Juan 12:31 - Inkeanon

³¹ Makaron eon ro oras nga sintinsyahan ro tanan nga nagakuntra kakon. Makaron man ro oras nga perdihon eon ro manogdumaea ku tanan nga nagakuntra sa Dyos.

Juan 12:31 Iomraidhean Croise

Mateo 12:28

Pero dahil nga ginsuboe nakon ro mga demonyo paagi sa gahom it Espirito it Dyos, nagapakilaea ra nga nag-abot eon iya kinyo ro oras ku paghari it Dyos sa anang mga sinakpan.”

Juan 14:30

Indi eon ako makaistorya pa kinyo it maeawig tungod si Satanas nga manogdumaea it mga owa nagatuo sa Dyos hay gaabot eon. Owa ako it nahimo nga saea nga magamit nana agod magamhan ako.

Juan 3:19

“Ginsintinsyahan eo't-a sanda nga pinahan dahil tag nag-abot sa kalibutan ro ginatawag nga ro Iwag hay owa nanda rato pagpatihi, kundi mas ginpahaegahan pa nanda ro kadueom dahil maeain ro andang mga buhat.

Juan 9:39

Naghambae si Jesus, “Nag-adto ako iya sa kalibutan agod ipaeain ro mga nagatuo kakon sa mga owa nagatuo. Ro mga nagaako nga kueang ro andang pagkaeubot sa plano it Dyos hay buligan ko nga makaeubot. Pero ro mga owa nagaako nga kueang ro andang pagkaeubot karon hay mas kapin pa nga padueumon ko ro andang paino-ino agod indi sanda tapat makaeubot.”

Mga Binuhatan 26:18

Paadtunon ko ikaw kanda agod mabuksan ro andang mata sa kamatuuran parti kakon, ag agod magtalikod sanda sa kadueom it saea ag magsaylo sa kahayag it Dyos. Ag agod man magtalikod sanda sa pagsakop ni Satanas ag magpasakop eon sanda sa Dyos. Kon himuon nanda ro mga ruyon ngaron hay patawaron sanda sa andang mga saea, ag matapoe dayon sanda sa mga katawhan it Dyos nga anang ginpaeain dahil sa andang pagtuo kakon.’

1 Corinto 1:20

Kon makaruyon hay ano ro pueos ku kaaeam it mga mangin-aeamon iya sa kalibutan o ku mga may tinun-an o ku mga mayad madebati? Ginpakita eang it Dyos nga pinaumang ro tanan nga kinalibutanon nga kaaeam.

1 Corinto 1:21

Bangod maaeam gid ro Dyos, anang ginplano nga indi imaw makilaea it mga tawo paagi sa andang kaugalingon nga kaaeam kundi anang ginbuot nga maeuwas ro mga magatuo kay Kristo nga among ginawali sa Mayad nga Balita nga ginasinghan it tawo nga pinaumang.

2 Corinto 4:4

Ro andang paino-ino hay ginapadueom ni Satanas nga nagapadiyos-diyos sa rayang tyempo. Mawron nga indi sanda mahayagan it Mayad nga Balita nga nagasugid ku pagkadaeayawon ni Kristo nga imaw ro nagapakita kon mauno gid ro Dyos.

Mga TagaEfeso 6:12

Ginahambae ko ra ay owa kita nagapakig-away sa tawo kundi sa mga pinuno it mga maeain nga espirito, sa iba pa nga may otoridad, sa mga nagagahom sa mga tawo nga una pa sa kadueom sa rayang kalibutan, ag sa mga maeain nga espirito nga una sa kahanginan.

Mga TagaColosas 2:15

Tag namatay si Kristo sa krus hay ginperdi it Dyos ro mga espirito nga may gahom ag may otoridad, ag ana sanda nga ginparehas sa mga bihag sa gira nga ginpaparada agod makita it tanan ro andang makahueuya nga pagkaperdi.

Mga Hebreo 2:14

Tungod ro mga ginatawag nga mga unga it Dyos dikara hay mga tawo nga may eawas nga nagakamatay, ngani nagpakatawo man si Jesus agod may ana man nga eawas nga anang ikasakripisyo. Ana ron nga ginhimo agod paagi sa anang kamatayon hay maperdi nana si Satanas, nga imaw ro dahilan nga nagakamatay ro tawo.

1 Juan 3:8

Pero ro nagapadayon sa pagpakasaea hay unga ni Satanas, dahil ro pagpakasaea hay hilimuon eo't-a ni Satanas halin pa't-a kato. Mawron nga nag-adto riya sa kalibutan ro Unga it Dyos agod samaron ro mga ginahimo ni Satanas.

1 Juan 4:4

Mga unga nakon sa pagtuo, kamo hay mga katawhan it Dyos ngani haperdi eon ninyo ro mga nagapakuno-kuno nga mga propeta, ay owa ninyo sanda pagpatihi. Owa ninyo sanda pagpatihi ay ro Espirito Santo nga una kinyo hay mas gamhanan kaysa kay Satanas nga nagagahom sa mga tawo iya sa kalibutan nga owa nagakilaea sa Dyos.

1 Juan 5:19

Sayod man naton nga kita hay mga unga it Dyos, pero ro tanan nga owa nagatuo kay Kristo hay una sa gahom it ginahalinan it kaeainan.