Juan 12:43 - Inkeanon

⁴³ ay mas ginapaeabi pa abi nanda nga dayawon it tawo kaysa sa dayawon sanda it Dyos.

Juan 12:43 Iomraidhean Croise

Mateo 6:2

“Ngani kon magbulig ka sa mga kubos, ayaw pagpakita-kitaan pareho ku ginaobra it mga ipokrito. Makaruyon ro andang ginaobra idto sa mga sinagoga ag sa mga binit it karsada agod dayawon sanda it mga tawo. Matuod rang ginahambae kinyo nga ro pagdayaw it tawo kanda hay duyon eang ro andang premyo nga mabaton.

Lucas 16:15

Pero ginhambae sanda ni Jesus, “Kamo't-a ro akong ginapatungdan sa akon ngatong istorya nga nagapapati sa mga tawo nga tama gid kamo pero sayod it Dyos ro inyong kabubut-on. Ro mga ginadayaw abi it tawo hay imaw man ron ro ginakangil-aran it Dyos.”

Lucas 19:17

Nagsabat ro hari, ‘Mayad gid! Kamayad ka gid nga ulipon! Dahil masaligan ka sa maintok nga bagay, padumaeahon ta it 10 nga ka syudad.’

Juan 12:26

Ro gustong magserbi kakon hay dapat nga magsunod kakon bisan magkainalin, ag sa ulihi hay magaiba imaw kakon sa akong aeadtunan. Ro tanan nga nagaserbi kakon hay pagapadunggan ku akong Ama.”

Juan 5:41

“Owa ako nagahangad nga dayawon it mga tawo nga parehas kinyo.

Juan 5:44

Paalin 't-a abi kamo magtuo kakon kon ro inyo eang nga ginahangad hay ro pagdayaw it kada isaea, ag owa gid kamo gahangad ku pagdayaw it owa't kapareho nga Dyos?

Juan 7:18

Ro nagahambae it ana-ana eang hay nagapadayaw-dayaw. Pero ro gusto nga ro nagpadaea kana ro dayawon hay ruyon 't-a ro gahambae it matuod ag owa gapataeang it mga tawo.

Juan 8:54

Nagsabat si Jesus, “Kon dayawon ko ro akong kaugalingon, owa ron it pueos. Ro akon nga Ama nga ginahambae ninyo nga inyong Dyos hay imaw ro nagadayaw kakon.

Mga TagaRoma 2:29

Ro minatuod nga Judio sa panueok it Dyos hay ro tawo nga ro anang pagkaJudio hay sa sueod, bukon eang it sa guwa. Ag ro ana man nga pagkatinuli hay sa kabubut-on, bukon eang it sa eawas. Ro matuod nga pagtuli hay ro pagbag-o it kabubut-on paagi sa gahom it Espirito it Dyos ag bukon it paagi sa pagtuman sa Kasuguan. Bukon it importanti sa makaruyong tawo nga dayawon imaw it iba basta nalipay 't-a kana ro Dyos.

Mga TagaRoma 2:7

Taw-an nana it kabuhi nga owa't katapusan ro nagapadayon nga nagahimo it mayad ay nagapaabot gid sanda nga padunggan ag itapoe sa kanami-nami nga kahimtangan nga owa it katapusan idto sa eangit.

1 Corinto 4:5

Ngani ayaw 't-a kamo magpanghusgar bisan kanyo ay ro Ginuo't-a ro gahusgar sa tawo kon magbalik eon imaw. Dikato nana ibuyagyag ro mga bagay nga bukon pa it hayag makaron ag ipasayod nana ro mga tinago nga mga motibo ku kada isaea. Ag dikato man dayawon it Dyos ro kada isaea suno sa andang binuhatan.

2 Corinto 10:18

Ro ginaaprubahan abi it Dyos hay bukon it rondatong nagadayaw ku anang kaugalingon kundi rondatong ginadayaw it Dyos.

1 Tesalonica 2:6

Ag owa man kami nagapadayaw-dayaw sa tawo, bisan kinyo o kanyo pa.

1 Pedro 3:4

Ro matuod 't-a nga kagwapa hay ro inyong maeueo ag matawhay nga kabubut-on. Ruyon nga kagwapa hay owa it pagkupas ag mahaega gid sa mata it Dyos.