Juan 12:27 - Inkeanon

²⁷ Naghambae pa gid si Jesus, “Nagalitik ro akong ueo. Ano ro akong ihambae? Mahambae baea ako nga, ‘Ama kon mahimo hay euwasa lang ako sa mga kasakit nga akong aeatubadngon’? Pero indi man puydi dahil ruyon ngani ro katuyuan nga nag-adto ako riya.”

Juan 12:27 Iomraidhean Croise

Mateo 11:25

Tapos, nagpangamuyo si Jesus, “Ama, Ginuo ka ku tanan sa eangit ag sa kalibutan. Ginapasaeamatan ko ikaw tungod ro mga ginlipod mo sa mga may tinun-an nga nagaeaom nga mga maaeam sanda hay ginpahayag mo't-a sa mga mapainubuson ag naila magpaturo pareho it mga unga.

Mateo 11:26

Tama gid-a ring paagi ngaron, Ama, ay suno ron sa imong plano.”

Mateo 26:42

Bumalik eon man si Jesus sa ueu-unahan ag nagpangamuyo it uman. Hambae nana, “Ama, kon indi puydi nga malikawan nakon ro grabi nga kasakit nga akon nga aeatubadngon hay ro imong pagbuot ro matuman.”

Mateo 26:45

Tapos, nagbalik imaw sa anang mga sumueunod ag ginhambae sanda, “Gapinahuway ag gakinatueog gihapon kamo? Nag-abot eon ro oras nga ako nga Unga it Tawo hay ipadakop ag itugyan sa alima it mga makasasaea.

Lucas 22:44

Matsa maeupok ro anang dughan ngani nagpangamuyo pa gid imaw. Ginpinanghueasan imaw it dugo nga nagtaeabilis ag nagtueo sa eugta.]

Lucas 22:53

Adlaw-adlaw hay gakilita kita idto sa Templo pero owa ninyo ako kato pagdakpa. Pero nag-abot eon ro inyong oportunidad nga gintaeana it Dyos ag gintaw-an eon ro nagahari sa kadudueman it oportunidad nga himuon ro anang gusto kakon.”

Juan 11:41

Ginpaligid dayon nanda ro sara nga bato. Tapos, nagtangda si Jesus sa eangit ag naghambae, “Ama, saeamat ay ginpamatian mo ako.

Juan 12:23

Naghambae si Jesus, “Nag-abot eon ro oras nga Ako nga Unga it Tawo hay pagapadunggan.

Juan 13:21

Pagkahambae karon ni Jesus hay mat kinuso ro anang tagipusuon ag naghambae dayon imaw, “Matuod gid rang ginahambae kinyo nga may sambilog kinyo nga magatraidor kakon.”

Juan 18:37

Naghambae si Pilato, “Hay kon mawron, hari ka't-imo gali ron?” Nagsabat si Jesus, “Tama't-a ro imo nga ginhambae ngaron nga hari ako. Pero ro akong tuyo sa pag-adto ag pagpakatawo iya sa kalibutan hay agod magpamatuod parti sa kamatuuran nga halin sa Dyos. Ro tanan nga nagapahaega ag nagakabuhi suno sa kamatuuran hay nagapamati sa akong ginahambae.”

1 Timoteo 1:15

Masaligan ro haeambaeunon ngara, ag bagay gid nga patihan: Si Kristo Jesus hay nag-adto riya sa kalibutan agod euwason ro mga makasasaea. Ag ako gid ro pinakamaeaot kanda tanan.

Mga Hebreo 2:14

Tungod ro mga ginatawag nga mga unga it Dyos dikara hay mga tawo nga may eawas nga nagakamatay, ngani nagpakatawo man si Jesus agod may ana man nga eawas nga anang ikasakripisyo. Ana ron nga ginhimo agod paagi sa anang kamatayon hay maperdi nana si Satanas, nga imaw ro dahilan nga nagakamatay ro tawo.

Mga Hebreo 5:7

Tag iya pa si Jesus sa kalibutan, nagpangamuyo ag nagpakitluoy imaw nga may daeang ueahab ag pagpanangis sa Dyos ay sayod nana nga may gahom ro Dyos nga makaeuwas kana sa kamatayon. Ag tungod imaw hay matinahuron ag matinumanon sa Dyos ngani owa pagbaliwalaa it Dyos ro anang pangamuyo.