Juan 13:1 - Inkeanon

¹ Nag-abot eon ro oras it ihapon sa Pagtililipon sa Pagdumdum ku *Pagtaliwan. Sayod ni Jesus nga nag-abot eon ro oras nga magahalin imaw sa rayang kalibutan ag magabalik sa anang Ama. Halin pa ku primero hay ginhigugma gid ni Jesus ro anang mga katawhan iya sa kalibutan, ag makaron eon ro oras nga ipakita nana ro kabahoe ku anang paghigugma kanda.

Juan 13:1 Iomraidhean Croise

Mateo 26:45

Tapos, nagbalik imaw sa anang mga sumueunod ag ginhambae sanda, “Gapinahuway ag gakinatueog gihapon kamo? Nag-abot eon ro oras nga ako nga Unga it Tawo hay ipadakop ag itugyan sa alima it mga makasasaea.

Mateo 28:20

Tud-i sanda nga tumanon ro tanan nga ginsugo ko kinyo. Ginapasalig ko kamo nga ibhan ko gid kamo permi hasta sa katapusan it kalibutan.”

Lucas 22:53

Adlaw-adlaw hay gakilita kita idto sa Templo pero owa ninyo ako kato pagdakpa. Pero nag-abot eon ro inyong oportunidad nga gintaeana it Dyos ag gintaw-an eon ro nagahari sa kadudueman it oportunidad nga himuon ro anang gusto kakon.”

Lucas 9:51

Tag madali lang mag-abot ro adlaw nga magakayab si Jesus sa eangit, nagdesidir imaw nga mag-adto sa Jerusalem.

Juan 11:55

Madali lang ro Pagtililipon sa Pagdumdum ku *Pagtaliwan ngani abo nga mga Judio ro nagpanaw paJerusalem halin sa mga kabaryuhan agod tumanon ro kasuguan parti sa phagpakalimpyo bago mag-abot ro Pagtililipon.

Juan 12:23

Naghambae si Jesus, “Nag-abot eon ro oras nga Ako nga Unga it Tawo hay pagapadunggan.

Juan 13:29

Eaom ku iba hay ginapabakae ni Jesus si Judas it iba pa nandang kinahangeanon sa Pagtililipon, o basi may ginapatao imaw sa mga pobre, bangod si Judas ro gabuyot ku andang kwarta.

Juan 13:3

Sayod ni Jesus nga gintugyan eon ku anang Ama sa anang alima ro tanan nga gahom, ag sayod man nana nga idto imaw maghalin sa Dyos, ag sa Dyos man imaw magabalik.

Juan 13:34

“Makaron hay may bag-o nga sugo nga akong ginabilin kinyo: maghigugmaanan kamo. Kon mauno ro akong paghigugma kinyo hay dapat makaruyon man ro inyong paghigugma sa kada isaea.

Juan 14:28

“Ginhambae ko eon kinyo nga mapanaw ako pero mabalik man ako kinyo. Kon ginahigugma gid ninyo ako hay malipay kunta kamo ay gabalik ako sa akong Ama tungod eabaw pa imaw kakon.

Juan 14:31

Pero ginabaton ko ro madali lang matabo kakon agod ipakita sa mga tawo nga ginahigugma ko ro akong Ama, ag ginatinuman ko permi kon ano ro anang ginsugo kakon. Musyon kamo, mapanaw eon kita.”

Juan 16:28

Idto ako naghalin sa Dyos Ama ag nag-adto ako iya sa kalibutan, pero makaron hay mahalin eon ako sa kalibutan ay mabalik eon ako kana.”

Juan 17:1

Pagkatapos ni Jesus it hambae kara hay nagtangda imaw sa eangit ag naghambae, “Ama, nag-abot eon ro oras. Paagi sa akong maagyan, pakitaan sa katawhan nga ako ro imong daeayawon nga Unga agod paagi man sa akong maagyan hay ikapakita ko man kanda nga ikaw ro akon nga daeayawon nga Ama.

Juan 17:16

Ro andang kinaiya hay pareho eon ku akon nga eain gid kaysa sa ana ku mga owa nagatuo kakon.

Juan 17:26

Ginpasayod ko kanda ro imong kinaiya ag plano, ag padayunon ko ron agod maghigugmaanan sanda pareho ku imong paghigugma kakon, ag agod padayon nga mageueot ro akong kaangtanan kanda.”

Juan 17:5

Ama, kon magbalik eon ako inha kimo, ibalik kakon ro akong pagkadaeayawon nga akon eon eagi tag inha pa ako sa imong euyo, tag owa pa natuga ro kalibutan.”

Juan 18:4

Sayod ni Jesus ro tanan nga matabo kana, ngani anang gin-atubang eagi sanda pag-abot nanda, ag ginhambae, “Sin-o ro inyong ginausoy ay?”

Juan 19:28

Pagkahambae karon ni Jesus hay hasayran eon nana nga tapos eon ro tanan nga ginpaobra kana ngani naghambae imaw, “Ginauhaw ako.” Ginhambae nana ron agod ro ginsueat sa Sagrado nga Kasueatan hay matuman.

Juan 2:13

Maeapit lang kato ro Pagtililipon sa Pagdumdum ku *Pagtaliwan nga ginaselebrar ku mga Judio. Ngani nag-adto sa Jerusalem si Jesus.

Juan 6:4

Madali lang kato ro pagtililipon it mga Judio nga kon tawgon hay Pagdumdum ku *Pagtaliwan.

Juan 7:30

Pagkabati it mga manogdumaea ku ginhambae ngato ni Jesus hay ginadakop kunta nanda imaw, pero owa gid it bisan sin-o nga nakatabing kana ay owa pa mag-abot ro oras nga tumanon nana ro plano it Dyos.

Juan 7:6

Nagsabat kanda si Jesus, “Owa pa't-a mag-abot ro oras nga tumanon ko ro plano it Dyos. Pero kamo't-a hay makaadto idto bisan anong oras.

Juan 8:20

Raya ro ginhambae ni Jesus tag idto imaw nagaturo sa *lagwirta it Templo, maeapit sa may ginabutangan it haead nga kwarta. Pero owa it nagdakop kana ay owa pa nag-abot ro oras nga tumanon nana ro plano it Dyos.

Mga TagaRoma 8:37

Pero bisan nagaagi kita ku tanan ngarang kalisdanan hay nagadaog kita ag mas nagalig-on pa gid ro atong pagtuo paagi kay Kristo nga nagahigugma katon.

1 Corinto 1:8

Imaw ro nagapalig-on permi ku inyong pagtuo agod makaatubang kamo kana nga owa gid kinyo it ikasaway sa adlaw nga hukman eon nana ro katawhan.

Mga Hebreo 3:14

Magapadayon nga maeueot ro atong kaangtanan kay Kristo basta huptan naton it malig-on hasta sa katapusan ro atong pagkasigurado nga matuod ro atong ginapatihan parti kana.

Mga Hebreo 3:6

Pero si Kristo ma't-a hay unga it tagbaeay ag masaligan imaw sa pagtatap ku panimaeay ku anang Ama. Ag kita ro panimaeay it Dyos, kon magpakalig-on kita sa atong pagkasigurado nga mabaton naton ro mga ginpromisa it Dyos nga atong ginapabugae nga maabot.

Mga Hebreo 6:11

Bug-os ro inyong paino-ino sa inyong pagserbi ngaron sa iba ag gusto ko gid nga bug-os man ro inyong paino-ino sa inyong pagkasigurado parti sa mga ginpromisa it Dyos hasta sa adlaw nga inyong mabaton ron.

1 Pedro 1:13

Ngani mangin haom kamo sa pag-atubang sa bisan ano nga maabot sa inyong kabuhi. Eawiga ro inyong paino-ino. Lig-una ro inyong pagsalig nga inyong mabaton ro mayad nga kahimtangan nga itao kinyo it Dyos sa adlaw it pagbalik ni Jesu-Kristo.

1 Juan 4:19

Nagahigugma kita ay ro Dyos ro unang naghigugma katon.