Juan 13:10 - Inkeanon

¹⁰ Naghambae si Jesus, “Ro nakapaligos eon hay owa eon it kinahangean nga maligos it uman tungod malimpyo eon ro anang bilog nga eawas. Ro ana eang nga siki ro dapat hugasan. Ag kamo hay malimpyo eon mageuwas sa sambilog kinyo.”

Juan 13:10 Iomraidhean Croise

Mateo 6:12

Patawara kami sa among mga saea dahil gintuman namon ro sugo nga dapat kami magpatawad sa tanan nga nagakasaea kamon.

Juan 13:18

“Pero bukon it kamo tanan ro akong ginahambaean kara. Kilaea ko ro pagkatawo ku akong mga ginpili ag ro sambilog kinyo hay indi pagpakamaayuhon. Pero ginpili ko gihapon imaw agod matuman ro ginhambae sa Sagrado nga Kasueatan nga: ‘Ro nagasaeo sa akon nga pagkaon hay nagtraidor kakon.’

Juan 13:9

Nagsabat si Simon Pedro, “Kon mawron, Ginuo, hay bukon eang it ro akong siki ro hugasi kundi pati ro akong alima, ag paligsi pati ro akong ueo.”

Juan 15:3

Kamo hay pareho it mga sanga nga ginpungoe ag malimpyo eon kamo, ay ginpatawad eon kamo dahil nagpati kamo sa mensahi nga akong ginhambae kinyo.

2 Corinto 5:17

Makaruyon ro nagakatabo sa bisan sin-o nga may maeueot nga kaangtanan kay Kristo. May ana eon nga bag-o nga pagkatawo. Ro anang dati nga paino-ino, batasan ag pagpangabuhi hay ginbag-o eon.

2 Corinto 5:21

Bisan owa gid it saea si Kristo, ginbilang imaw it Dyos nga imaw 't-a ro nag-obra it atong mga saea. Ag ginpinahan imaw it kamatayon dahil karon agod bilangon kita it Dyos nga matarong sa anang panueok.

2 Corinto 7:1

Mga pinalangga ko, tungod raya ngara tanan hay ginpromisa katon it Dyos, aton eon nga talikdan ro tanan nga maeain nga buhat ag maeain nga paino-ino nga nagapahigko katon sa mata it Dyos. Ag magtinguha kita nga magpangabuhi nga ro ginahimunta hay mangin balaan gid kita dahil ginataha naton imaw.

1 Tesalonica 5:23

Kabay pa nga ro Dyos nga ginahalinan it katawhayan hay imaw man ro gabulig kinyo nga magpangabuhi it matarong gid bilang anang mga katawhan nga anang ginpaeain. Ag kabay pa nga bantayan nana ro bilog ninyo nga pagkatawo agod sa pagbalik it atong Ginuo nga si Jesu-Kristo hay owa gid kinyo it ikasaway.

Mga Hebreo 9:10

Ro mga sueundanan ngato hay parti eang sa kaeawasan, pareho it kon ano ro puydi nga kan-on ag imnon, ag sa mga ritwal sa pagpalibanaw. Duyon nga mga sueundanan hay temporaryo eang ag nangin owa eon it pueos tag gintao eon it Dyos ro anang bag-o nga kasugtanan sa tawo.

Santiago 3:2

Matuod nga nagakasaea permi kita tanan kapin gid sa atong mga panghambae. Kon may tawo nga owa nagakasaea sa anang ginahambae hay mahambae naton nga perpekto imaw nga tawo nga makapugong gid it todo ku anang kaugalingon.