Juan 12:16 - Inkeanon

¹⁶ Tag nagakaeanabo ra hay owa pa haeubti ku mga sumueunod ni Jesus nga katumanan gali rato ku ginsueat it sangka propeta. Pero pagkabanhaw nana, ag ginpadunggan eon imaw sa eangit hay hadumduman nanda rondatong natabo, ag naeubtan nanda nga imaw gali ro ginapatungdan ku ginsueat ngato.

Juan 12:16 Iomraidhean Croise

Marcos 16:19

Pagkahambae kara ni Jesus sa anang mga sumueunod hay ginpakayab imaw sa eangit, ag nagpungko dayon imaw sa pinakadungganon nga pwesto sa tuo it Dyos.

Marcos 9:32

Owa kaeubot ro mga sumueunod sa mga ginhambae ngato ni Jesus pero natahap man sanda nga magpangutana kana.

Lucas 18:34

Pero owa gid sanda kaeubot ku ay Jesus nga mga ginhambae ay ginlipod kanda ro kahueugan kato.

Lucas 24:25

Tapos, naghambae si Jesus, “Ay, mga kaumangon gid-a kamo. Owa gihapon kamo gapati sa tanan nga ginsugid it mga propeta.

Lucas 24:45

Ginbuligan dayon sanda ni Jesus nga maeubtan ro matuod nga kahueugan ku mga ginsueat parti kana sa Sagrado nga Kasueatan.

Lucas 9:45

Pero owa sanda kaeubot ku ginhambae ngato ni Jesus tungod ginlipod rato kanda agod indi nanda maeubtan. Natahap man sanda magpangutana kon ano ro kahueugan kato.

Juan 12:23

Naghambae si Jesus, “Nag-abot eon ro oras nga Ako nga Unga it Tawo hay pagapadunggan.

Juan 14:26

Pero kon owa eon ako, padaehan kamo ku akong Ama it Manogbulig, ag ruyon hay ro Espirito Santo ag imaw ro magabueos kakon. Imaw ro magaturo kinyo it tanan nga butang ag magapadumdum ku tanan nga ginhambae ko kinyo.

Juan 16:4

Ginasugiran ko kamo kara agod pag-abot it oras hay hidumduman ninyo ro akong ginhambae.” “Owa ko ra eagi kinyo pagsugiran ku primero pa eang nga nagsunod kamo kakon, ay mabuhay pa man ro atong pag-ililiba.

Juan 17:5

Ama, kon magbalik eon ako inha kimo, ibalik kakon ro akong pagkadaeayawon nga akon eon eagi tag inha pa ako sa imong euyo, tag owa pa natuga ro kalibutan.”

Juan 2:22

Imaw ron nga pagkabanhaw nana hay hadumduman ku anang mga sumueunod ro ana ngatong ginhambae. Nagpati man sanda sa ginsueat sa Sagrado nga Kasueatan parti sa anang pagkabanhaw, ag sa ay Jesus man mismo nga ginhambae.

Juan 7:39

Raya nga ginhambae ni Jesus hay napatungod sa Espirito Santo nga madali lang mabaton ku mga nagtuo kana. Owa pa nanda mabaton ro Espirito tungod owa pa si Jesus hapadunggi.

Mga Binuhatan 2:33

Ginpapungko imaw sa pinakadungganon nga pwesto sa tuo it Dyos Ama, ag gintaw-an dayon imaw ku Dyos it otoridad nga itao nga owa it hawid-hawid ro Espirito Santo sa anang mga sumueunod suno sa anang ginpromisa kanda. Ro inyong hakita ag habatian makaron hay katumanan gid karon.

Mga Binuhatan 2:36

“Ngani dapat nga kumbinsido gid kita tanan nga mga inapo ni Israel nga si Jesus nga inyong gineansang sa krus hay imaw ro Ginuo ag Maneueuwas nga ginbutang it Dyos.”

Mga Binuhatan 3:13

Ro Dyos nga ginasinimba ni *Abraham, ni Isaac, ni Jacob ag ku iba pa natong kalolo-lolohan ro naghimo kara, ag paagi kara hay ginpadunggan nana ro anang sueuguon nga si Jesus. Rondatong inyong ginpadakop ag ginpaatubang kay Pilato nga ana kunta nga ginabuhian ugaling owa gid kamo magsugot. Mas ginpaeabi pa ninyo nga pabuhian tag sambilog ngato nga tawo.

Mga Hebreo 12:2

Isentro gid naton permi ro atong panueok kay Jesus, ro pasimuno ag manogpaperpekto it pagtuo. Dahil ana permi nga ginapaabot ro kalipay nga mangin ana sa ulihi, mawron nga ginbatas nana ro pageansang kana sa krus ag ginbaliwala ro kahuy-anan karon. Ag makaron hay nagalingkod imaw sa pinakadungganon nga pwesto sa tuo ku trono it Dyos.

Mga Hebreo 8:1

Ro pinakapunto ku akon nga ginahambae hay raya: may aton nga Pinakapinuno nga Saserdote nga perpekto gid para sa katungdanan ngaron. Nagalingkod imaw sa dungganon nga pwesto sa tuo ku trono it Makagagahom nga Dyos sa eangit.