Juan 12:48 - Inkeanon

⁴⁸ Pero may una nga magasintinsya sa mga nagabaliwala kakon ag owa nagabaton sa akong mga ginahambae. Ro magasintinsya kanda nga pinahan sa katapusan nga adlaw hay ro mensahi nga akon nga ginpanghambae nga owa nanda pagbatuna.

Juan 12:48 Iomraidhean Croise

Mateo 10:15

Matuod rang ginahambae kinyo nga kon mag-abot eon ro adlaw it paghukom, ro pina nga batunon ku mga indi ngato magbaton kinyo hay mas grabi pa sa pina it mga tagaSodoma ag Gomora.”

Mateo 21:42

Naghambae si Jesus, “Owa baea kamo kabasa ku Sagrado nga Kasueatan nga, ‘Ro bato nga ginbilang nga owa it pueos ku mga panday hay imaw pa gali ro pinakaimportanti nga bato sa pundasyon it bilding. Ro Dyos ro nagplano nga matabo ron ag makangawa-ngawa gid ron katon’?

Mateo 25:31

Naghambae pa gid si Jesus, “Kon magbalik eon ako nga Unga it Tawo nga may grabi nga kasilaw ag kaibahan ku tanan nga mga anghel hay magapungko dayon ako sa akon nga trono ag magahari nga may kadungganan nga indi matupungan.

Marcos 12:10

Owa baea kamo kabasa ku Sagrado nga Kasueatan nga: ‘Ro bato nga ginbilang nga owa it pueos ku mga panday hay imaw pa gali ro pinakaimportanti nga bato sa pundasyon it bilding.

Marcos 16:16

Ro bisan sin-o nga magpati ag mabawtismuhan hay maeuwas. Pero ro indi magpati hay pagakondenahon.

Marcos 8:31

Pagkatapos, gin-umpisahan ni Jesus it pagpaathag sa anang mga sumueunod nga imaw nga Unga it Tawo hay dapat gid mag-antos it abo nga kalisod ag indi pagpatihon ku mga pinuno it mga saserdote, mga maestro it Kasuguan ag ku kaibahan nandang mga lider. Ginsugiran man nana sanda nga imaw hay pagapatyon, pero banhawon man dayon pagkatatlong adlaw.

Lucas 10:16

Naghambae pa gid si Jesus sa anang mga sumueunod, “Ro nagapamati kinyo hay sa minatuod, ako't-a ro andang ginapamatian. Ro owa nagabaton kinyo hay sa minatuod, ako't-a ro andang owa ginabatuna, ag ro owa nagabaton kakon hay sa minatuod, ro Dyos 't-a nga nagpaadto iya kakon ro owa nanda ginabatuna.”

Lucas 17:25

Pero bago ako magbalik hay dapat mag-antos anay ako it abo nga kalisod, ag indi pagpatihon ku mga tawo sa makaron nga tyempo.

Lucas 20:17

Tinueok sanda ni Jesus ag ginhambae, “Owa gali kamo kaeubot ku kahueugan ku parti ngara it Sagrado nga Kasueatan nga: ‘Ro bato nga ginbilang nga owa it pueos ku mga panday hay imaw pa gali ro pinakaimportanti nga bato sa pundasyon it bilding?’

Lucas 7:30

Pero ginbaliwala ku mga Pariseo ag mga maestro it Kasuguan ro plano it Dyos para kanda mawron nga owa sanda nagpabawtismo kay Juan.

Lucas 9:22

Naghambae pa gid imaw, “Ako nga Unga it Tawo hay dapat gid nga mag-antos it abo nga kalisod ag indi pagpatihon ku mga pinuno it mga saserdote, mga maestro it Kasuguan ag ku kaibahan nandang mga lider. Pagapatyon ako pero banhawon man dayon pagkatatlong adlaw.”

Lucas 9:26

Kon ikahuya ninyo ako ag isikway ro akong ginaturo, isikway ko man kamo kon magbalik Ako nga Unga it Tawo. Sa akon nga pagbalik iya sa kalibutan hay may akon nga grabi nga kasilaw ku akon nga Ama ag ku anang mga balaan nga anghel.

Juan 11:24

Nagsabat si Marta, “Huo ngani, sayod ako nga mabanhaw gid ma't-a imaw sa katapusan nga adlaw kon banhawon eon ro tanan nga mga patay.”

Juan 5:45

“Sa adlaw it paghukom hay bukon 't-a it ako ro magaakusar kinyo sa Ama. Nagasalig kamo nga sa inyong pagtuman ku Kasuguan nga ginsueat ni Moises hay maeuwas kamo. Pero indi ninyo ron matuman it husto, ngani si Moises mismo ro magaakusar kinyo.

Juan 6:39

Ag ro pagbuot ku nagpadaea iya kakon hay raya, nga indi ko gid hiduea ro bisan sambilog sa anang gintugyan kakon kundi banhawon ko sanda sa katapusan nga adlaw.

Juan 8:47

Ro mga unga it Dyos hay nagapamati ag nagatuman sa ginahambae it Dyos kanda. Pero owa ninyo ron ginapamatii ag ginatumana tungod bukon kamo it mga unga it Dyos.”

Mga Binuhatan 17:31

tungod may gintaeana eon eagi imaw nga adlaw, nga anang hukman it matarong ro mga tawo sa bilog nga kalibutan. May ginbutang eon eagi imaw nga sangka tawo nga magaobra karon. Ginpamatud-an it Dyos sa tanan, nga rayang tawo gid ro anang ginbutang, paagi sa pagbanhaw kana.”

Mga Binuhatan 3:23

Ro indi magpamati sa ihambae it ruyon nga propeta hay indi eon igtapoe sa mga katawhan it Dyos hasta sa owa it katapusan.’

Mga TagaRoma 2:16

Raya ngara tanan hay pagakonsiderahon kon mag-abot eon ro adlaw nga hukman it Dyos paagi kay Kristo Jesus ro tanan nga gin-isip ag ginhimo it mga tawo nga owa masayri it iba. Suno ra sa Mayad nga Balita nga akong ginawali.

2 Corinto 4:3

May una gid ma't-a nga nadueman ro andang paino-ino nga indi't-a sanda kaeubot ku Mayad nga Balita nga among ginawali. Pero makaruyon ron dahil indi ma't-a sanda magpati ag owa sanda it ibang paeangpan kundi impyerno.

2 Tesalonica 1:8

Kon magpakita eon ro atong Ginuo nga si Jesus hay may galibot kana nga nagadaba-daba nga kaeayo. Ana nga pinahan ro mga indi magkilaea sa Dyos, ag indi magpati sa Mayad nga Balita parti kana.

Mga Hebreo 10:25

Indi naton dapat pagpunduhon ro atong mga pagtililipon agod magsimba, pareho ku ginaobra it iba nga nagpundo eo't-a. Padayunon 't-a naton ro atong pagtililipon agod mapabaskog naton ro buot it kada isaea sa pagsunod sa Ginuo. Mas kapin nga importanti ra dahil makita eon naton ro mga paeatandaan nga nagapinaeapit eon ro adlaw nga magabalik iya ro Ginuo.

Mga Hebreo 12:25

Ngani mag-andam kamo nga indi magpabungoe-bungoe sa ginahambae it Dyos kinyo. Ro mga tawo abi kato anay nga nagpabungoe-bungoe sa ginhambae it Dyos halin sa bukid it Sinai iya sa kalibutan hay owa nakalikaw sa pina. Kon makaruyon hay mas kapin gid nga indi kita makalikaw sa pina kon pabungoe-bungoean ta man ro Dyos nga nagahambae katon halin sa eangit.

Mga Hebreo 2:3

Kon makaruyon nga ginpinahan sanda dahil owa sanda nagpati sa ginsugid it mga anghel, paalin kita makalibre sa pina kon baliwalaon naton ro ginsugid it Ginuo parti sa kaeuwasan nga owa it katupong? Ro Ginuo mismo ro hauna nga nagsugid kara, ag ro mga nakabati kana hay nagpamatuod katon nga matuod ro mensahi ngaron.

Mga Hebreo 4:12

Dapat nga pursigido gid kita sa pagtuman sa Hambae it Dyos dahil ro hambae it Dyos hay buhi ag epektibo sa pagpamunga sa atong kabuhi kon ano ro anang tinutuyo. Mas mataeom pa ra kaysa sa bisan ano nga daga nga doble it taeom. Kon mauno makadueot it madaeom ro sangka mataeom nga daga sa kasueud-sueuran it eawas it tawo hasta sa kaeuta-eutahan ag utok it tue-an, makaruyon man ro Hambae it Dyos. Makasueod ra sa kaidadaeman ku atong paino-ino ag espirito ag ikapakita nana kon tama o bukon ro atong mga ginaisip ag mga motibo.

1 Pedro 1:5

Ag paagi sa anang gahom ag sa inyong pagtuo hay ginabantayan nana kamo hasta mag-abot ro katapusan nga mga inadlaw kon siin ana eon nga ipahayag ro kabilugan ku kaeuwasan nga anang ginatigana para katon.

2 Pedro 3:3

Eabi sa tanan, dapat ninyo masayran nga sa ulihing mga inadlaw hay may maabot nga mga paeatuya-tuya ag magapinagusto sa andang mga maeain nga handom.

2 Pedro 3:7

Ag paagi man sa gahom it anang hambae, ro kalibutan ag kaeangitan nga makita naton makaron hay anang ginapreserbar hasta mag-abot ro adlaw nga anang gintaeana nga ana ra nga sunugon. Matabo ron sa adlaw nga sintinsyahan nana nga pinahan sa impyerno hasta sa owa it katapusan ro tanan nga owa it kahadlok kana.