Juan 12:13 - Inkeanon

¹³ Ngani nagbuoe sanda it mga dahon it palmera ag naggueuwa sa syudad agod sueang-sueangon imaw. Ag nagasilinggit sanda, “Dayawon ta ro Dyos! Daeayawon raya nga ginpadaea iya it Ginuong Dyos! Daeayawon imaw nga hari naton nga mga inapo ni Israel!”

Juan 12:13 Iomraidhean Croise

Mateo 23:39

Ag ginahambae ko kinyo nga umpisa makaron hay indi ninyo makilaea kon sin-o gid ako hasta sa adlaw nga maghambae kamo nga, ‘Daeayawon raya nga ginpadaea iya it Dyos.’ ”

Mateo 27:42

Naghinambae sanda, “Gineuwas nana ro iba pero indi nana maeuwas ro anang kaugalingon. Nano man nga hari-a it Israel ra! Dapat manaog imaw makaron sa krus. Basi eon lang mapati kita kana.

Juan 1:49

Naghambae si Nataniel, “*Rabbi, Unga ka gid matuod it Dyos. Ikaw eon gid-a ro among ginahueat nga hari ku mga inapo ni Israel.”

Juan 12:14

Si Jesus ma't-a hay nagpabuoe it sangka tiyo it asno ag dikato imaw nagsakay paadto sa syudad pareho sa nasueat sa Sagradong Kasueatan nga:

Juan 12:15

“Ayaw it kahadlok, mga pumueuyo it Jerusalem. Haron, nagapaeangop eon ro inyong hari nga nagasakay sa tiyo it asno.”

Juan 19:15

Pagkakita nanda kana hay nagsilinggit eon man sanda, “Patyon imaw! Patyon imaw! Ieansang imaw sa krus!” Pinangutana sanda ni Pilato, “Gusto ninyo nga ipaeansang ko sa krus ro inyong hari?” Nagsabat ro pinuno it mga saserdote, “Owa kami it ibang hari kundi ro Emperador.”

Pahayag 15:3

Nagakanta sanda it kanta it pagdayaw sa Dyos pareho kanday Moises nga nagserbi anay sa Dyos. Kanta man rato ku Tiyo it Karnero. Raya ro andang kanta: “Ginuong Dyos nga makagagahom, ro imong buhat hay makakilibot ag makangawa-ngawa. Ikaw nga Hari it tanan nga rasa it tawo, matarong gid ag tama tanan ro imo nga mga hinimuan.

Pahayag 19:16

Ag sa anang eambong ag sa anang paa hay nasueat rayang ngaean: “Pinakaginuo ku tanan nga manogdumaea ag Pinakahari ku tanan nga hari.”

Pahayag 7:9

Pagkatapos kara hay may hakita ako nga kaabo-abo nga mga tawo nga owa it bisan sin-o nga makahuyap. Mga myembro sanda it kada rasa, kada linahi, kada tribo ag ro andang mga linggwahe hay ro tanan nga linggwahe iya sa kalibutan. Nagatindog sanda sa atubang ku nagapungko sa trono ag ku rato nga ginatawag nga Tiyo it Karnero. Nagasuksuk sanda it mahaba nga puting eambong ag nagabuyot sanda it mga dahon it palmera.