Juan 12:32 - Inkeanon

³² Kon hibayaw eon ako sa krus hay taw-an ko it kahigayunan ro tanan nga tawo nga magdangop kakon agod maeuwas.”

Juan 12:32 Iomraidhean Croise

Juan 1:7

agod magpamatuod parti sa ginatawag nga Ro Iwag, agod paagi sa anang pagpamatuod hay magatuo sa Iwag ngaron ro tanan nga tawo.

Juan 12:34

Pagkabati ku kaabo nga tawo sa anang ginhambae, may naghambae kana, “Hatun-an namon sa Kasuguan nga ro Maneueuwas nga ginpromisa it Dyos hay indi mamatay bisan hasta hin-uno. Ham-an it mahambae ka nga ro Unga it Tawo hay igabayaw sa krus? Sin-o ro Unga it Tawo nga imong ginahambae ngaron?”

Juan 18:32

Paagi sa anda ngarong ginhambae hay natuman ro ginhambae ni Jesus kon mauno imaw mamatay.

Juan 19:17

Gindaea dayon ku mga soldado si Jesus sa guwa it syudad. Ginpas-an nana ro anang krus paadto sa lugar nga ginatawag nga Lugar it Bungo. Ro ngaean ku lugar ngato sa linggwahe it mga Judio hay Golgota.

Juan 3:14

Ag ro matabo kakon hay pareho man sa natabo sa sawa nga saway nga ginpakabit ni Moises sa kahoy ag ginpatindog tag idto sanda sa *disyerto. Dahil dapat ako nga Unga it Tawo hay ieansang sa krus ag patindugon

Juan 6:44

Owa it makatuo kakon kon indi imaw pagtaw-an it kabubut-on nga himuon ron ku akon nga Ama nga nagpadaea iya kakon. Tapos, banhawon ko imaw sa katapusan nga adlaw.

Juan 8:28

Ngani naghambae si Jesus kanda, “Pagkatapos nga inyo nga hibayaw sa krus ako nga Unga it Tawo hay dikaron ninyo masayran nga matuod ro akon nga ginahambae kon sin-o gid ako. Masayran man ninyo nga owa ako gahimo it bisan ano nga akon-akon eang kundi ro akon nga ginahambae hay ro mga ginturo kakon it akon nga Ama.

Mga TagaGalacia 3:13

Gintubos kita ni Kristo sa pina ku aton nga pageapas sa Kasuguan, tungod imaw ro ginpinahan imbis nga kita. Natabo kana ro nasueat sa Sagrado nga Kasueatan nga, “Ro tanan nga pinatay ag einansang sa kahoy hay ginpinahan it Dyos.”

1 Timoteo 2:6

Imaw ro nagsakripisyo ku anang kabuhi agod tubson ro tanan nga tawo sa pina ku andang mga saea. Nagapakilaea ra nga ro kaeuwasan hay para sa tanan nga rasa it tawo, ag raya eon ro oras nga dapat ipasayod ra sa tanan.

Mga Hebreo 2:9

Pero ro aton 't-a nga hakita hay ginhimo si Jesus nga manaba it sangkiri kaysa sa mga anghel tag nagpakatawo imaw. Dahil sa sobrang kabuot it Dyos hay nag-antos imaw ag namatay por dahil sa kada tawo, ag dahil karon hay ginkoronahan imaw bilang daeayawon ag dungganon nga hari.

1 Pedro 2:24

Imaw mismo ro nagpanabat sa atong mga kasae-anan tag namatay imaw sa krus. Ginhimo ron nana agod mamatay ro atong kaila sa pagpakasaea ag magakabuhi kita it matarong. Paagi sa anang haagyan nga grabing kasakitan, kamo hay ginmayad.

1 Pedro 3:18

Ro halimbawa karon hay si Kristo nga nag-antos bisan owa gid imaw nagkasaea. Matarong gid imaw pero namatay imaw para sa mga bukon it matarong, agod ipaeapit kamo nana sa Dyos. Kaisaea eang imaw namatay pero tama eon rato para mapatawad ro mga kasae-anan it tawo. Ginpatay ro anang kalibutanon nga eawas pero ginbanhaw imaw nga may eawas nga espirituhanon.

1 Juan 2:2

Ag paagi sa kamatayon ni Jesu-Kristo hay ginpatawad eon kita sa atong mga saea. Namatay imaw bukon eang it dahil sa atong mga saea kundi dahil man sa saea it tanan nga mga tawo.

Pahayag 5:9

Nagkanta dayon sanda it bag-o nga kanta: “Ikaw eang ro takos nga magbuoe ku binaeueon nga sueueatan ag magsamad ku anang mga selyo. Takos ka dahil ginpatay ka ag paagi sa imong dugo nga nag-agay hay may gintubos ka nga mga tawo nga myembro it kada rasa, kada linahi, kada tribo ag ro andang mga linggwahe hay ro tanan nga linggwahe iya sa kalibutan.