Juan 11:55 - Inkeanon

⁵⁵ Madali lang ro Pagtililipon sa Pagdumdum ku *Pagtaliwan ngani abo nga mga Judio ro nagpanaw paJerusalem halin sa mga kabaryuhan agod tumanon ro kasuguan parti sa phagpakalimpyo bago mag-abot ro Pagtililipon.

Juan 11:55 Iomraidhean Croise

Mateo 26:1

Pagkatapos ni Jesus it turo ku rayang mga butang, naghambae imaw sa anang mga sumueunod,

Mateo 26:2

“Sayod kamo nga daywang adlaw eon lang ag Pagtililipon eon sa Pagdumdum ku *Pagtaliwan. Dikato man ako nga Unga it Tawo hay pagadakpon ag itugyan sa mga magapaeansang kakon sa krus.”

Marcos 14:1

Daywang adlaw lang bago mag-abot ro Pagtililipon sa Pagdumdum ku *Pagtaliwan, ag ro Pagtililipon sa Pagdumdum ku Pagkaon it Tinapay nga Owa it Pangpaalsa. Nagainusoy ro mga pinuno it mga saserdote ag ro mga maestro it Kasuguan it paagi kon paalin nanda hidakop it patago si Jesus, agod hipapatay imaw.

Lucas 22:1

Maeapit lang mag-abot ro Pagtililipon sa Pagdumdum ku Pagkaon it Tinapay nga Owa it Pangpaalsa, nga ginatawag man nga Pagdumdum ku *Pagtaliwan.

Juan 12:1

Tag an-om nga adlaw lang bago ro Pagtililipon sa Pagdumdum ku *Pagtaliwan, nagbalik sanday Jesus sa Betania nga baryo ni Lazarus nga ana ngatong ginbanhaw.

Juan 13:1

Nag-abot eon ro oras it ihapon sa Pagtililipon sa Pagdumdum ku *Pagtaliwan. Sayod ni Jesus nga nag-abot eon ro oras nga magahalin imaw sa rayang kalibutan ag magabalik sa anang Ama. Halin pa ku primero hay ginhigugma gid ni Jesus ro anang mga katawhan iya sa kalibutan, ag makaron eon ro oras nga ipakita nana ro kabahoe ku anang paghigugma kanda.

Juan 18:28

Paghalin kay Caifas hay gindaea ku mga lider si Jesus idto sa daeayunan ni Gobernador Pilato nga idto sa baraks. Agahon pa rato nga mayad. Pero owa sanda magsueod agod indi sanda pagbilangon nga mahigko sa mata it Dyos, ag indi dayon sanda puydi magkaon it ihapon sa Pagdumdum ku *Pagtaliwan.

Juan 2:13

Maeapit lang kato ro Pagtililipon sa Pagdumdum ku *Pagtaliwan nga ginaselebrar ku mga Judio. Ngani nag-adto sa Jerusalem si Jesus.

Juan 2:6

May idto nga an-om nga bilog nga ka bueutangan it tubi nga human sa bato nga makasueod it mga 75 hasta 115 litros ro kada sambilog. Ro tubi hay para sa ritwal sa pagpalibanaw nandang mga Judio.

Juan 5:1

Ku ulihi, may Pagtililipon eon man ro mga Judio, ngani nagpaJerusalem eon man si Jesus.

Juan 6:4

Madali lang kato ro pagtililipon it mga Judio nga kon tawgon hay Pagdumdum ku *Pagtaliwan.

Mga Binuhatan 21:24

Munot kanda sa Templo ag mag-iba ka kanda sa paghimo ku ritwal sa pagpakalimpyo. Bayri ro andang mga inogsakripisyo agod hikalbo eon dayon nanda ro andang ueo nga nagapakilaea nga tapos eon ro andang panaad. Paagi kara hay hisayran it tanan nga ro anda ngatong habatian parti kimo hay bukon it matuod ag hisayran man nanda nga nagatuman ka gid sa atong Kasuguan.

Mga Binuhatan 21:26

Nagsugot si Pablo sa ginhambae ngato nanday Santiago. Ngani pagkamasunod nga adlaw hay gindaea ni Pablo ratong ap-at nga ka eaki ag nag-iba kanda sa paghimo ku ritwal it pagpakalimpyo sa mata it Dyos. Pagkatapos nanda hay nagsueod imaw sa Templo agod magsugid sa saserdote kon hin-uno ro ikapitong adlaw nga katapusan ku anda ngatong ritwal ag dikato man dayon sanda magahaead ku andang mga sakripisyo.

Mga Binuhatan 24:18

Tag idto ako sa Templo nga nagahaead pagkatapos ku akong pagtuman ku ritwal it pagpakalimpyo sa mata it Dyos hay hakita ako ku pilang ka Judio nga halin sa probinsya it Asya. Bukon it abo kato ro tawo idto ag owa man it gulo.

1 Corinto 11:28

Ngani dapat anay usisaon it kada isaea ro anang kaugalingon kon tama baea ro anang pagpahaega ku kahueugan ku kamatayon it Ginuo. Makaintra eang imaw sa pagdumdum ngaron kon tama ro anang pagpahaega ku kahueugan karon.

Santiago 4:8

Magpaeapit kamo sa Dyos agod mageueot ro inyong relasyon kana ag batunon gid nana kamo. Kamo nga mga makasasaea hay dapat magtalikod eon sa saea agod limpyo eon permi ro inyong buhat. Indi eon kamo mag-isaea-daywa it paino-ino ag limpyuhi ro inyong tagipusuon agod ro Dyos eang ro inyong ginahigugma.