Juan 12:47 - Inkeanon

⁴⁷ Bukon it ako ro nagasintinsya nga pinahan ro mga nakabati sa akong ginahambae pero owa man nagatuman. Nag-adto abi ako iya sa kalibutan agod euwason ro mga tawo, bukon it agod sintinsyahan sanda.

Juan 12:47 Iomraidhean Croise

Mateo 18:10

Naghambae pa gid si Jesus, “Ayaw gid ninyo pagtuya-tuyaa bisan sambilog sa mga mapainubuson ngara nga nagatuo kakon. Ginahambae ko eagi kinyo nga ro mga anghel nga manogbantay nanda hay makapakigkita bisan anong oras sa akong Ama sa eangit.

Mateo 18:11

[Ako nga Unga it Tawo hay nag-adto iya agod euwason ro mga nagtaeang.”]

Mateo 20:28

Makaruyon man ako nga Unga it Tawo. Owa ako nag-adto iya sa kalibutan agod nga serbihan kundi nga magserbi, ag magsakripisyo ku akong kabuhi agod tubson sa pina ku andang mga saea ro abo nga mga tawo.”

Lucas 19:10

Ro pinakarason nga nag-adto iya ako nga Unga it Tawo hay agod usuyon ag euwason sa pina it saea ro mga nagtaeang.”

Lucas 9:56

Tapos kara hay nagdiritso lang sanda sa ibang baryo.

Juan 12:48

Pero may una nga magasintinsya sa mga nagabaliwala kakon ag owa nagabaton sa akong mga ginahambae. Ro magasintinsya kanda nga pinahan sa katapusan nga adlaw hay ro mensahi nga akon nga ginpanghambae nga owa nanda pagbatuna.

Juan 3:17

Owa pagpaadtuna it Dyos iya sa kalibutan ro anang Unga agod sintinsyahan nga pinahan ro mga tawo, kundi agod maeuwas sanda paagi kana.

Juan 5:45

“Sa adlaw it paghukom hay bukon 't-a it ako ro magaakusar kinyo sa Ama. Nagasalig kamo nga sa inyong pagtuman ku Kasuguan nga ginsueat ni Moises hay maeuwas kamo. Pero indi ninyo ron matuman it husto, ngani si Moises mismo ro magaakusar kinyo.

Juan 8:26

Abo gid ro akong ikahambae parti kinyo ag ikakondenar kinyo. Pero ro nagpadaea iya kakon hay bukon gid it purilon, ag ro akon eang nga ginahambae sa mga tawo iya sa kalibutan hay ro mga nabatian nakon kana.”

2 Pedro 3:15

Ayaw it kalipat nga dahil ginapasensyahan it Ginuo ro mga tawo hay mas abo ro andang kahigayunan nga maeuwas. Imaw man ron ro ginsueat kinyo ku atong hinigugmang igmanghod nga si Pablo, paagi sa kaaeam nga gintao kana it Dyos.

1 Juan 4:14

Hakita gid namon si Jesus. Ngani ginapamatud-an man namon nga ginpaadto iya it Dyos nga Ama ro anang Unga agod mangin Maneueuwas it kalibutan.