Juan 13:22 - Inkeanon

²² Nagtueueukan ro anang mga sumueunod ag naglitik ro andang ueo kon sin-o kanda ro ginapatungdan ni Jesus sa ana ngatong ginhambae.

Juan 13:22 Iomraidhean Croise

Mateo 26:21

Samtang nagakaon sanda, naghambae si Jesus, “Matuod rang ginahambae kinyo nga sambilog kinyo ro magatraidor kakon.”

Mateo 26:22

Nageain gid ro buot ku anang mga sumueunod ag nagpangutana ro kada isaea kanda kay Jesus, “Bukon it ako, Ginuo, no?”

Marcos 14:18

Tag nagakaon eon sanda hay naghambae si Jesus, “Matuod rang ginahambae kinyo nga sambilog kinyo ro magatraidor kakon, ag kaibahan ko imaw nga nagakaon iya makaron.”

Marcos 14:19

Nasubo gid ro mga sumueunod ni Jesus sa anang ginhambae. Kada isaea kanda hay naghambae kay Jesus, “Bukon 't-a it ako, no?”

Lucas 22:21

“Pero, pamati kamo kakon. Ro tawo nga magatraidor kakon hay kaibahan nakon iya sa lamisa.

Lucas 22:23

Pagkabati nanda kara hay nagpaeangutan-an ro mga sumueunod kon sin-o kanda ro gahimo kara.

Juan 13:18

“Pero bukon it kamo tanan ro akong ginahambaean kara. Kilaea ko ro pagkatawo ku akong mga ginpili ag ro sambilog kinyo hay indi pagpakamaayuhon. Pero ginpili ko gihapon imaw agod matuman ro ginhambae sa Sagrado nga Kasueatan nga: ‘Ro nagasaeo sa akon nga pagkaon hay nagtraidor kakon.’

Juan 13:21

Pagkahambae karon ni Jesus hay mat kinuso ro anang tagipusuon ag naghambae dayon imaw, “Matuod gid rang ginahambae kinyo nga may sambilog kinyo nga magatraidor kakon.”