Juan 14:17 - Inkeanon

¹⁷ Imaw hay ro Espirito Santo nga manogpahayag it kamatuuran halin sa Dyos. Ro mga owa nagatuo kakon hay indi makabaton ku Espirito Santo ay owa ma't-a nanda imaw hakita ag hakilaea. Pero kamo't-a hay nakakilaea kana ay gin-inibhan eon nana kamo ag sa indi magbuhay hay magapabilin imaw sa inyong tagipusuon.

Juan 14:17 Iomraidhean Croise

Mateo 10:20

Ngani ro inyong ihambae hay bukon it halin sa inyong paino-ino eang kundi halin sa Espirito Santo it Dyos nga inyong Ama.

Juan 14:16

Ag pangabayon ko ro akong Ama nga padaehan kamo it magabueos kakon nga Manogbulig agod ibhan nana kamo hasta sa owa it katapusan, ag obrahon ron it akong Ama.

Juan 14:23

Nagsabat si Jesus, “Umanon ko rang ginhambae. Kon ginahigugma ako it sangka tawo hay tumanon nana ro akong hambae. Higugmaon imaw ku akon nga Ama ag kami ku Ama hay magaadto kana ag magaistar sa anang tagipusuon.

Juan 15:26

“Pag-abot ku Manogbulig nga akon nga ipadaea iya kinyo halin sa akon nga Ama, pamatud-an 't-a nana ro mensahi parti kakon. Imaw hay ro Espirito Santo nga manogpahayag it kamatuuran halin sa Dyos.

Juan 16:13

Pero kon mag-abot eon ro Espirito Santo nga manogpahayag it kamatuuran halin sa Dyos hay ipaeubot nana kinyo ro tanan nga kamatuuran ngaron. Ro anang isugid kinyo hay bukon it ana-ana eang, kundi kon ano ro anang habatian halin sa Dyos. Isugid man nana kinyo kon ano ro matabo sa ulihi.

Juan 6:40

Raya ro pagbuot ku akon nga Ama, nga ro tanan nga nagakilaea ag nagatuo kakon nga anang Unga hay may kabuhi nga owa it katapusan. Ag banhawon ko sanda sa katapusan nga adlaw.”

1 Corinto 14:15

Ngani ano ro akong mayad nga obrahon? Kon ako eang nga isaea hay mayad nga magapangamuyo ro akong espirito sa linggwahe nga ginatao kakon it Espirito Santo, ag kon sa pagtililipon it mga tumueuo agod magsimba hay magapangamuyo man ako sa linggwahe nga maeubtan it tanan. Makaruyon man kon magakanta ako it pagdayaw sa Dyos.

1 Corinto 2:14

Pero ro tawo nga owa kana ro Espirito it Dyos hay indi magbaton ku mga kamatuuran nga ginaturo ku Espirito Santo. Pinaumang ron kon kana ag indi nana maeubtan bangod owa kana ro Espirito Santo nga gabukas ku anang paino-ino agod makaeubot imaw.

1 Corinto 3:16

Owa baea kamo kasayod nga kamo nga mga tumueuo inha hay templo it Dyos ag una kinyo nagaistar ro anang Espirito?

1 Corinto 6:19

Owa baea kamo kasayod nga ro inyong eawas hay templo nga ginaistaran it Espirito Santo nga gintao kinyo it Dyos? Bukon it inyo ro inyong eawas ngaron kundi ana't-a ron it Dyos

2 Corinto 13:5

Ro inyo't-a mismong kaugalingon ro dapat ninyong usisaon agod mapamatud-an kon nagapangabuhi kamo suno sa matuod nga pagtuo. Sayod ma't-a baea kamo nga una kinyo si Jesu-Kristo no? Euwas eang kon bukon it matuod ro inyong pagtuo.

2 Corinto 6:16

Bagay baea nga ibutang ro mga ribulto it mga diyos-diyos sa templo nga ginasimbahan sa Dyos? Bukon 't-a ron. Kitang mga tumueuo hay pareho it templo nga ilistaran ku buhi nga Dyos. Pareho sa ginhambae nana nga, “Magaistar ako una kanda. Ibhan ko sanda sa andang pagpangabuhi. Mangin Dyos nanda ako ag mangin katawhan ko sanda.”

Mga TagaGalacia 4:6

Ngani tungod mga unga nana kita, ginpadaea it Dyos ro Espirito Santo nga ginpromisa ni Jesus iya sa aton nga tagipusuon. Paagi sa Espirito Santo hay makatawag eon kita sa Dyos it, “Palangga ko nga Ama.”

Mga TagaEfeso 2:22

Ag tungod may inyo nga maeueot nga kaangtanan kay Kristo, kamo man hay ginatapoe it Dyos sa ana ngarang ginapatindog nga baeay nga anang ginaistaran paagi sa Espirito Santo.

Mga TagaEfeso 3:17

agod padayon nga magaistar si Kristo sa inyong tagipusuon tungod sa inyong pagtuo. Ag ginapangamuyo ko man nga ro inyong paghigugma hay mangin kapareho it lig-on it kahoy nga nakapanggamot it husto, ag pareho man sa baeay nga malig-on ro pundasyon.

Mga TagaColosas 1:27

Ro gusto it Dyos nga ipahisayod katon hay kamo nga mga bukon it Judio hay hatapoe man sa anang makangawa-ngawa ag kanamion nga plano. Ag ro anang plano ngaron hay nga si Kristo hay una man sa inyong tagipusuon, ngani sigurado kamo nga makapaeangit.

2 Timoteo 1:14

Paagi sa bulig it Espirito Santo nga nagaistar iya katon, haeungi gid nga indi maeaktan it saea ro mahaega nga doktrina nga gintugyan kimo.

1 Juan 2:27

Pero kamo hay gintaw-an eon ni Jesus it Espirito Santo, ag imaw hay nagakabuhi kaibahan ninyo. Ro Espirito Santo ro nagaturo kinyo ku tanan nga kinahangean ninyo nga masayran, ngani owa eon it kinahangean nga may iba pa nga magturo kinyo it dugang nga mga pagturo nga eain sa anang ginaturo. Matuod gid ro tanan nanang ginaturo, ag suno sa anang ginaturo ngaron, padayuna ninyo ro inyong maeueot nga kaangtanan kay Kristo.

1 Juan 3:24

Ro tanan nga nagatuman sa kasuguan it Dyos hay may padayon nga maeueot nga kaangtanan kana, ag ro Dyos hay padayon nga maeueot kana. Makasiguro kita kara tungod gintao nana katon ro Espirito Santo.

1 Juan 4:4

Mga unga nakon sa pagtuo, kamo hay mga katawhan it Dyos ngani haperdi eon ninyo ro mga nagapakuno-kuno nga mga propeta, ay owa ninyo sanda pagpatihi. Owa ninyo sanda pagpatihi ay ro Espirito Santo nga una kinyo hay mas gamhanan kaysa kay Satanas nga nagagahom sa mga tawo iya sa kalibutan nga owa nagakilaea sa Dyos.

1 Juan 4:6

Kita ma't-a hay mga katawhan it Dyos, ag owa sanda naila magpamati katon dahil bukon sanda it mga unga it Dyos. Ro mga maeapit sa Dyos hay naila magpamati katon. Ruyon ro basehan agod masayran naton kon ro ginaturo it sangka tawo hay halin matuod sa Espirito Santo, ukon halin kay Satanas, nga nagapataeang sa mga tawo.

1 Juan 5:7

Ngani, may tatlo nga nagapamatuod parti kay Jesus,

Pahayag 2:17

“ ‘Gintaw-an kamo it dueunggan ngani pamatii ninyo it mayad ro ginahambae it Espirito it Dyos sa mga grupo it mga tumueuo. Ro nagapadayon nga madinaeag-on sa andang pagsunod kakon hay taw-an nakon it gintago nga pagkaon nga manna kon tawgon. Taw-an ko man ro kada isaea kanda it puti nga bato nga kon siin nasueat ro anang bag-o nga ngaean. Owa it iba nga makasayod ku ngaean ngaron kundi ro makabaton eang ku ruyon nga bato.’ ”