Juan 14:13 - Inkeanon

¹³ Ag bisan ano ro inyong pangayuon bilang mga sumueunod nakon hay himuon ko, agod dayawon ro Ama paagi kakon nga anang Unga.

Juan 14:13 Iomraidhean Croise

Mateo 21:22

Bisan ano ro inyong pangayuon sa Dyos kon magpangamuyo kamo hay mabaton ron ninyo basta nagasalig gid kamo kana.”

Mateo 7:7

Naghambae pa gid si Jesus, “Magpangayo kamo permi sa Dyos ku inyong kinahangeanon ag itao nana ron kinyo. Usuya ninyo permi kon ano ro inyong kinawaea ag buligan kamo nana nga makita ron. Panuktok kamo permi sa anang pwertahan ag buksan nana ron para kinyo.

Marcos 11:24

Ngani, ginahambae ko kinyo nga kon magpangamuyo kamo ag magpangayo it bisan ano, patihi gid it hugot nga mabaton ninyo ron nga matsa habaton eo't-a ninyo, ag mabaton gid matuod ninyo ron.

Lucas 11:9

“Ngani ginahambae ko kinyo nga magpangayo kamo permi sa Dyos ku inyong kinahangeanon ag itao nana ron kinyo. Usuya ninyo permi kon ano ro inyong kinawaea ag buligan kamo nana nga makita ron. Panuktok kamo permi sa anang pwertahan ag buksan nana ron para kinyo.

Juan 10:30

Ako ag ro Dyos Ama hay sambilog eang.”

Juan 12:44

Naghambae dayon si Jesus it mabaskog sa mga tawo, “Ro nagatuo kakon hay owa eang kakon nagatuo, kundi pati man sa nagpadaea iya kakon.

Juan 13:31

Pagkaguwa ni Judas, naghambae dayon si Jesus, “Makaron eon ro oras nga hipadunggan Ako nga Unga it Tawo ag tungod sa matabo kakon hay hipadunggan man ro akon nga Ama.

Juan 14:14

Umanon ko rang hambae nga bisan ano ro inyong pangayuon kakon bilang mga sumueunod nakon hay himuon ko gid.”

Juan 14:6

Nagsabat si Jesus, “Ako mismo ro daean paadto sa Dyos Ama. Ako man ro gapahayag kon ano ro matuod parti sa Dyos ag ako ro gatao it kabuhi nga owa it katapusan. Owa it makapaeapit sa akon nga Ama kon indi mag-agi kakon.

Juan 15:16

Bukon it kamo ro nagpili kakon kundi ako't-a ro nagpili ag nagbutang kinyo sa oeobrahon it pagpanaw ag pagturo parti kakon, agod magtuo man ro ibang tawo kakon. Ro bunga ku inyong pagkabudlay ngaron hay magapadayon bisan hasta hin-uno. Ag dahil karon hay taw-an kamo ku Ama it bisan ano nga inyong pangayuon sa akon nga ngaean.

Juan 15:7

Pero kon nagapadayon kamo sa inyong maeueot nga kaangtanan kakon ag padayon nga nakatanom sa inyong paino-ino ro akong hambae, pangayo kamo sa Ama it bisan ano nga inyong gusto, ag itao ron nana kinyo.

Juan 16:23

Sa ulihi hay bukon eon it ako ro inyong ginapangayuan. Matuod gid rang ginahambae kinyo nga bisan ano ro inyong pangayuon sa akong Ama sa akong ngaean hay itao ron nana kinyo.

Juan 16:26

Kon mag-abot eon ro oras ngaron, makapangayo kamo kana sa akong ngaean. Owa ako gahambae nga kakon pa't-a kamo mag-agi sa inyong ginapangayo kana,

Juan 16:7

Pero matuod ro akong hambae ngara nga para gid sa inyong kamaeayran ro akong pagpanaw, ay kon indi ako magpanaw hay indi man riya makaadto kinyo ro Manogbulig. Pero kon makapanaw eon ako, ipadaea ko imaw iya kinyo.

Juan 4:10

Nagsabat si Jesus, “Kon hasayran mo eang kunta kon mauno ro regalo nga gustong itao kimo it Dyos, ag kon sayod ka kunta kon sin-o ako nga nagapangayo kimo it tubi hay ikaw 't-a ro mangayo kakon ag ro akong itao kimo hay tubi nga nagatao it kabuhi nga owa't katapusan.”

Juan 4:14

Pero ro nagainom it tubi nga akon nga ginatao hay indi eon gid pag-uhawon it uman bisan hasta hin-uno tungod ruyon hay mangin pareho it tuburan nga nagabusawak gid sa ana nga kabuhi ag magatao kana it kabuhi nga owa it katapusan.”

Juan 5:19

Ngani naghambae si Jesus sa mga manogdumaea ngato, “Matuod gid rang ginahambae kinyo nga Ako nga Unga it Dyos hay indi puydi nga mag-obra it akon-akon eang kundi ro akon eang nga ginaobra hay kon ano ro akong hasayran nga gusto ku akong Ama nga obrahon. Ngani ro mga ginaobra it Dyos Ama hay anang ginaobra paagi kakon nga anang Unga.

Juan 7:37

Sa katapusan nga adlaw it Pagtililipon sa *Pagpatindog it mga Payag, nga imaw man ro pinakaimportanti nga adlaw sa bilog nga pagtililipon, nagtindog si Jesus ag naghambae it mabaskog, “Kon ginauhaw kamo, magdangop kamo kakon ag mag-inom.

1 Corinto 14:13

Mawron nga ro nagahambae sa linggwahe nga gintao it Espirito Santo hay dapat nga magpangamuyo man nga taw-an imaw it abilidad nga ikapaathag kon ano ro buot hambaeon ku anang ginhambae.

Mga TagaEfeso 2:18

Ngani paagi sa ginhimo ni Kristo hay paeareho eon kita nga mga Judio ag bukon it Judio nga ginabaton it Dyos nga atong Ama kon magpaeapit kita kana sa bulig it Espirito Santo nga iya katon tanan.

Mga TagaEfeso 3:12

Ngani tungod sa atong maeueot nga kaangtanan kay Kristo Jesus ag dahil sa atong pagtuo kana, makapaeapit kita sa Dyos nga may kaisog it buot ag owa it pagkatahap.

Mga TagaEfeso 3:14

Ngani kon hidumduman ko ro tanan nga ginhimo ku atong Ama hay nagaeuhod ako sa pagpangamuyo kana.

Mga TagaFilipos 4:13

Masarangan nakon nga atubadngon ro tanan nga matabo tungod sa akong maeueot nga kaangtanan kay Kristo nga nagapabaskog kakon.

Mga TagaColosas 3:17

Ag bisan ano ro inyong ginaobra ag ginahambae hay dapat nga nagapakita nga mga sumueunod kamo ni Ginuong Jesus ag pasaeamati permi ro Dyos nga Ama dahil sa ginhimo kinyo ni Jesus.

Mga Hebreo 13:15

Ngani dahil sa ginhimo ngato ni Jesus hay maghaead kita permi it pagdayaw sa Dyos. Raya ro haead nga bagay nga itao ku mga nagapamatuod sa katawhan nga si Jesus ro aton nga Maneueuwas.

Mga Hebreo 4:15

Ro aton ngara nga Pinakapinuno nga Saserdote hay nakaeubot kon maeuya kita sa pagsukoe sa tentasyon ag naeuoy imaw katon. Sayod nana ron ay tag nagpakatawo imaw iya sa kalibutan hay naagyan man nana tanan ro mga tentasyon kaparehas naton, pero owa gid imaw nagkasaea.

Mga Hebreo 7:25

Ngani sarang nana nga euwason it tueos ag hasta sa owa it katapusan ro bisan sin-o nga magpaeapit sa Dyos paagi kana. Buhi imaw hasta sa owa it katapusan ag nagahinyo permi sa Dyos para kanda sa andang kinahangeanon.

Santiago 1:5

Pero mahimo eang ninyo ron paagi sa bulig it kaaeam nga halin sa Dyos. Ngani kon may una kinyo nga kueang it kaaeam ngaron hay pangayo kamo sa Dyos ag taw-an nana kamo. Ro Dyos abi hay nagatao nga owa it hawid-hawid sa tanan nga nagapangayo kana ag owa it kaibahan nga pangisog.

Santiago 5:16

Ngani akua ro inyong mga saea nga inyong nahimo sa kada isaea ag magpaeangamuyuan kamo agod magmayad kamo. Pwerti gid ro pangamuyo it tawo nga matarong ag mabahoe gid ro mahimo kara.

1 Pedro 2:5

kamo nga pareho it mga buhi nga bato hay ginagamit it Dyos sa pagpatindog it Templo nga anang ilistaran. Pareho man kamo it mga balaan nga *saserdote nga ro obra hay maghaead sa Dyos it mga haead nga espirituhanon. Ruyong klasi it mga haead hay ginabaton it Dyos dahil sa ginhimo ni Jesu-Kristo.

1 Juan 3:22

Ag bisan ano ro aton nga ginapangayo kana hay aton nga mabaton, tungod ginatuman naton ro anang kasuguan ag ginahimo naton ro makapalipay kana.

1 Juan 5:14

ag maisog man ro atong buot nga magpangayo kana, ay sayod naton nga nagapamati imaw, ag ginatao nana ro atong ginapangayo kon ruyon hay suno sa anang pagbuot.