Juan 13:20 - Inkeanon

²⁰ Matuod gid rang ginahambae kinyo nga ro nagabaton sa bisan sin-o nga akong ipadaea hay sa minatuod, ako't-a ro andang ginabaton. Ag ro nagabaton kakon hay sa minatuod, ro nagpadaea't-a iya kakon ro andang ginabaton.”

Juan 13:20 Iomraidhean Croise

Mateo 25:40

“Ag masabat dayon ako nga Hari, ‘Matuod rang ginahambae kinyo nga kon ginhimo ron ninyo sa bisan sambilog eang sa mga pinakakubos nga igmanghod nakon hay pareho man nga ginhimo ron ninyo kakon.’

Marcos 9:37

“Ro bisan sin-o nga nagadipara sa nagatuo kakon nga mapainubuson pareho ku unga ngara hay ako gid-a ro anang ginadipara. Ag ro bisan sin-o nga nagahimo karon kakon hay ana man nga ginahimo ron sa Dyos nga nagpadaea kakon.”

Lucas 10:16

Naghambae pa gid si Jesus sa anang mga sumueunod, “Ro nagapamati kinyo hay sa minatuod, ako't-a ro andang ginapamatian. Ro owa nagabaton kinyo hay sa minatuod, ako't-a ro andang owa ginabatuna, ag ro owa nagabaton kakon hay sa minatuod, ro Dyos 't-a nga nagpaadto iya kakon ro owa nanda ginabatuna.”

Lucas 9:48

Naghambae dayon imaw, “Ro bisan sin-o nga nagadipara sa nagatuo kakon nga mapainubuson pareho ku unga ngara hay ako gid-a ro anang ginadipara. Ag ro bisan sin-o nga nagahimo karon kakon hay ana man nga ginahimo ron sa Dyos nga nagpadaea kakon. Ngani kon sin-o ro pinakamapainubuson kinyo tanan hay imaw 't-a ro importanti.”

Mga TagaGalacia 4:14

Ag bisan nga ro akong pagmasakit hay nagpakalisod kinyo, owa ninyo ako pagsika-sikaa o pagkangil-ari. Imbis nga ruyon ro inyong obrahon kakon, inyo ako nga ginbaton nga matsa sangka anghel it Dyos o mas pa karon, nga matsa si Kristo Jesus mismo ako.

Mga TagaColosas 2:6

Bangod inyo eon nga ginbaton si Kristo Jesus nga inyong Ginuo, dapat magkabuhi kamo kon mauno magkabuhi ro mga may maeueot nga kaangtanan kana.

1 Tesalonica 4:8

Ngani ro bisan sin-o nga indi magbaton sa ginaturo ngara parti sa pagpakabalaan hay bukon it pagturo it tawo eang ro anang owa ginabatuna, kundi ro Dyos mismo nga nagatao kinyo ku anang Espirito nga imaw ro balaan gid.