Juan 14:15 - Inkeanon

¹⁵ Naghambae pa gid si Jesus, “Kon ginahigugma ninyo ako, pagatumanon gid ninyo ro akong mga sugo.

Juan 14:15 Iomraidhean Croise

Mateo 10:37

Ro nagahigugma sa anang ginikanan it sobra pa sa anang paghigugma kakon hay indi bagay nga mangin sumueunod nakon. Ro nagahigugma sa anang unga it sobra pa sa anang paghigugma kakon hay bukon it bagay nga mangin sumueunod nakon.

Juan 8:42

Nagsabat dayon si Jesus, “Kon matuod kamo nga mga unga it Dyos hay higugmaon kunta ninyo ako ay kana ako naghalin. Owa ako nag-adto iya nga akon-akon eang, kundi imaw ro nagpadaea iya kakon.

1 Corinto 16:22

Kabay pa nga pinahan it Ginuong Dyos hasta sa owa't katapusan ro owa nagahigugma sa Ginuo. Balik eon, Ginuo.

Mga TagaGalacia 5:6

Dahil sa aton nga maeueot nga kaangtanan kay Kristo Jesus, bukon it importanti kon hatuli man kita o owa. Ro importanti hay ro pagtuo naton kay Kristo nga ginapakita naton paagi sa paghigugma sa atong isigkatawo.

Mga TagaEfeso 6:24

Kabay pa nga ro tanan nga nagahigugma sa atong Ginuong Jesu-Kristo it paghigugma nga owa nagakupas bisan hasta hin-uno hay masamitan pa gid ro sobrang kabuot it Dyos.

1 Pedro 1:8

Owa pa ninyo hakita si Jesu-Kristo pero inyo imaw nga ginahigugma, ag bisan indi pa ninyo imaw hikita makaron hay nagatuo gihapon kamo kana. Ag owa it bisaea nga makalarawan ku inyong kalipay nga owa it katupong.

2 Juan 1:6

Ro nagapakita nga ginahigugma matuod naton ro Dyos hay ro aton nga pagtuman sa anang mga sugo. Daya ro pinakapunto ku anang mga sugo: nga maghigugmaanan kita. Umpisa pa ku inyong pagtuo hay habatian eon ninyo nga dapat ninyo ra nga tumanon.