Juan 14:12 - Inkeanon

¹² “Matuod gid rang ginahambae kinyo nga ro nagatuo kakon hay magahimo it mga makangawa-ngawa pareho sa akong mga ginapanghimo, ag mas pa karon ro anang pagahimuon tungod gabalik eon ako sa akong Ama.

Juan 14:12 Iomraidhean Croise

Mateo 21:21

Nagsabat si Jesus, “Matuod rang ginahambae kinyo nga kon nagasalig kamo sa Dyos ag owa kamo nagaduda, mahimo man ninyo ro akon nga gin-obra sa kahoy ngara. Ag bukon eang it duyon kundi masugo man ninyo rayang bukid nga maghalin ag magsaylo sa dagat ag mahimo gid ron.

Marcos 11:13

Nakakita imaw sa unahan it kahoy nga higera nga magabong gid ro dahon. Ginpaeapitan nana ra ag gintan-aw kon may bunga nga sarang makaon. Pero owa gid ay bukon pa man it tigbueunga ku rato nga kahoy.

Marcos 16:17

Ro mga nagatuo kakon hay taw-an it gahom nga makahimo it rayang mga milagro bilang pamatuod nga ginagamhan ko sanda: makasuboe sanda it mga demonyo sa akon nga ngaean, ag makahambae sanda it mga bag-o nga linggwahe nga owa pa nanda hatun-i.

Juan 14:28

“Ginhambae ko eon kinyo nga mapanaw ako pero mabalik man ako kinyo. Kon ginahigugma gid ninyo ako hay malipay kunta kamo ay gabalik ako sa akong Ama tungod eabaw pa imaw kakon.

Juan 16:7

Pero matuod ro akong hambae ngara nga para gid sa inyong kamaeayran ro akong pagpanaw, ay kon indi ako magpanaw hay indi man riya makaadto kinyo ro Manogbulig. Pero kon makapanaw eon ako, ipadaea ko imaw iya kinyo.

Juan 4:37

Kon mawron, matuod gid ro hambaeunon nga ‘eain ro gatanom ag eain man ro gaani.’

Juan 5:20

Tungod palangga it Dyos Ama ako nga anang Unga, mawron nga ginapakita nana kakon ro tanan nga anang ginapaobra kakon ag mas pa sa akong nahimo eon ro anang ipakita kakon nga akong obrahon agod mangawa kamo.

Juan 7:33

Ngani naghambae si Jesus sa mga tawo, “Gaiba pa anay ako kinyo it madali eang nga oras, pagkatapos hay mabalik eon ako sa nagpadaea iya kakon.

Juan 7:39

Raya nga ginhambae ni Jesus hay napatungod sa Espirito Santo nga madali lang mabaton ku mga nagtuo kana. Owa pa nanda mabaton ro Espirito tungod owa pa si Jesus hapadunggi.

Mga Binuhatan 10:46

Hasayran ron nanday Pedro ay habatian nanda nga nagahambae ag nagadayaw sa Dyos ro mga bukon it Judio ngato sa mga linggwahe nga gintao kanda it Espirito Santo. Naghambae dayon si Pedro,

Mga Binuhatan 16:18

Pila't-a nga adlaw nga makaraya ro ginaobra ku dalagita ngato hasta nanaw-ay eo't-a si Pablo. Inatubang nana tag dalagita ag hinambae ro maeain nga espirito, “Sa otoridad ku ngaean ni Jesu-Kristo, magguwa ka sa bayi ngaron!” Ag nagguwa eagi ro maeain nga espirito sa ratong dalagita.

Mga Binuhatan 19:12

Bisan ro mga panyo o apron nga anang gin-gamit nga ginadaea sa mga masakiton hay nagapamayad kanda ag makapaguwa ku maeain nga espirito.

Mga Binuhatan 2:33

Ginpapungko imaw sa pinakadungganon nga pwesto sa tuo it Dyos Ama, ag gintaw-an dayon imaw ku Dyos it otoridad nga itao nga owa it hawid-hawid ro Espirito Santo sa anang mga sumueunod suno sa anang ginpromisa kanda. Ro inyong hakita ag habatian makaron hay katumanan gid karon.

Mga Binuhatan 2:41

Abo ro nagpati sa mensahi ni Pedro ag ginbawtismuhan dayon sanda. Ngani mga tatlong libong ka tawo ro nagdugang sa mga tumueuo ku ratong adlaw.

Mga Binuhatan 4:16

Nagpaeangutan-an sanda, “Alinon ta ro mga tawo ngara ay hasayran eon gid it tanan nga tagaJerusalem ro milagrosong pamatuod nga andang gin-obra ag indi eon ron naton manigaran?

Mga Binuhatan 4:33

Paagi sa bulig it Dyos sa mga apostoles hay hapamatud-an gid nanda sa iba ro pagkabanhaw ni Ginuong Jesus. Ag ginpinakamaayo gid sanda tanan it Dyos.

Mga Binuhatan 4:4

Pero bisan makarato ro natabo hay abo sa mga nakabati ku mensahi ni Pedro ro nagpati. Kon taeapueon it huyap rayang mga nagpati ag ratong mga hauna, ro mga eaki eang hay nakaabot eon it mga 5,000.

Mga Binuhatan 5:15

Dahil sa mga milagro nga ginahimo it mga apostoles, abo nga mga masakiton nga nagaeueubog sa mga papag-papag ag banig ro ginadaea sa binit it karsada agod nga bisan mahandungan eon lang sanda ku anino ni Pedro pag-agi nana hay magamayad dayon sanda.

Mga Binuhatan 6:7

Dahil mas abo eon ro oras ku mga apostoles nga magwali ngani mas nageapnaag pa gid ro mensahi it Dyos. Nag-inabo pa gid ro mga sumueunod sa Jerusalem ag kaabo-abo man nga mga saserdote ro nagpati ag nagtinuman sa mensahi parti kay Jesus.

Mga Binuhatan 8:7

Nagapamati gid sanda ay abo nga mga maeain nga espirito ro anang ginpangsuboe sa mga tawo nga nagasiyagit kon magguwa. Abo man nga mga paralitiko ag mga eupog ro anang ginpamayad.

Mga Binuhatan 9:34

Ginhambae imaw ni Pedro, “Eneas, ginapamayad ka eon ni Jesu-Kristo. Bangon ag himuson ro imong eugban.” Bumangon eagi si Eneas.

Mga Binuhatan 9:40

Ginpaguwa sanda tanan ni Pedro ag nageuhod dayon imaw ag nagpangamuyo. Pagkatapos, nag-atubang imaw sa patay ag ginhambae, “Tabita, bangon!” Nagmukeat si Tabita ag pagkakita nana kay Pedro hay nagbangon imaw ag nagpungko.

Mga TagaRoma 15:19

Ginbuligan na man ako sa paghimo it mga makangawa-ngawa ag milagrosong pamatuod paagi sa gahom it Espirito Santo. Ginwali ko it husto ro Mayad nga Balita parti kay Kristo sa tanan nga lugar, halin sa Jerusalem hasta sa pinakamaeayo nga nasyon it Iliricum.