Juan 11:8 - Inkeanon

⁸ Nagsabat sanda, “*Rabbi, kan-o eang rato nga ginaplanuhan ka nga eapugon it bato ku mga Judio ag tapos makaron, mabalik ka pa idto?”

Juan 11:8 Iomraidhean Croise

Mateo 23:7

Kon sa kadagayaan hay naila man sanda nga pagsinaluduhan it mga tawo ag gusto man nanda nga tawgon nga ‘maestro.’

Mateo 23:8

“Pero kamo't-a hay indi puydi nga tawgon nga ‘maestro’ ay ako gid lang ro inyong maestro ag bilang magmaeanghod sa pagtuo hay owa it bisan sin-o kinyo nga eabaw pa sa iba.

Juan 10:31

Pagkabati nanda kara, ro mga Judio hay nagpueueot eon man it bato, ag anda kunta nga eapugon si Jesus hasta mamatay.

Juan 10:39

Pagkabati nanda kato hay anda eon man kunta nga dakpon si Jesus, pero matsa pumuslot eang imaw sa andang alima.

Juan 11:19

ag abo nga mga Judio ro nag-adto sa Betania halin sa Jerusalem agod mag-unong sa kalisod nanday Marta ag Maria, dahil sa pagkamatay ku andang igmanghod nga si Lazarus.

Juan 4:31

Idto ma't-a sa may bubon, ginahinambae si Jesus ku anang mga sumueunod, “*Rabbi, kaon eon.”

Juan 8:59

Ngani nagpueot sanda it bato ag anda kunta imaw nga eapugon hasta mamatay, ugaling hay naduea't-a imaw sa andang panueok ag gumuwa dayon imaw sa Templo.

Mga Binuhatan 20:24

Pero indi bali bisan patyon pa ako idto ay mas mahaega kakon nga matapos ko ro oeobrahon nga ginapaobra kakon ni Ginuong Jesus kaysa sa akong kabuhi. Ro anang ginapaobra kakon hay iwali ko ro Mayad nga Balita parti sa sobrang kabuot it Dyos.