Juan 12:5 - Inkeanon

⁵ “Kaumangon 't-a! Linibo ro bili ku pahumot ngaron! Ham-an it owa lang ron abi pagbaligyaan ag itao sa mga pobre ro kabakeanan?”

Juan 12:5 Iomraidhean Croise

Mateo 18:28

“Pagguwa ku ratong ulipon sa palasyo hay hakita nana ro ana nga kapareho man nga ulipon it hari. May utang rato kana nga 100 nga ka denaryos. Ana ra nga linuok ag ginhambae, ‘Bayri ro imong utang kakon!’

Mateo 20:2

Nakakita imaw it naila magtrabaho idto sa anang ubasan ag nagkaeasugot sanda nga ro anang isweldo kanda hay sang denaryo sa sang adlaw. Tapos, nag-adto ro mga trabahador sa anang ubasan.

Lucas 12:33

Ngani baligyaan ro inyong pagkabutang ag itao sa mga pobre ro kabakeanan. Kon makaruyon ro inyong obrahon hay parehas man ron nga nagatinipon kamo it manggad sa eangit nga nakabutang sa sueudlan nga owa it pagkasamad. Ngani owa ron it pagkaduea ag owa it pagkaubos. Indi man ron hitakaw ag indi hisamad it sapat-sapat.

Lucas 18:22

Pagkabati kara ni Jesus, ginhambae nana ro manogdumaea, “Sambilog pa gid ro dapat nimong obrahon. Baligyaan tanan ro imong pagkabutang ag ipanueupod sa mga pobre ro kabakeanan, ag may imo dayon nga manggad idto sa eangit. Pagkatapos hay bumalik ka agod mangin sumueunod nakon.”

Lucas 6:41

Ham-an it hakita mo ro kaisot-isot nga puling it imong isigkatawo pero indi mo mapan-uhan ro puling nga matsa tablon it bahoe sa imo mismong mata?

Juan 12:4

Pero ro isaea sa mga sumueunod ni Jesus nga si Judas Iscariote nga sa indi magbuhay hay magatraidor kana hay naghambae,

Juan 12:6

Ginhambae nana ron, bukon it dahil nga naeuoy imaw sa mga pobre kundi dahil manakaw imaw. Imaw abi ro gabuyot ku andang kwarta ag ginakupitan nana ra.

Juan 13:29

Eaom ku iba hay ginapabakae ni Jesus si Judas it iba pa nandang kinahangeanon sa Pagtililipon, o basi may ginapatao imaw sa mga pobre, bangod si Judas ro gabuyot ku andang kwarta.

Juan 6:7

Nagsabat si Felipe, “Bisan waeong buean nga sweldo it sangka trabahador hay indi mag-igo nga ibakae it tinapay agod maghilisamit sanda, bisan tig sangkiri.”