Juan 13:34 - Inkeanon

³⁴ “Makaron hay may bag-o nga sugo nga akong ginabilin kinyo: maghigugmaanan kamo. Kon mauno ro akong paghigugma kinyo hay dapat makaruyon man ro inyong paghigugma sa kada isaea.

Juan 13:34 Iomraidhean Croise

Mateo 5:44

Pero ro akon 't-a nga ginahambae kinyo hay higugmaa ro inyong kaaway ag pangamuyui ro mga nagahingabot kinyo.

Juan 15:17

Ginahambae ko it uman ro akong sugo kinyo, maghigugmaanan kamo.”

Juan 17:21

Ginapangamuyo ko nga maghiliugyon sanda pareho katon, Ama, nga sambilog eang kita. Kabay pa nga sanda hay mangin sangka kabubut-on naton, agod ro mga tawo iya sa kalibutan hay magpati nga ginpadaea mo ako.

Mga TagaRoma 12:10

Maghigugmaanan kamo bilang magmaeanghod sa pagtuo ag pahaegahi permi ro kada isaea kinyo nga may kalipay.

Mga TagaRoma 13:10

Tungod kon ginahigugma naton ro atong isigkatawo hay indi naton sanda paghimuan it maeain. Mawron nga ro paghigugma kanda hay katumanan ku tanan nga kasuguan.

Mga TagaRoma 13:8

Aton nga obligasyon nga bayran ro atong utang bago maglipas ro petsa kon siin dapat naton ron nga bayran. Pero ro atong obligasyon nga higugmaon ro atong isigkatawo hay owa it katapusan. Kon ginahigugma naton ro atong isigkatawo hay aton nga ginatuman tanan ro kasuguan it Dyos.

Mga TagaGalacia 5:22

Pero kon ginagiyahan kita ku Espirito Santo, makaraya ro bunga karon sa atong kabuhi: kita hay mahigugmaon, malipayon, may katawhayan, mapinasensyahon, mabuot, mayad magtratar sa isigkatawo, masaligan,

Mga TagaGalacia 5:6

Dahil sa aton nga maeueot nga kaangtanan kay Kristo Jesus, bukon it importanti kon hatuli man kita o owa. Ro importanti hay ro pagtuo naton kay Kristo nga ginapakita naton paagi sa paghigugma sa atong isigkatawo.

Mga TagaGalacia 6:10

Ngani indi gid naton pagpataliwanon ro kahigayunan nga makahimo it mayad sa tanan nga tawo, eabi gid sa mga kapareho naton nga mga tumueuo.

Mga TagaGalacia 6:2

Magbueuligan kamo sa inyong mga kalisod tungod isaea ron sa mga paagi nga matuman ninyo ro sugo ni Kristo nga dapat nga maghigugmaanan kita.

Mga TagaEfeso 5:2

Dapat nga higugmaon gid ninyo permi ro inyong isigkatawo pareho ku paghigugma ni Kristo katon. Ana pa ngani nga ginhaead ro anang kabuhi por dahil katon, bilang mahumot nga sakripisyo nga nakapalipay sa Dyos.

Mga TagaColosas 1:4

tungod habalitaan namon nga nagatuo eon kamo kay Kristo Jesus ag ginahigugma ninyo ro tanan nga mga katawhan it Dyos.

1 Tesalonica 3:12

Kabay pa nga pabahueon gid it Ginuo ro inyong paghigugma sa kada isaea, ag sa tanan nga mga tawo pareho ku among paghigugma kinyo.

2 Tesalonica 1:3

Mga igmanghod, dapat gid-a nga magpasaeamat kami permi sa Dyos tungod kinyo. Ag tama ma't-a ron ay padayon nga nagalig-on pa gid ro inyong pagtuo kay Jesus, ag nagadinugang gihapon ro inyong paghigugma sa kada isaea.

Mga Hebreo 13:1

Padayuna ninyo ro inyong paghigugma sa inyong kaigmanghuran sa pagtuo.

Santiago 2:8

Mayad ro inyong ginahimo kon ginatuman gid ninyo ro sugo it Dyos nga Hari it tanan nga makita sa Sagrado nga Kasueatan nga makaraya: “Higugmaa ro inyong isigkatawo pareho ku inyong paghigugma sa inyong kaugalingon.”

1 Pedro 1:22

Paagi sa inyong pagtinuman sa kamatuuran hay inyong ginalimpyuhan ro inyong maeain nga batasan, ngani may sinsiro kamo nga paghigugma sa inyong kaigmanghuran sa pagtuo. Maghigugmaanan kamo it hantop sa tagipusuon

2 Pedro 1:7

Ro pagkamatinumanon sa Dyos hay dugangan ninyo it pagpalangga sa mga kaigmanghuran sa pagtuo, ag ro paglangga ngaron sa mga kaigmanghuran hay dugangan pa gid ninyo it paghigugma sa tanan nga tawo.

1 Juan 3:11

Mga unga kita it Dyos ngani dapat kita hay maghigugmaanan, dahil raya ro mensahi nga inyong habatian halin pa ku pag-umpisa ninyo it pagtuo.

1 Juan 3:23

Daya ro pinakapunto ku mga sugo it Dyos katon: dapat nga magtuo gid kita sa anang unga nga si Jesu-Kristo, ro dungganon nga Maneueuwas, ag dapat kita nga maghigugmaanan pareho ku sugo katon ni Jesu-Kristo.

1 Juan 4:21

Raya ro sugo nga gintao ni Kristo katon nga ro nagahigugma sa Dyos hay dapat nga maghigugma man sa anang igmanghod sa pagtuo.

2 Juan 1:5

Pero makaron, haeangdon nga bayi, ginapadumdum ko ikaw nga dapat nga maghigugmaanan kita. Bukon it bag-o nga sugo ro akon ngara nga ginasueat kimo, tungod hasayran eon naton ra umpisa pa ku pagtuo naton kay Jesus.