Juan 14:2 - Inkeanon

² Sa eangit nga ginaistaran ku akon nga Ama hay kaabo nga maistaran, ag mauna ako idto agod pahauman ko kamo it lugar. Kon bukon it matuod nga kaabo nga maistaran idto hay hambaeon ko baea kamo nga pahauman ko kamo it lugar idto?

Juan 14:2 Iomraidhean Croise

Lucas 14:22

Nagpanaw ro ulipon ag pagbalik nana hay nagsugid imaw sa amo, ‘Sir, tapos eon nakon ro imong ginsugo ngato pero may lugar pa gihapon sa lamisa.’

Juan 13:33

Mga palangga nakon nga mga unga, indi eon magbuhay ro akon nga pag-iba kinyo, ag kon owa eon ako riya hay usuyon ninyo ako. Pero ihambae ko man kinyo makaron ro akon kato nga ginhambae sa mga manogdumaea it mga Judio nga indi kamo makaadto sa akong ginaadtunan.

Juan 13:36

Nagpangutana dayon si Simon Pedro kana, “Ginuo, siin ka't-imo gaadto ay?” Nagsabat si Jesus, “Indi ka pa kamunot kakon makaron sa akong ginapaadtunan pero sa ulihi hay makaapas ka gid idto.”

Juan 14:28

“Ginhambae ko eon kinyo nga mapanaw ako pero mabalik man ako kinyo. Kon ginahigugma gid ninyo ako hay malipay kunta kamo ay gabalik ako sa akong Ama tungod eabaw pa imaw kakon.

Juan 16:4

Ginasugiran ko kamo kara agod pag-abot it oras hay hidumduman ninyo ro akong ginhambae.” “Owa ko ra eagi kinyo pagsugiran ku primero pa eang nga nagsunod kamo kakon, ay mabuhay pa man ro atong pag-ililiba.

Juan 17:24

“Ama, gusto ko nga ro imong mga gintugyan kakon hay makaiba kakon sa ulihi kon siin ako, agod makita nanda ro akong pagkadaeayawon nga gintao mo kakon, tungod ginhigugma mo eon ako bago pa gintuga ro kalibutan.

Mga Binuhatan 9:16

Ag ipahayag ko man kana kon man-o it abo nga mga kasakit ro anang dapat maagyan dahil sa anang pagwali parti kakon.”

2 Corinto 5:1

Ro sangka halimbawa kara hay ro atong eawas ay sayod eon naton nga bisan mamatay kita hay taw-an kita it Dyos it bag-o nga eawas idto sa eangit. Ro eawas nga itao katon hay bukon it halin sa tawo kundi sa Dyos mismo ag magakabuhi rato hasta sa owa it katapusan.

1 Tesalonica 5:9

Ro plano it Dyos para katon hay bukon it hisamitan naton ro anang pina sa atong mga kasae-anan kundi maeuwas kita sa pina ngato paagi sa ginhimo ku atong Ginuo nga si Jesu-Kristo.

Tito 1:2

Ginahimo ko ra agod makasigurado ro mga tawo nga may anda nga kabuhi nga owa it katapusan, kaibahan it Dyos sa ulihi. Ginpromisa it Dyos ronduyon nga kabuhi bago pa gintuga ro kalibutan, ag owa gid imaw nagapinuril.

Mga Hebreo 11:10

Nagmantenir si Abraham nga mag-istar sa torda ay ginapaabot nana nga makaistar sa syudad nga owa it pagkaduea nga ro Dyos mismo ro nagdesinyo ag nagpatindog.

Mga Hebreo 13:14

Ro ilistaran abi nga kon siin magaistar kita hasta sa owa it katapusan hay bukon it iya sa rayang kalibutan kundi idto sa syudad nga ginpromisa it Dyos nga itao katon sa paeaabuton. Ruyon ro atong ginapaabot.

Mga Hebreo 6:20

Ro Pinakasagrado nga Kwarto ngaron hay nagasimbolo ku parti it eangit kon siin ro trono it Dyos Ama. Ag idto eon nag-una katon si Jesus bilang atong tigeawas sa atubang it Dyos Ama, dahil imaw ro aton nga Pinakapinuno nga Saserdote hasta sa owa it katapusan. Ro anang pagkasaserdote hay pareho ku pagkasaserdote ni Melkizedek kato anay.

Mga Hebreo 9:8

Paagi sa anda ngaron nga ginahimo, ginaturo katon ku Espirito Santo nga ro daean kon siin makasueod ro tawo sa presensya it Dyos hay owa pa ginbuksi myentras ginasunod pa ro mga bilin parti sa daywang ka kwarto sa torda ngato.

Pahayag 21:2

Hakita ko man dayon ro balaan nga syudad, ro Bag-o nga Jerusalem nga nagapanaog halin sa Dyos sa eangit. Kanamiton gid ro syudad pareho it nobya nga ginpagwapa para sa anang nobyo nga anang pakasaean.

Pahayag 3:12

Ro nagapadayon nga madinaeag-on sa andang pagsunod kakon hay obrahon ko nga pareho it haligi sa Templo it akon nga Dyos, nga ro kahueugan hay idto sanda sa presensya it Dyos, ag indi sanda pagpahalinon idto hasta sa owa it katapusan. Markahan ko sanda ku ngaean it akon nga Dyos, ag ku ngaean ku syudad it akon nga Dyos nga ginatawag nga Bag-o nga Jerusalem, nga ipapanaog nana halin sa eangit. Markahan ko man sanda ku akon nga bag-o nga ngaean.

Pahayag 3:21

“ ‘Ro nagapadayon nga madinaeag-on sa andang pagsunod kakon hay taw-an nakon it kinamatarong nga magpungko sa akong euyo, ag maghari kaibahan nakon. Pareho man sanda kakon nga nagmadinaeag-on, ag nagapungko eon ako iya sa euyo ku akon nga Ama ag nagahari kaibahan nana.