Juan 12:26 - Inkeanon

²⁶ Ro gustong magserbi kakon hay dapat nga magsunod kakon bisan magkainalin, ag sa ulihi hay magaiba imaw kakon sa akong aeadtunan. Ro tanan nga nagaserbi kakon hay pagapadunggan ku akong Ama.”

Juan 12:26 Iomraidhean Croise

Mateo 16:24

Tapos, naghambae si Jesus sa anang mga sumueunod, “Kon sin-o ro naila nga mangin sumueunod nakon hay dapat nga talikdan nana ro anang kaugalingon nga mga handom ag gusto, ag dapat nga haom imaw nga mag-antos bisan pa mag-atubang imaw it paghingabot ag kamatayon por dahil sa anang pagsunod kakon.

Mateo 25:21

“Nagsabat ro amo, ‘Mayad ka gid ag masaligan nga sueuguon! Dahil masaligan ka sa pilang ka responsibilidad, tugyanan ko ikaw it mas abo pa gid. Nalipay gid ako kimo ngani mus, maselebrar kita.’

Marcos 8:34

Ginpapaeapit dayon nana ro anang mga sumueunod, pati ro abo nga mga tawo nga idto man ag ginhambae, “Kon sin-o ro naila nga mangin sumueunod nakon hay dapat nga talikdan nana ro anang kaugalingon nga mga handom ag gusto, ag dapat nga haom imaw mag-atubang it kalisod, paghingabot ag kamatayon por dahil sa anang pagsunod kakon.

Lucas 12:37

Bulahan gid-a ro mga sueuguon nga hiabutan ku andang amo nga haom ag nagabantay. Matuod rang ginahambae kinyo nga pag-abot it amo hay masuksuk imaw it eambong it manogserbi ag paadtunon nana sa lamisa ro mga sueuguon ag serbihan.

Lucas 6:46

Naghambae pa gid si Jesus, “Ham-an it ginatawag ninyo ako nga Ginuo ay owa man kamo nagatuman sa akong ginahambae kinyo?

Lucas 9:23

Tapos, naghambae si Jesus sa tanan nga nagapaeamati kana, “Kon sin-o ro naila nga mangin sumueunod nakon hay dapat nga talikdan nana ro anang kaugalingon nga mga handom ag gusto, ag dapat nga haom imaw nga mag-antos bisan pa mag-atubang imaw it paghingabot ag kamatayon por dahil sa anang pagsunod kakon.

Juan 10:27

Ro akong mga karnero hay nagapamati sa akon nga limog ag kilaea ko sanda, ag nagasunod sanda kakon.

Juan 13:16

Matuod gid rang ginahambae kinyo nga ro ulipon hay bukon it eabaw pa sa anang amo ag ro ginpadaea nga tawo hay bukon it eabaw pa sa nagpadaea kana.

Juan 14:15

Naghambae pa gid si Jesus, “Kon ginahigugma ninyo ako, pagatumanon gid ninyo ro akong mga sugo.

Juan 14:3

Kon haom eon ro lugar para kinyo hay magabalik ako iya ag sueangon ko kamo ag daehon dayon sa akong ginhalinan agod mag-ililiba kita idto.

Juan 15:20

Dumduma ninyo ro akong ginhambae kato kinyo nga ro ulipon hay bukon it eabaw pa sa anang amo. Ngani kon ginhingabot nanda ako, hingabuton man nanda kamo. Pero kon tumanon nanda ro akong ginaturo hay tumanon man nanda ro inyong ginaturo.

Juan 17:24

“Ama, gusto ko nga ro imong mga gintugyan kakon hay makaiba kakon sa ulihi kon siin ako, agod makita nanda ro akong pagkadaeayawon nga gintao mo kakon, tungod ginhigugma mo eon ako bago pa gintuga ro kalibutan.

Juan 21:22

Nagsabat si Jesus, “Kon gusto ko nga buhi ron imaw gihapon hasta sa akong pagbalik hay owa ka eo't-ing it eabot karon. Ro imong dapat isipon hay ro imong pagsunod kakon.”

Mga TagaRoma 1:1

Raya nga sueat hay halin kakon nga si Pablo nga ulipon ni Kristo Jesus ag gintawag it Dyos nga mangin *apostol ag ginpaeain agod magwali ku Mayad nga Balita nga halin kana.

Mga TagaRoma 14:18

Ro tawo nga makaruyon ro anang kabuhi sa anang pagserbi kay Kristo hay nahamut-an it Dyos ag aprubado it tawo.

2 Corinto 4:5

Owa namon ginawali ro among kaugalingon nga matsa importanti kami kundi ginawali namon si Jesu-Kristo. Ginawali namon nga imaw ro Ginuo ag kami hay nagaserbi kinyo dahil kana.

2 Corinto 5:8

Mawron nga maisog ro among buot ag igakalipay namon kon aywanan eon namon ro among eawas ngara ag magsaylo sa amon gid mismo nga ilistaran kon siin idto ro Ginuo.

Mga TagaGalacia 1:10

Ano ro inyong eaom, nagapadayaw-dayaw ako sa mga tawo sa akong ginhambae? Owa! Ro akon eang hay gusto ko nga malipay ro Dyos kakon. Kon nagahandom gihapon ako nga dayawon it mga tawo hay bukon eon dayon ako it bagay nga bilangon nga ulipon ni Kristo.

Mga TagaFilipos 1:23

Nalisdan 't-ang magpili sa daywa ngaron. Gusto ko eon kunta magtaliwan agod makaibahan ko eon si Kristo, ay ruyon ro pinakamayad.

Mga TagaColosas 3:24

bangod hasayran ninyo nga premyuhan kamo it paeanublion nga ginatigana it Ginuo para sa anang mga katawhan. Dumduma ninyo nga si Kristo ro inyong matuod nga amo nga ginaserbihan.

Mga TagaColosas 4:12

Ginakumusta man kamo ni Epafras nga inyong kasimanwa. Nagaserbi man ron imaw kay Kristo Jesus ag grabi gid ro anang pagpinangamuyo para kinyo, agod maglig-on kamo ag owa it ikasaway sa inyong pagtuo ag sigurado gid ku tanan nga gusto it Dyos nga ipaobra kinyo.

2 Pedro 1:1

Raya nga sueat hay halin kakon nga si Simon Pedro, nga isaeang ka ulipon ni Jesu-Kristo ag isaea sa anang mga *apostoles. Nagasueat ako kinyo nga nagatuo man kay Jesu-Kristo nga atong Dyos ag Maneueuwas. Ag tungod nga matarong imaw ag owa it pinaeabi hay paeareho ro pagtuo nga gintao nana katon tanan.

1 Juan 5:3

Ro aton abi nga paghigugma sa Dyos hay makita paagi sa aton nga pagtuman sa anang kasuguan. Ro anang kasuguan hay bukon eon it pareho ku mabug-at nga daeaehon nga haeos indi naton madaea,

Judas 1:1

Raya nga sueat hay halin kakon nga si Judas nga igmanghod ni Santiago ag ulipon ni Jesu-Kristo. Nagasueat ako kinyo nga mga tinawag it Dyos nga Ama nga mangin anang katawhan, kamo nga anang mga ginahigugma gid ag ginahaeungan ni Jesu-Kristo.

Pahayag 14:4

Sanda ra hay pareho sa mga eaki nga owa gid naghulid sa bukon nanda it asawa ay ro Tiyo it Karnero eang gid ro andang ginasimba. Raya ra sanda ro nagasinunod sa Tiyo it Karnero bisan siin imaw mag-adto. Sanda raya ro mga gintubos sa mga katawhan iya sa kalibutan ag ana sanda it Dyos ag ku Tiyo it Karnero, pareho sa primerong ani nga ginahaead sa Dyos.