nga ilistaran ku buhi nga Dyos. Pareho sa ginhambae nana nga, “Magaistar ako una kanda. Ibhan ko sanda sa andang pagpangabuhi. Mangin Dyos nanda ako ag mangin katawhan ko sanda.”


agod padayon nga magaistar si Kristo sa inyong tagipusuon tungod sa inyong pagtuo. Ag ginapangamuyo ko man nga ro inyong paghigugma hay mangin kapareho it lig-on it kahoy nga nakapanggamot it husto, ag pareho man sa baeay nga malig-on ro pundasyon.


Itanom gid ninyo sa inyong paino-ino ro tanan nga inyong habatian parti kay Kristo, umpisa pa ku inyong pagtuo kana. Kon makaruyon ro inyong ginaobra hay magapadayon kamo sa inyong maeueot nga kaangtanan sa Dyos nga Ama, ag sa anang Unga nga si Jesus.


Pero ro bisan sin-o nga nagatuman sa kasuguan it Dyos, imaw ra ro may hantop gid nga paghigugma sa Dyos. Paagi sa atong pagtuman hay masiguro naton nga may atong maeueot nga kaangtanan sa Dyos.


Mga unga nakon sa pagtuo, kamo hay mga katawhan it Dyos ngani haperdi eon ninyo ro mga nagapakuno-kuno nga mga propeta, ay owa ninyo sanda pagpatihi. Owa ninyo sanda pagpatihi ay ro Espirito Santo nga una kinyo hay mas gamhanan kaysa kay Satanas nga nagagahom sa mga tawo iya sa kalibutan nga owa nagakilaea sa Dyos.


Ro aton abi nga paghigugma sa Dyos hay makita paagi sa aton nga pagtuman sa anang kasuguan. Ro anang kasuguan hay bukon eon it pareho ku mabug-at nga daeaehon nga haeos indi naton madaea,


Ro nagapakita nga ginahigugma matuod naton ro Dyos hay ro aton nga pagtuman sa anang mga sugo. Daya ro pinakapunto ku anang mga sugo: nga maghigugmaanan kita. Umpisa pa ku inyong pagtuo hay habatian eon ninyo nga dapat ninyo ra nga tumanon.


Owa ako it hakita idto nga templo ay ro pinakatemplo sa syudad ngato hay ro Eabing Makagagahom nga Ginuong Dyos ag ro Tiyo it Karnero.


May habatian dayon ako nga mabaskog nga limog nga halin sa trono. Hambae nana, “Pamati kamo, ro ilistaran it Dyos makaron hay sa ilistaran man it mga tawo. Una mismo imaw magaistar kaibahan nanda, ag sanda ro mangin anang mga katawhan. Imaw mismo ro magaiba kanda permi bilang andang Dyos.


Owa gid it bisan ano nga ginsumpa it Dyos sa ruyon nga syudad. Idto gid ro trono it Dyos ag ku Tiyo it Karnero, ag idto man ro mga nagaserbi sa Dyos ag magasimba sanda kana.


Lean sinn:

Sanasan


Sanasan