Juan 12:20 - Inkeanon

²⁰ Sa mga nag-adto sa Jerusalem agod magsimba sa Dyos sa Pagtililipon hay may mga Griyego.

Juan 12:20 Iomraidhean Croise

Marcos 7:26

ag nagpakitluoy nga subueon sa anang unga ro demonyo. Bukon it Judio ro bayi ngato kundi tagaFenicia, nga sakop ku probinsya it Syria.

Juan 12:1

Tag an-om nga adlaw lang bago ro Pagtililipon sa Pagdumdum ku *Pagtaliwan, nagbalik sanday Jesus sa Betania nga baryo ni Lazarus nga ana ngatong ginbanhaw.

Juan 12:19

Tapos, naghambae ro ibang mga Pariseo sa andang mga kaibahan, “Hay kita eon ninyo? Owa gid kamo it nahuman sa inyong tinanga-tanga. Haron, tanan eon ro mga tawo sa kalibutan hay nagasunod 't-a kana!”

Juan 7:35

Ngani nagpaeangutan-an ro mga manogdumaea, “Siin baea imaw ra gaadto nga indi't-a kuno naton imaw makita? Hay pa maadto gid ron abi imaw sa atong mga kadugo nga idto gaistar sa mga lugar ku mga bukon it Judio agod tud-an sanda ag pati man ro mga bukon it Judio?

Mga Binuhatan 14:1

Pag-abot nanday Pablo ag Barnabas sa Iconium hay nag-adto sanda sa sinagoga it mga Judio ag nagturo pareho man ku gin-obra nanda idto sa Antioc. Mayad gid ro andang paghambae ngani kaabo-abo gid ro nagtuo nga mga Judio ag mga bukon it Judio.

Mga Binuhatan 16:1

Nagpadayon sanday Pablo sa andang pagpamanawon ag nakaabot sanda sa Derbe. Halin idto hay nag-adto sanda sa Listra. Idto sa Listra nagaistar ro isaeang ka sumueunod it Ginuo nga si Timoteo ro ngaean. Ro anang ina hay tumueuo man nga Judio pero ro anang ama hay bukon it Judio.

Mga Binuhatan 17:4

Ro iba kanda hay nakumbinsi ag nag-iba kanday Pablo ag Silas, pati man ro kaabo-abo nga mga bukon it Judio nga nagaiba sa mga Judio sa pagsimba ag ro kaabo man nga mga ginakilaea sa sosyudad nga mga bayi.

Mga Binuhatan 20:21

Pareho ro akong ginaturo sa mga Judio ag sa mga bukon it Judio, nga dapat hay magtalikod sanda sa andang mga saea ag magpasakop sa Dyos ag magtuo kay Jesus nga atong Ginuo.

Mga Binuhatan 21:28

Nagsininggit sanda, “Mga kadugo namong mga inapo ni Israel! Buligi kami sa pagdakop sa tawo ngara! Raya ro nagaturo bisan siin kuntra katon, kuntra sa atong Kasuguan ag kuntra sa Templo ngara. Nagpasueod pa imaw riya it mga bukon it Judio ngani anang ginhigkuan rondayang sagrado nga lugar!”

Mga Binuhatan 8:27

Ngani pumanaw eagi si Felipe. Tag idto eon imaw sa karsada ngato hay may nagaagi man nga isaeang ka mataas nga opisyal ku candace o rayna it Etiopia. Idto imaw rato naghalin sa Jerusalem. Nagsimba imaw idto. Mabahoe ro responsibilidad ku tawo ngato ay imaw ro nagatatap ku manggad ku rayna.

Mga TagaRoma 1:16

Owa gid ako nahuya nga magsugid ku Mayad nga Balita parti kay Jesus ay una dikaron ro gahom it Dyos sa pageuwas sa tanan nga nagatuo kana. Ro hauna nga ginsugiran karon hay mga Judio ag ku ulihi hay ro mga bukon it Judio.

Mga TagaRoma 10:12

Owa it bali kon ro tawo hay Judio man o bukon. Sambilog eang ro Ginuo naton tanan nga nagatuo kana ag ginapakamaayo nana it owa it hawid-hawid ro tanan nga nagadangop kana.

Mga TagaGalacia 2:3

Kompormi ma't-a sanda sa akong ginaturo. Bisan ngani si Tito nga akong kaibahan nga bukon it Judio hay owa nanda pagpilita nga magpatuli.

Mga TagaGalacia 3:28

Ngani owa ginatueuka it Dyos ro mga tumueuo kon Judio sanda o bukon, ulipon o bukon, bayi man o eaki tungod sambilog eang kamo dahil sa inyong maeueot nga kaangtanan kay Kristo Jesus.

Mga TagaColosas 3:11

Ro mga tawo nga ginbag-o it Dyos hay paeareho eang sa anang panueok. Bukon it importanti kon sanda hay Judio o bukon, natuli o owa, ulipon o amo, ignoranti o bisan pinakamapintas nga bandido man. Baliwala ron tanan basta nagatuo sanda kay Kristo ay una imaw sa tagipusuon ku tanan nga mga tumueuo, ag imaw ro pinakaimportanti sa tanan.