Juan 11:52 - Inkeanon

⁵² Ag ro anang kamatayon hay bukon eang it para sa mga Judio, kundi para man sa tanan nga unga it Dyos nga bukon it Judio nga idto sa sari-saring parti it kalibutan, agod mangin sangka pamilya eang sanda tanan.

Juan 11:52 Iomraidhean Croise

Lucas 15:8

Hambae pa gid ni Jesus, “Kon may sangka bayi nga may 10 bilog nga pilak nga kwarta ag naduea ro sambilog, bukon abi it masindi imaw it iwag ag ana nga silhigan ro bilog nga baeay ag usuyon it mayad hasta hikita nana rato?

Lucas 2:32

Imaw hay pareho it kahayag nga magapaathag ku imong kamatuuran sa mga bukon it *Judio. Ag tungod kana, pagapadunggan kami nga imong mga katawhan nga mga inapo ni Israel.”

Juan 1:12

Pero ro tanan nga nagbaton ag nagtuo kana hay gintaw-an nana it kinamatarong nga mangin unga it Dyos.

Juan 1:29

Pagkamasunod nga adlaw, hakita ni Juan si Jesus nga nagapaeangop kana. Naghambae si Juan, “Tan-awa ninyo. Haron ro *Tiyo it Karnero nga gintao it Dyos bilang pangsakripisyo agod hipatawad ro kasae-anan it katawhan!

Juan 10:16

Ag may akon nga ibang mga karnero nga owa pa hatapoe sa rondayang iya eon sa panong. Dapat nga tawgon ko man sanda ag magapamati sanda sa akong limog, ag magatuo kakon. Itapoe dayon sanda sa dati nga panong ag mangin sang panong eon lang sanda tanan ag sambilog eang ro andang manogbantay.

Juan 12:32

Kon hibayaw eon ako sa krus hay taw-an ko it kahigayunan ro tanan nga tawo nga magdangop kakon agod maeuwas.”

Mga TagaRoma 3:29

Eaom baea ninyo gihapon nga ro Dyos hay Dyos it mga Judio eang ag bukon 't-a it ana man ku mga bukon it Judio? Bukon it makaruyon ay ro Dyos hay Dyos man ku mga bukon it Judio.

Mga TagaRoma 4:17

Nasueat sa Kasueatan nga naghambae ro Dyos kay Abraham, “Plano ko eo't-a nga ikaw ro mangin ama it abo nga mga rasa.” Dahil ro Dyos ro naghambae karon ngani ginpatihan imaw ni Abraham ay sayod ni Abraham nga ro Dyos hay makabanhaw it mga patay ag makatuga it mga bagay nga owa pa iya sa kalibutan.

Mga TagaEfeso 1:5

Bangod sa mabahoe nana nga paghigugma katon hay plano eon it Dyos nga ana kita nga mangin mga unga paagi kay Jesu-Kristo. Ruyon ro pagbuot it Dyos ag nagapalipay kana.

Mga TagaEfeso 3:11

Bago pa gintuga ro kalibutan hay ruyon eo't-a ro anang plano, ag ana gid ron nga gintuman paagi kay Kristo Jesus nga atong Ginuo.

Santiago 1:1

Raya nga sueat hay halin kakon nga si Santiago nga isaeang ka ulipon it Dyos ag ni Ginuong Jesu-Kristo. Nagasueat ako kinyo nga mga inapo ni *Israel nga nagatuo kay Jesu-Kristo ag nagaistar eon sa nagakaeain-eain nga lugar sa kalibutan. Kumusta lang kinyo tanan.

1 Pedro 1:1

Raya nga sueat hay halin kakon nga si Pedro nga sangka *apostol ni Jesu-Kristo. Nagasueat ako kinyo nga mga katawhan nga pinili it Dyos nga nagapangabuhi bilang mga umaeagi iya sa ibabaw it kalibutan nga makaron hay nagaistar eon sa nagakaeain-eain nga lugar sa mga probinsya it Pontus, Galacia, Capadosia, Asya ag Bitinia.

1 Juan 2:2

Ag paagi sa kamatayon ni Jesu-Kristo hay ginpatawad eon kita sa atong mga saea. Namatay imaw bukon eang it dahil sa atong mga saea kundi dahil man sa saea it tanan nga mga tawo.

1 Juan 3:1

Grabi gid-a it bahoe ro paghigugma it Dyos nga Ama katon! Dahil sa kabahoe ku anang paghigugma ngaron hay ginbilang nana kita nga anang mga unga, ag matuod gid ma't-a nga mga unga kita it Dyos. Pero ro mga tawo riya sa kalibutan hay owa gakilaea katon bilang mga unga it Dyos, tungod owa man nanda ginakilan-a ro Dyos.

1 Juan 3:10

Ngani makilaea gid naton kon sin-o ro unga it Dyos ag kon sin-o ro unga ni Satanas paagi dikara: ro owa nagahimo it matarong ag ro owa nagahigugma sa anang igmanghod sa pagtuo hay bukon it unga it Dyos.

1 Juan 3:2

Mga pinalangga, mga unga eon kita it Dyos, pero owa pa makaron ginpahayag ro tanan kon mauno kita sa ulihi. Sayod kita nga kon magbalik si Kristo hay mangin pareho kita kana, ay hikita naton kon mauno gid imaw.

Pahayag 5:9

Nagkanta dayon sanda it bag-o nga kanta: “Ikaw eang ro takos nga magbuoe ku binaeueon nga sueueatan ag magsamad ku anang mga selyo. Takos ka dahil ginpatay ka ag paagi sa imong dugo nga nag-agay hay may gintubos ka nga mga tawo nga myembro it kada rasa, kada linahi, kada tribo ag ro andang mga linggwahe hay ro tanan nga linggwahe iya sa kalibutan.