Juan 12:42 - Inkeanon

⁴² Bisan kaeabanan sa mga Judio hay owa magtuo kana, abo ma't-a gihapon ro nagtuo. Bisan ngani sa andang mga manogdumaea hay abo ro nagtuo man kay Jesus, ugaling hay owa ra nanda ginasugiran ay nahadlok sanda nga indi eon pagpasudlon ku mga Pariseo sa sinagoga,

Juan 12:42 Iomraidhean Croise

Mateo 10:32

“Ro nagaako sa atubang it mga tawo nga nagatuo imaw kakon hay akon man nga akuon sa atubang ku akong Ama sa eangit.

Lucas 12:8

Naghambae pa gid si Jesus, “Ginahambae ko kinyo nga ro nagaako sa atubang it mga tawo nga nagatuo imaw kakon hay akuon man nakon nga Unga it Tawo sa atubang it mga anghel it Dyos.

Lucas 23:13

Ginpatawag dayon ni Pilato ro mga pinuno it mga saserdote ag ro mga lider it mga Judio ag ro kaabo nga mga tawo nga nagapaeamantaw.

Lucas 6:22

Bulahan kamo kon ginakaugtan kamo, indi pagkilan-on, ginatuya-tuya ag ginapakaeain ku mga tawo bangod kakon nga Unga it Tawo.

Juan 11:45

Abo sa mga Judio nga nag-unong kanday Maria ro nagtuo kay Jesus pagkakita nanda ku ana ngatong mga ginhimo.

Juan 12:11

ay dahil sa anang pagkabanhaw hay abo nga mga Judio ro nagabueueag kanda ag nagatuo eon kay Jesus.

Juan 16:2

Indi eon nanda kamo pagpasudlon sa sinagoga, ag ro mas grabi pa hay maabot ro oras nga eaom ku mga magapatay kinyo nga ro andang ginaobra hay mayad nga buhat nga ihaead sa Dyos sa pagsimba kana.

Juan 19:38

May sangka tawo nga si Jose ro ngaean nga tagaArimatea. Sumueunod imaw ra ni Jesus pero gintago eang nana, ay nahadlok imaw nga hisayran it mga manogdumaea it mga Judio. Pero pagkamatay ni Jesus hay nag-adto imaw kay Pilato ag ginhinyo nga bue-on nana ro eawas ni Jesus sa krus. Ginsugtan ma't-a imaw ni Pilato, ngani nag-adto imaw idto ag ginbuoe nana ro eawas ni Jesus.

Juan 3:2

Isaeang gabii, nag-adto imaw kay Jesus ag naghambae, “*Rabbi, sayod kami nga ginpadaea ka it Dyos iya agod magturo kamon. Nakahambae ako kara dahil owa it makahimo ku mga milagroso nga pamatuod pareho sa imong mga ginahimo kon owa kana ro gahom it Dyos.”

Juan 7:13

Pero owa man nanda ginabaskuga ro andang istorya ay nahadlok sanda nga mabatian ku andang mga manogdumaea.

Juan 7:31

Pero abo gihapon ro nagtuo kana sa kaabuon ngato nga mga tawo ag naghambae sanda, “Imaw gid-a ro matuod nga Maneueuwas nga ginpromisa it Dyos tungod kon bukon it imaw ra hay may maabot pa baea nga makahimo it mas abo pa nga milagrosong pamatuod kaysa kana?”

Juan 9:22

Duyon sinanda ay nahadlok sanda sa mga manogdumaea ngato tungod nagkaeasugot ro mga manogdumaea nga ro bisan sin-o nga magkilaea nga si Jesus ro Maneueuwas nga ginpromisa it Dyos hay indi eon pagpasudlon sa sinagoga.

Juan 9:34

Naghambae dayon ro mga Pariseo, “Matsa sin-o ka gid a! Halin pa ku pagbugtaw mo sa kalibutan hay nagapinakasaea ka eon, tapos imo pa kami nga tud-an?” Indi eon nanda imaw pagpasudlon sa sinagoga.

Mga Binuhatan 5:41

Naghalin ro mga apostoles sa *Sanedrin nga nagakalipay ay ginbilang sanda it Dyos nga takos nga mahuy-an por dahil sa andang pagtuo kay Jesus.

Mga TagaRoma 10:10

Ro bisan sin-o abi nga nagatuo kay Kristo it hantop sa tagipusuon ag nagapamatuod karon sa katawhan hay bilangon it Dyos nga matarong ag maeuwas.

1 Juan 4:15

Ro nagapahayag nga si Jesus hay Unga it Dyos hay may padayon nga maeueot nga kaangtanan sa Dyos, ag ro Dyos man hay padayon nga maeueot kanda.

1 Juan 4:2

Makasiguro kamo nga ro ginaturo it tawo hay halin sa Espirito it Dyos kon nagapamatuod sanda nga ro Maneueuwas nga si Jesus hay nangin matuod nga tawo pag-adto iya sa kalibutan.