Juan 12:34 - Inkeanon

³⁴ Pagkabati ku kaabo nga tawo sa anang ginhambae, may naghambae kana, “Hatun-an namon sa Kasuguan nga ro Maneueuwas nga ginpromisa it Dyos hay indi mamatay bisan hasta hin-uno. Ham-an it mahambae ka nga ro Unga it Tawo hay igabayaw sa krus? Sin-o ro Unga it Tawo nga imong ginahambae ngaron?”

Juan 12:34 Iomraidhean Croise

Mateo 16:13

Nagpadayon sanday Jesus it panaw hasta nakaabot sanda sa mga lugar nga kaiping it Cesarea Filipos. Tag idto eon sanda hay ginpangutana ni Jesus ro anang mga sumueunod, “Sin-o kuno ako nga Unga it Tawo kon sa mga tawo?”

Mateo 21:10

Tag nakasueod eon si Jesus sa Jerusalem hay nagkagubot ro bilog nga syudad. Hambae nanda, “Sin-o ron?”

Mateo 8:20

Nagsabat si Jesus, “Ro mga sapat sa taeon hay may buho nga ginaulian. Ro mga pispis hay may pugad, pero ako nga *Unga it Tawo hay owa gid it bisan maeugban.”

Juan 10:34

Nagsabat si Jesus, “Bukon abi it nasueat sa Sagrado nga Kasueatan nga inyo perming ginabasehan nga ‘Ginhambae ko nga mga dyos kamo’?

Juan 12:32

Kon hibayaw eon ako sa krus hay taw-an ko it kahigayunan ro tanan nga tawo nga magdangop kakon agod maeuwas.”

Juan 15:25

Pero natabo ra agod matuman ro ginsueat sa Sagrado nga Kasueatan nga anda perming ginabasehan nga, ‘Ginkaugtan nanda ako bisan owa man it dahilan.’

Juan 8:28

Ngani naghambae si Jesus kanda, “Pagkatapos nga inyo nga hibayaw sa krus ako nga Unga it Tawo hay dikaron ninyo masayran nga matuod ro akon nga ginahambae kon sin-o gid ako. Masayran man ninyo nga owa ako gahimo it bisan ano nga akon-akon eang kundi ro akon nga ginahambae hay ro mga ginturo kakon it akon nga Ama.

Mga TagaRoma 3:19

Sayod kita nga kon ano ro ginahambae sa Kasuguan it Dyos hay para gid anay sa tanan nga hauna nga gintaw-an kato, ag ruyon ro mga Judio. Ngani ro mga Judio man hay makasasaea pareho ku mga bukon it Judio. Ngani owa gid it bisan sin-o nga makabalibad nga owa sanda it saea ag ro bilog nga kalibutan hay dapat eang hukman it Dyos.

Mga TagaRoma 5:18

Ngani ro kabilugan ku akong ginhinambae ngara hay raya: ro tanan hay ginsintinsyahan nga dapat nga pinahan it Dyos dahil sa sambilog nga saea nga gin-obra ni Adan pero dahil sa sambilog man nga matarong nga gin-obra ni Kristo hay bilangon it Dyos nga matarong ro tanan nga nagatuo kana ag taw-an nana sanda it kabuhi nga owa't katapusan.

Mga Hebreo 7:24

Pero si Jesus 't-a, dahil buhi imaw hasta sa owa it katapusan, ro anang pagkasaserdote hay owa ginapabusli sa iba.