Juan 12:44 - Inkeanon

⁴⁴ Naghambae dayon si Jesus it mabaskog sa mga tawo, “Ro nagatuo kakon hay owa eang kakon nagatuo, kundi pati man sa nagpadaea iya kakon.

Juan 12:44 Iomraidhean Croise

Mateo 10:40

Naghambae pa gid si Jesus, “Ro nagabaton kinyo hay sa minatuod, ako't-a ro andang ginabaton, ag ro nagabaton kakon hay sa minatuod, ro nagpaadto't-a iya kakon ro andang ginabaton.

Marcos 9:23

Nagsabat si Jesus, “Ham-an it gapangutana ka kon mahimo nakon? Owa gid it imposible kon nagatuo ka.”

Marcos 9:37

“Ro bisan sin-o nga nagadipara sa nagatuo kakon nga mapainubuson pareho ku unga ngara hay ako gid-a ro anang ginadipara. Ag ro bisan sin-o nga nagahimo karon kakon hay ana man nga ginahimo ron sa Dyos nga nagpadaea kakon.”

Juan 11:43

Pagkahambae nana kara hay nagsinggit dayon imaw it mabaskog, “Lazarus, guwa iya!”

Juan 13:20

Matuod gid rang ginahambae kinyo nga ro nagabaton sa bisan sin-o nga akong ipadaea hay sa minatuod, ako't-a ro andang ginabaton. Ag ro nagabaton kakon hay sa minatuod, ro nagpadaea't-a iya kakon ro andang ginabaton.”

Juan 5:24

Naghambae pa gid si Jesus, “Matuod gid rang ginahambae kinyo nga ro nagapamati sa akong ginahambae ag nagatuo sa nagpadaea iya kakon hay may kabuhi nga owa it katapusan. Indi imaw pagasintinsyahan it kamatayon nga owa it katapusan, dahil gintaw-an eon imaw it kabuhi nga owa it katapusan.

Juan 7:28

Ngani ginbaskog dayon ni Jesus ro anang limog tag nagpadayon imaw sa anang pagturo sa Templo. Hambae nana, “Eaom ninyo hay kilaea ninyo ako ag kon tagasiin ako. Pero owa gid 't-a gali. Bukon it ako ro nagmato-mato nga mag-adto iya, kundi may una matuod nga nagpadaea kakon iya, ag owa ninyo imaw hakilaea.

1 Pedro 1:21

Paagi sa anang ginhimo ngato hay nagatuo eon kamo sa Dyos nga nagbanhaw ag nagpadungog kana. Ngani sa Dyos gid ro inyong pagtuo ag sigurado kamo nga ana man kamo nga pagabanhawon ag pagapadunggan sa ulihi.