Juan 14:19 - Inkeanon

¹⁹ Sa indi magbuhay hay indi eon ako hikita ku mga tawo iya sa kalibutan nga owa nagatuo kakon pero makita ninyo ako. Ag bangod mabanhaw ako, kamo hay taw-an it minatuod nga kabuhi.

Juan 14:19 Iomraidhean Croise

Juan 11:25

Tapos hay nagpaathag si Jesus, “Ako ro may gahom nga magbanhaw sa mga patay ag ako ro gatao kanda it kabuhi nga owa it katapusan. Bisan mamatay pa ro nagatuo kakon hay magakabuhi imaw hasta sa owa it katapusan.

Juan 12:35

Nagsabat si Jesus, “Mangin kaibahan pa ninyo ro Iwag it madaling oras. Ngani samtang iya pa ra kinyo hay magkabuhi kamo suno sa paggiya it kahayag nga anang ginatao agod indi madueman it husto ro inyong paino-ino. Ro nagatikang sa kadueom hay owa kasayod kon siin imaw paadto.

Juan 13:33

Mga palangga nakon nga mga unga, indi eon magbuhay ro akon nga pag-iba kinyo, ag kon owa eon ako riya hay usuyon ninyo ako. Pero ihambae ko man kinyo makaron ro akon kato nga ginhambae sa mga manogdumaea it mga Judio nga indi kamo makaadto sa akong ginaadtunan.

Juan 14:6

Nagsabat si Jesus, “Ako mismo ro daean paadto sa Dyos Ama. Ako man ro gapahayag kon ano ro matuod parti sa Dyos ag ako ro gatao it kabuhi nga owa it katapusan. Owa it makapaeapit sa akon nga Ama kon indi mag-agi kakon.

Juan 16:16

Naghambae pa gid si Jesus, “Sa indi magbuhay hay indi eon ninyo ako makita, pero indi man kapilahan hay makita ninyo ako it uman.”

Juan 16:22

Makaruyon man kamo. Nagakasubo kamo makaron, pero mapakita pa ako kinyo it uman ag magakalipay gid ro inyong buot, ag owa it makabuoe karon kinyo bisan ano ro magkaeanabo.

Juan 6:40

Raya ro pagbuot ku akon nga Ama, nga ro tanan nga nagakilaea ag nagatuo kakon nga anang Unga hay may kabuhi nga owa it katapusan. Ag banhawon ko sanda sa katapusan nga adlaw.”

Juan 7:33

Ngani naghambae si Jesus sa mga tawo, “Gaiba pa anay ako kinyo it madali eang nga oras, pagkatapos hay mabalik eon ako sa nagpadaea iya kakon.

Juan 8:21

Tapos, naghambae pa gid si Jesus kanda, “Sa indi magbuhay hay mapanaw eon ako ag inyo ako nga usuyon, pero indi ninyo ako makita, ag mamatay kamo nga owa mapatawad ro inyong mga saea. Indi kamo makaadto sa akong adtunan.”

Mga Binuhatan 10:41

Owa imaw hakita it tanan nga tawo kundi kami eang nga kato pa't-a hay ginpili eon it Dyos nga mangin saksi ku mga butang ngara. Nagsaeo pa ngani kami kana sa pagkaon pagkabanhaw nana.

Mga TagaRoma 5:10

Kato anay, mga kuntra kita it Dyos dahil sa atong kasae-anan. Pero paagi sa kamatayon ni Jesus nga anang Unga hay nagmayad eon ro atong relasyon kana. Mawron nga mas kapin nga sigurado nga maeuwas kita dahil nabanhaw si Jesus ag buhi imaw hasta sa owa it katapusan.

1 Corinto 15:20

Pero ro kamatuuran hay ginbanhaw 't-a si Kristo. Imaw ro pinakauna nga ginbanhaw nga indi eon mamatay bisan hasta hin-uno, ag ruyon ro garantiya nga tanan nga mga namatay nga nagatuo kana hay pagabanhawon man sa ulihi.

1 Corinto 15:45

Nagakasinanto ra sa nasueat sa Sagrado nga Kasueatan nga, “Ro eawas ku hauna nga tawo nga si Adan hay gintaw-an it kabuhi” pero may matawag man nga ro katapusan nga Adan ag imaw ron hay si Kristo. Ro anang eawas hay espirituhanon eon pagkabanhaw kana ag nagatao imaw it kabuhi nga owa it katapusan.

Mga Hebreo 7:25

Ngani sarang nana nga euwason it tueos ag hasta sa owa it katapusan ro bisan sin-o nga magpaeapit sa Dyos paagi kana. Buhi imaw hasta sa owa it katapusan ag nagahinyo permi sa Dyos para kanda sa andang kinahangeanon.

Pahayag 20:4

Ag nakakita ako it mga trono. Ro mga nagapungko idto hay ginpangtaw-an it otoridad nga maghukom. Hakita ko man ro mga kaeag ku mga ginpamugutan it ueo dahil sa andang pagpamatuod parti kay Jesus ag sa andang pagsugid ku mensahi it Dyos. Owa man sanda rato magsimba sa makahaeadlok nga sapat o bisan sa anang rebulto ngato. Owa man sanda magpabutang it tanda ku sapat sa andang dahi o alima. Nabanhaw sanda ag naghari kaibahan ni Kristo sa sueod it 1,000 nga dag-on ngato.