Juan 13:2 - Inkeanon

² Tag nagakaon eon si Jesus ag ro anang mga sumueunod it ihapon hay sinuhot eon karon ni Satanas ro paino-ino ni Judas, nga unga ni Simon Iscariote, nga traiduron nana si Jesus.

Juan 13:2 Iomraidhean Croise

Mateo 10:4

si Simon (nga isaeang ka rebelde anay sa paggobyerno it Roma), ag si Judas Iscariote nga nagtraidor kay Jesus ku ulihi.

Lucas 22:3

Nagsueod dayon si Satanas kay Judas nga ginatawag nga Iscariote nga sambilog man sa doseng ka sumueunod ni Jesus.

Lucas 22:31

Naghambae dayon si Jesus, “Simon, Simon, pamati kakon. Nageaong si Satanas sa Dyos nga testingan nana kamo nga matsa ginaayag kamo pareho it harina.

Juan 13:11

Ginhambae ron ni Jesus ay sayod imaw kon sin-o ro magatraidor kana, ngani naghambae imaw nga bukon it malimpyo sanda tanan.

Juan 13:4

Nagtindog dayon si Jesus ag gin-uba ro anang pangsanib, ag nagtapis imaw it tualya.

Mga Binuhatan 5:3

Pero ginhambae imaw ni Pedro, “Ananias, ham-an it ginsugtan mo si Satanas nga gamhan ro imong paino-ino nga nagpinuril ka't-ing ku kabakeanan ku imong eugta, ay ginbuhinan mo ra bago mo gindaea iya? Pero ro matuod 't-a hay sa Espirito Santo ka't-ing nagpinuril!

2 Corinto 8:16

Nagapasaeamat ako sa Dyos dahil gintaw-an man nana si Tito it kapursigido sa pagbulig kinyo pareho man kakon.

Mga TagaEfeso 2:3

Kita tanan hay kaibahan man kato nanda ag pareho man kanda nga nagatuman eang ku atong makasasaea nga kinaiya. Ginasunod naton kon ano ro gusto ku aton nga eawas, ag kon ano ro iya sa atong paino-ino. Pareho man kita kanda, makasasaea man kita halin pa ku aton nga pagkatawo, ag pina it Dyos ro atong dangatan.

Pahayag 17:17

Matabo ra dahil ginbutang ron it Dyos sa andang paino-ino agod matuman ro anang kabubut-on paagi sa andang pagkaeasugot nga ipaidaeom sa sapat ro andang ginharian hasta matuman ro tanan nga ginhambae it Dyos.